قدري و نصيبي

part8

جاز شهر على الحكاية تاع الخطرة ليفاتت ٱيلا مولاتش تروح كامل لدار نورة و تيفيتي تشوف سيف الدين كل متشوف في وجهو تتفكر هدرتو وتحقد عليه وصح من هذاك النهار متلاقاوش ... ٱيلا مزالها في خدمة المكتبة و سيف فتح قهوة كيما كان حاب البنات دخلو يقراو وراهي تمشي الدنيا

هذاك النهار ٱيلا كملت خدمة بكري وجات طالعة للدار تهدر مع سلسبيل في التيليفون

ٱيلا : سما مزال باه تخرجي

سلسبيل : ايه حكمني مول boutique مراحش يخليني نخرج

ٱيلا : خسارة كون خلاك خممت نضربو دورة انا ونتي

سلسبيل : ياك cv صوتك راه يبان عيان

ٱيلا : واش نقلك راني نخمم خدمة المكتبة متكفيش .... و دانا لازم نخلصلها ليكور

سلسبيل : نعاونك ٱيلا مراناش صحابات في باطل كاش مخصك قوليلي

ٱيلا : بوه سلسبيل لالا مكنتش قاصدة هاك راني نخمم نشوف برك خدمة وخداخرة

سلسبيل : و السبيطار مزال مرجعولكش خبر

ٱيلا : هاذوك مبانش خبارهم راني شاكة تمسخرو بيا عندي شحال ملي درت لادوموند مزال مرجعوليش خبر

سلسبيل : ان شاء الله تتفرج ... ٱيلا خلي امبعد نعاودلك الحانوت تعمرت صحا ختي

ٱيلا : ربي معاك سما امبعد تهلاي في روحك

هي مع جات تكوبي جاز وحد الموطو و سرقلها صاكها سيات تجبد بصح مقدرتش وطاحت في الارض تجرحت

ٱيلا : هاذا هو زهري المسود ... ياربي علاه هاذو الضرابي يصراو غير معايا

يديها كامل تخبشو و رجلها تجرحت بدات تندب على زهرها رفدت تيليفون تعيط لايوب يقول لكاش واحد يجي يوصلها رفد عليا

ٱيلا : ايوب تعيش خويا ابعث كاش واحد يديني كاين وحد الكلب سرقلي صاك فيه كامل دراهمي وزيد تجرحت منقدرش نكمل طريق à pied

ايوب : خلاص ضك نشوف انتي استناي ثما وين راكي

ٱيلا : راني مع الدورة تاع مكتبة عمي علي

أيوب : خلاص ضك نبعثلك واحد يجيبك

ٱيلا : ايه صحا راني نستنا شقيتك

كوبات وقعدت تستنا جازت وحد الربع ساعة لقات طوموبيل غارات قدامها امبعد هبط منها سيف الدين هي غير طلعت راسها طاحت عينها في عينو وثم ثم عاودت هبطتهم عوجت راسها مكانش حابة تهدر معاه هو قدم من جيهتها وركع حتى وصل للمستوى تاعها

سيف : cv

قعدت ساكتة

سيف : راني نهدر معاك

هي كانت اجابة تاعها الصمت برك

سيف : مقالوليش طرشة و متهدرش ثان