جات خارجة مور مدات لادراس تاع لابوليس قاعدة تمتم مع روحها
ٱيلا : مشافش ميمبا فيا هذاك واش حاسب في روحو نورمالمو هو لي جاري يقولي صباح الخير .... ٱيلا واش صرالك ... ضك انا هبلت نهدر مع روحي واش دخلني
كملت لالة طريق حتى سمعت واحد يتبع فيها من اللور كانت السبعة تاع صبح الدنيا خالية راحت خافت يكون مهبول ولا حتى رياض هذاك واحد يخافو كثر من المهبول نحكيلكم حكاية رياض هو وحد النهار ٱيلا شافتو يمشي و شاد ساشيات بزاف وبنتي كي تحب دير الخير راحت عاوناتو داتهملو للدار وهو من هذاك النهار حاط عينو فيها حابها ومع الوقت هي كانت تتجنبو بصح هو كان عندو تملك تاع واحد مريض من جيهتها و اليوم خلاص ديسيدات تدير لحكاياو نقطة على السطر ... دخلت يدها لصاكها جبدت البارفان العجيب هي خدماتو سبيسيال لهذو المواقف وثمثم دارت لهذاك حتى وين لقاتو جارها
حطت يدها على قلبها
ٱيلا : هذا نتا علاه راك تبع فيا ... عمبالك ركبتلي الخلعة
سيف الدين : حبيتي تقتليني هبطي هذيك البارفان من يدك
ٱيلا : خلاص هاني هبطتها ... ضك علاه تبع فيا
سيف الدين : رانا جيران ... وملازمش نخلي طفلة تروح وحدها في هذا الوقت
ٱيلا :خويا بلا متلعبها gentleman تاع الحومة ...مالغري نملة بصح قادرة على شقايا
سيف الدين : افهميها كيما تحبي ... و الخطرة لي فاتت كنت مقلق و نتي خرجتي في وجهي
ٱيلا : ... ااه سمحلي معمباليش كنت مقلق .. سما لي جا قدامك تخرج زعافك فيه
مسح على وجهو و فاتها
سيف الدين : .. مشي كنتي ناوية تروحي للابوليس ايا امشي
دارت كملت طريقها وهو موراها لحقت دخلت هي تحط لونكات
ٱيلا : سلام عليكم ... ااه محمد هذا نتا
محمد : وعليكم السلام cv ٱيلا ... ايه بديت الخدمة غير كيما
ٱيلا : امم مليح والله غير حبيت ندير لونكات على رياض °°°°
محمد : اممم و السبب تاع الشكوى
ٱيلا : محاولات تحرش
محمد : ااه من وقتاه هذا
ٱيلا : خمس شهور ليفاتو
محمد : علاه مقلتيليش
شافت فيه نص خزرة تاع واش دخلك باه نفهمكم هذا وليد سعاد لي ضاربت معاها الخطرة اللول ويماه متحملش ٱيلا بيسك وليدها حب يخطبها بصح ٱيلا رفضت ومن هذاك النهار رفدت سعاد شنايفها عليها
ٱيلا : شكون نتا باه نقولك ... انا جيت للابوليس صحا خويا ديرلي اللونكات وان شاء الله تخدمو خدمتكم زيد كتب معاها شوف يدي كيفاه دارلي ولات زرقة
أنت تقرأ
قدري و نصيبي
Romanceزوج جيران تلاقاو صدفة هي طاحت فيه وهو طاح فيها بصح حتى واحد ما مستعرف فيزوج راسهم خشين زعما كاش واحد يقبل يتنازل مالغري كامل عمبالهم مكتوبين لبعضاهم كرونيك جديدة surprise السمانة الجاية نبدا نحط وشابة السرد بدلتو مشي كيما لي فاتو و احكمو بلاصة كا...
