كل واحد وين راح تفركتو وعند فيروزة
ريم : حنونة روحي للجيران الجدد ابعثيلهم هذي الطنجرة مساكن معندهمش واش يفطرو
ٱيلا : كي تشوفوني قاعدة تحبو تخدمو فيا شوفي مع دانا
ريم : ٱيلا نوضي منعاودش الهدرة دانا مكاشها .. راني نستنا ايا
ٱيلا : خلاص هاتي برك خليني نروح
ناضت الفنيانة كي العادة شعرها مطلوق راحت عند الجارة نورة فتحتلها الباب ودخلتها
ٱيلا : طاطا هذي ليكم بعثتها خالتو ريم
نورة : كثر خيركم بنتي من النهار اللول شقيناكم
ٱيلا : واش من الشقا الجيران لبعضاهم
نورة : اقعدي واش بيك واقفة
ٱيلا : والله غير لالا ضك راني رايحة
فارس : يما شكون جا
نورة : ارواح ياوليدي ...بنت الجارة هذي ٱيلا بنتي هذا وليدي فارس
فارس : ختي cv متشرفين
ٱيلا : الحمدالله معرفة خير ان شاء الله ... ايا نخليكم نشالله تعجبكم الماكلة
جات خارجة حتى سمعت صوت تعرفو
دانا : ختي استناي نجي معاك
ٱيلا : واش راكي ديري هنا ثان نتي
دانا : كنت مع داليا
ٱيلا : اسمحيلي طاطا ختي تكون شقاتكم
نورة : واش من الشقا ختك حلوة كون نلقا تقعد من الصبح حتى العشية تونسني
تبسمتلها ٱيلا وخزرت في ختها باه تبعها امبعد جات خارجة حتى دخلت في حيط مشي exact حيط بنادم بلافورم تاع حيط ٱيلا بعدت بعدت شعيراتها تشوف مع الحيط قصدي البقلاوة
ٱيلا : هذا نتا
جات تطلب سماح هو مخلالهاش تهدر
سيف الدين : العما ... عميا متشوفيش وقيل خصك طبيب
ٱيلا : مشفتكش معليش
سيف الدين : شوفي ضك الخضرة كامل طاحت
ٱيلا : نتا لي دخلت فيا ... يخي حالة ضربني وبكى سبقني وشتكى
سيف الدين : غالطة وزيد متستعرفيش
ٱيلا : واش نتا قستك مشي بلعاني متهدرش معايا هاك
سيف الدين : لسانك طويل في بلاصت متطلبي سماح
ايلا : علاه خليتني نهدر ... صحا خويا روح بعد خليني نجوز
نورة : واش صاير هنا .. وليدي
ٱيلا : هذا وليدك طاطا ... اسمحيلي بصح ميعرفش يهدر
فارس : خويا ؟
سيف الدين : يما شوفي معاها طيحتلي الخضرة
ٱيلا"من الصبح راك تعاود فيها خلاص عمبالنا طيحتلك الخضرة ... خالتي رحت نطلب سماح مخلانيش ميمبا espace نهدر "
أنت تقرأ
قدري و نصيبي
Romanceزوج جيران تلاقاو صدفة هي طاحت فيه وهو طاح فيها بصح حتى واحد ما مستعرف فيزوج راسهم خشين زعما كاش واحد يقبل يتنازل مالغري كامل عمبالهم مكتوبين لبعضاهم كرونيك جديدة surprise السمانة الجاية نبدا نحط وشابة السرد بدلتو مشي كيما لي فاتو و احكمو بلاصة كا...
