حبست الطوموبيل تحت الباطيمة تاعهم و هبطو امبعد غير السكات لي يتسمع
أيلا : اممم ميغسي كي عاونتني اليوم كان just شباب منك
سيف : مدرتش حاجة كبيرة الحمدالله سلكت على خير
راحت تنطق حتى جات دانا و داليا في هذيك الدقيقة وقاعدين يشوفو فيهم دانا لي قاعدة تشوف في ختها لي من هذاك النهار كل متجبدلها على سيف الدين تدي طريحة تاع كلاب وتقعد تسب فيه و داليا لي خوها واقف مع طفلة هابطة زيد من طوموبيلتو وهذي حاجة bizarre بحكم خوها وتعرفو
دانا : مساء الخير ... ٱيلا واش راكي ديري مع عمو
داليا : امم خويا ياك كلش لاباس
سيف الدين : مكان والو البنات ٱيلا راحو يسرقوها طاحت تجرحت هذا وين جينا من عند الطبيبة
راحت دانا تجري لعند ختها تشوف فيها
دانا : واش راكي واش قالتلك الطبيبة ياك متكسرتيش ... ٱيلا قوليلي
ٱيلا : خلاص دانا راني مليحة الحمدالله شوي جريحة في رجلي راني عيانة خلينا نطلعو
داليا : ٱيلا ربي يجيبلك شفاء امبعد نجوز عليك
ٱيلا : ان شاء الله مرحبا بيك
جاو طالعين مشات ٱيلا بسيف مع وصلت لباب الدخلة حتى وين ولات دانا وين كان سيف
دانا : عمو اسمحلي اذا نشقيك كون تعاوني ٱيلا مشكيتش تقدر تطلع وحدها وانا منقدرلهاش وحدي ... راك تشوف فيها قدها قد البقرة
ٱيلا دارت لعند ختها تشوف فيها بوحد الخزرة تقتل داليا حطت يدها على فمها تحبس الضحكة و سيف ضحك داخلو على هدرة هذي الطفلة زعما قد ختو بصح لسانها يدور على كامل الكرة الارضية ويعاود يولي
سيف : ايه نعاونك .. اذا مكانش عند ختك بروبلام
اميرتي شافت فيه وجات تنطق بصح ياك عندها l'avocat
دانا : لالا معندهاش بروبلام خلينا برك نطلعو تكون ماني متقلقة عليها ... راني خايفة تطيح في الدروج والله غير يهبلو في الدار
ٱيلا دورت راسها تستغفر مع روحها
ٱيلا : استناي يا دانا طيحي في يدي برك حسبتلك معمباليش واش راكي تسيي ديري
جات طالعة درجة بدرجة موراها سيف وختو وختها هكاك و تحس حاجة حكمتها خلاتها تولي للور وهذي برك رجل دانا مفهمتش اذا راهي تعاونها ولا حابة تكسرها صح المهم حكمها سيف من كتافها هي ديركت حطت عينيها مع عينيه الرجفة مشات مع كامل الكور تاعها
دانا : ختي بالاكي شوفي وين راكي تحطي رجليك بالعقل عليك
ٱيلا دورت عينيها عندها تحلف وتعاود و دانا غير تمدلها في الابتسامات كملت طلعت ٱيلا حتى وين وصلت للباب تاع الدار
أنت تقرأ
قدري و نصيبي
Romanceزوج جيران تلاقاو صدفة هي طاحت فيه وهو طاح فيها بصح حتى واحد ما مستعرف فيزوج راسهم خشين زعما كاش واحد يقبل يتنازل مالغري كامل عمبالهم مكتوبين لبعضاهم كرونيك جديدة surprise السمانة الجاية نبدا نحط وشابة السرد بدلتو مشي كيما لي فاتو و احكمو بلاصة كا...
