" بسم الله نبدأ "
« قبل ثلاثة عشر عام »
- في الليل الدامس ، وسط الطريق ، منقسمين فسيارتين -
سيارة ابو عبدالعزيز " معاه أهله والجده "
سيارة ابو تركي " أهله و الجد"
وقفوا عند أحد محطات الطريق و بجانبها مسجد ، نزلوا عشان يصلون الفجر وبعدها يكملون طريقهم .
أبو عبدالعزيز:يلا ي ام عبدالعزيز مانبي نتأخر
- نزلوا بعدها للصلاه -
" وكانوا جاهلين نظرات الحرمه الي في الاربعينات من عُمرها ، واقفه بعبايتها الي تشابه سواد الليل ونقاب وماظاهر الا يدها بجانب المحطه ، وناويه على احد الاطفال المتواجدين في السياره "
دخلوا للصلاه ..
-
'' نوره التي كانت بعمر أربعة اعوام و أشواق التي كانت بعمر ستة اعوام كانوا غارقين في نومهم في السياره ومعاهم عبدالرحمن الي كان صاحي بعد ما أمرّ أبو عبدالعزيز له لكن بعد دقايق غرق في النوم ''
صحت نوره من حست بعطش وتوجهت لسيارة عمها تجيب قارورة مويه وجاهله من كان يراقبها - أخذت المويه وكانت بتتوجه تركب السياره لكن الحرمه صاحبة الأربعين عام كانت أسرع منها "
بعد الصلاه كلٍ ركب ع سيارته ..
ومن حسن عادت ابو عبدالعزيز ينادي ع عياله كل م نزلوا لمكان بعد ماناداهم نطق أبو عبدالعزيز ب أسم نوره - ينتظر أجابه منها لكن مافي رد - نطق ابو عبدالعزيز ل عبدالرحمن الي له توه يصحى ، أبو عبدالعزيز: دحوم يبه نوره نايمه؟
ناظر عبدالرحمن لـ شنطة السياره وعقد حواجبه من ناظر ل اشواق نايمه وحدها ، والتفت على المقعدين الاماميين - ونطق : لا ي ابويه نويّر موب موجوده
ابو عبدالعزيز : دحوم ماني فاضي لمقالبك اختك بجانب اشواق
عبدالرحمن:ولله ي ابوي ماهي موجوده
-
الكل نزل من سياره يدور ع نوره مرت ثلاث ساعات ونص وهم يدورون في نفس المكان ، لكن دون جدوى .
ام عبدالعزيز اننهارت "فقد الضنى شين"
وقدموا بلاغ لشرطه وبحثوا ل اسبوع و شهر ول ستة شهور ولسنه ولسنتين ولخمس من بعد خمس سنوات ، بحثوا لحتى تعبوا ، لكن الامل كان ملازمهم ، وتوفت أم عبدالعزيز من حسرتها على نوره
- ومرّ على غياب بطلتنا خمسة عشر عام -
-
-
" في احد الصحاري كانت كل حواسه على القناصه الي تتوسط يده ومثبتها على حجره ويحاول بكل تركيز يصيد أحد الطيور ، قاطع تركيزه أتصال وأعتدل في جلسته من لمح الأسم "
خالد :هلا مشعل
مشعل:خالد تعال للمركز ضروري!
خالد :حصلتوا اثر له!
مشعل:جبناه بشحمه ولحمه بس تعال
- بحركه سريعه جمّع اغراضه ورماها في حوض السياره ، وأتجه لمقرّ عمله -
-
- مقرّ عمل الضابط خالد بن سلمان -
خالد : وينه؟
مشعل : ف غرفة التحقيق كان يحقق معه راكان بس مافي اي نتيجه
خالد : ماني طالع من عنده الا وهو ناطق إن شاء الله
مشعل مسك يده : خالد لا تسوي شي تندم عليه
خالد : ماعليك ماني مسويله شي خفايف بس
مشعل ضحك : الله يستر من هالخفايف بس
خالد ضحك : شرايك اجربها عليك اول؟
مشعل : توكل جربها على هذاك ماهو عليّ
-
وتوجه خالد لغرفة التحقيق ، ناظر ل راكان الي كان خارج من الغرفه .
خالد : اررحب
راكان : البقى ايوه شعندك
خالد : الخسيس الي داخل م نطق؟
راكان : مع الاسف بس لو ضغطنا عليه اكثر بينطق
خالد : امره معي
صافح راكان ودخل للغرفه - مصعب كان منزل راسه على الطاوله من فتح الباب خالد رفع راسه وضحك : اوههه الضابط حفيد المطلق شرف!
خالد تقدم فتح قارورة المويه وشرب وسحب الكرسي وقعد امام مصعب : اهلاً ب صاحب المجرمين
مصعب وهو يسند ظهره لخلف الكرسي وابتسم ب أستفزاز : اي مجرمين وش سويت ؟ ماهو منطق اذا ابوي ذبح عمك (يقصد فيه ابو سعود) يعني انا مجرم !
خالد : ي حرام يعني تبي تقنعني انه انت مالك دخل ف زفت الي تجيبه وتبيعه للناس انت وعصابتك؟
مصعب : اي زفت واي عصابه
خالد : شوف اذا ماكنت تدري ترا انا انسان صبري قليل وصدقني الحين معي هالقد من الصبر لو ماتكلمت بتشوف نجوم الليل ف عز الظهر
مصعب ضحك بهستيريه وحط رجل على رجل: بخاف يعني ؟ انتو ي احفاد مطلق وش تبون مني !! هذا هو ابوي انحكم عليه قصاص والحين يعني لازم تكملون ع ولده اولها سعود وتاليها انت !!
خالد وهو انتهى صبره وتقدم ومسك ياقته : لا عاد تجيب اسم جدي و عمي المرحوم وولده على لسانك ي الخسيس
مصعب ببتسامه : لا حول يبوي ماني ناطق اسمهم
خالد : تكلم عصابتك وبضاعتك وينها؟
مصعب : اي عصابه واي بضاعه
خالد اعطاه لكمه وطاح على الارض : لا تجحد وأنت مفتاح القضيه !
مصعب رفع راسه وهو يناظر لخالد ويلهث : دامك حصلت مفتاح القضيه دورّ على قفله ياحفيد المطلق
خالد رفسه ف بطنه ونادى على الشرطي : ي شرطي
شرطي: سم ي الضابط خالد
خالد : وده للزنزانه
ونفذ كلام خالد - دخل راكان
راكان : تكلم!!
خالد هز راسه ب لا : أعطي للشباب علم يجيبون لي سجلات الاتصال وابيهم بكره الليل جاهزات
هز راسه راكان ب ايه وخرج ..
-
« في بداية فصل الشتاء ، في بيت الجد مطلق ، وفي أول ايام الاجازه ، فالحوش الي كانت فايحه ريحة النار و القهوه والشاي فيه ، دخل سعود للبيت وتقدم يحب راس جدته نوره : أرحب ي ولد الغالي
سعود ببتسامه :البقى
الجده : الا جدك وينه فيه
سعود : راح للحلال مع ابو صالح
الجده هزت راسها ونطقت: يمه سعود
سعود : سميّ ي الغاليه
الجده : امك امس دقت عليّ
سعود فز والتفت لها : فيها شي؟
الجده : لا اتصلت عليك وانت م رديت واتصلت عليّ
سعود : شفيها؟
الجده : تبيك تزورهم
سعود ضحك ب أستغراب : ازورهم؟ متأكده ي يمه؟
الجده:تكذبني ي ولد ابوك !
سعود : محشومه افا عليك
"وجات العنود وهي شايله صينية الاكواب والفناجين''
العنود : السلام عليكم
الكل : وعليكم السلام
العنود : ايييه شمسوين
سعود : جايبين لك زوج م يتفوت
العنود شهقت وتناظر ل امها : يمه تبون تفتكون مني !!!!!
الجده : يمزح معاتس وكتبي الاغراض الناقصه وقولي لعايض يجيبهم قبل لا يجون اخوانك
العنود : واخيرا بتصير عجه بالبيت بدل هالوجيه بعد الي مقابلتهم طول اليوم
سعود : احمدي ربك يعمتي محد معطيك وجه غيري انا وعمي عايض وعياله وبنت ابو صالح الي طول اليوم ي رايحه ي جايه تجينا اكثر عن اخواني
" العنود تخز ف سعود و تشرب الشاي "
سعود وكمل:بصراحه ي عمتي حنا م نطيق نجلس معك بس عشان نداري خاطرك ونجبره وندري انك ام دميعه مقابلينك
العنود: تكفى لا جرحت مشاعري خلاص ماعاد لا اكل ولا اشرب ولا اتنفس مسوين محور الكون دزوا بس
الجوهره :عمي سعود
سعود وهو يكب القهوه:ها
الجوهره:ودني البقاله
سعود:قولي ل ابوك الخروف يوديك
الجوهره : انت حيوان
سعود رفع نظره لها وهو حابس الضحكه : ششنهوو ! يبنت عويّض
الجوهره وهي معصبه : انت قلت ل بابا انه خروف و الخروف حيوان
سعود الي يمثل انه بيقوم لها ، الجوهره الي ركضت ورا ظهر جدتها وهي تضحك : جده شوفيه بيضربني
الجده وهي تسحب الجوهره تجلسها جنبي : يعقب م بيضربتس وانا موجوده
سعود : جده الله يهديك لا تخربين هيبتي
الجده : عن الهدره الزايده العنود قومي سوي الي قلته لس وسعود امك تبيك وانتبه لطريق وانا رايحه لعند حريم الديره
-
عند عايض و ساره ..
عايض وهو يفرفر ف جواله : الجوهره وين؟
ساره : برع مع عمتي
عايض : اييه زين
ساره تقدمت وهو تقعد جنب عايض : عايض
عايض وهو منسدح على السرير : هلا
ساره : بروح لسوق مع ولد خالتي وخالتي وبناتها
عايض : مافي روحه
ساره : ليش؟ترا مع اخواته وخالتي
عايض : ساره قلت لك لا يعني لا
ساره : طيب عطني سبب مقنع!!
عايض : ولد خالتك الدكتور الي خطبك اكثر من ثلاث مرات!!ها؟ورفضتيه!الي قلتي ف بداية خطبتنا وافقت على بيّاع ولا وافقت على مهندس؟ناسيه ولا اذكرك!
ساره : وانت للحين معلق فالماضي ها! كملنا سنين وبيننا عيال وباقي!قلت لك معنا خالتي وبناتها مو طالعه معه بروحي والبنات يبغوني وقدني لابسه
عايض الي وقف ونطق بحده : تفهمين قلت لك لا
ساره : طيب عطني سبب مقنع م تخليني اروح معاهم !!!
عايض : بمزاجي ! انا زوجك منتي رايحه يعني منتي رايحه ، ما ابغى اقول كلام اكثر وازعلك ان خطيتي خطوه برع هالباب م تخطين خطوه داخله
وخرج ..
ساره وهي تفسخ عبايتها وتأففت ونطقت: ياحبه للنكد
-
فبيت أبو تركي ، الي كان دائما يعج ب الصراخ بسبب هواش ف المطبخ ( ام نواف) و سندس متزوجها ابو تركي لها ٦ شهور "
سندس وهي تدف أم نواف : وخري بس ابي اغسل
ام نواف وهي تغسل يدها : كفّي شرك عني لا اسمح بشعرك الارض
سندس : غيرانه ؟ قده شعرك ابيض ي عجوزه
وانفكت ام نواف ع سندس وقعدوا يتماطون م شعر
" ابو تركي و تركي ونواف كانوا برع البيت "
-
ف الصاله ..
الكل كان متواجد ف الصاله الا سلطان قاعد بغرفته كانوا يتقهوون وشوي سمعوا صوت هواش ، من سمعوا الهواش كلهم ضحكوا لانهم متوقعين ومن جاب ابوهم الثالثة وهم كل ساعه هواش ..
وقاموا للمطبخ يفكونهم ، ام تركي مسكت ام نواف : خلاص ي اصيله
اثير وخيال ماسكين سندس ، سندس : قطعتي شعري حسبي الله عليك
والجادل الي ماسكه أم نواف : اقطع عروقك حشى م نتي بمرّه ثور هايج اعوذ بالله
سندس : محد ثور غيرك
صرخ عليها عزام : هييييي احترمناك واجد اقبضي لسانك
سندس وهي تحط يدها على خصرها : ولله ي حبيبي هي الي مدت يديها اول عليّ ولا انا محترمتها وامهاتكم كبر امي عجيّز
ام تركي : خلاص طلعي
راحت ..
ام نواف : كسرت ضلوعي لعلها تتكسر
ماجد : ولله ي خالتي مسويلنا فعاليات بالبيت
عزام : ماله داعي منبه يصحيني اصواتكم ماشاءالله تصحينا
وشوي جاء سلطان والسماعات ف اذنه : وش هالازعاج ذا
عزام : انت الارسال معك معلق ولا ايش!! فاتتك الهوشه
ام نواف وهي تقرص سلطان ، بمزح : انت منثبر ف ذي الغرفه وش تسوي ها بدل لا تجي تفزع لي
سلطان بصراخ : وش دخلني انا تتهاوشون وتطلعون الحره فينا
ام نواف : لسانك لا يطول وهات السماعه
سلطان : خلاص اسف
ام نواف : قللللتتتت هات السماعه
"سلطان فصل السماعه ورماها ع طاوله وراح و لحقه ماجد الي يدري بحركات سلطان"
ريم دخلت المطبخ وهو توها صاحيه : حنا حتى ف بيتنا م نرتاح وذا شفيه الشر يتطاير من عيونه
عزام : سكنهم ف مساكنهم
ريم : شقصدك ي حمار جنيه! يمه
ام تركي : يمزح معاك لا تصدقينه
عزام : لا ي خالتي اقول الصدق انا م اجامل
ام تركي : عن المحارش ويلا تعالو كملوا فطوركم
وراحوا يكملون فطورهم ..
" ف الغرفه مع ماجد و سلطان "
ماجد بحده : انت م تفتهم كم مره انا واخواني قلنا لك خرابيط هالبنات تتركها !
سلطان بهدوء: مالكم دخل فيني
ماجد : لنا دخل ونص انت م تخاف الله ف خواتك م تخاف تدور الدنيا ي الخايس ها كل يوم مكلم بنت ! ولله لو يعرف ابوي سواياك ل يكسر الجوال ع راسك
سلطان : لا تخليني اقول كلام م ابي اقوله ي ماجد وفكني
ماجد : تمام بطلع الحين تركي يعرف يتصرف معك
سلطان بصراخ : اووووه تركي و تركي ترا ماهو ملك الموت
طلع وقفل الباب بقوه ..
-
" وشوي دخل ابو تركي و تركي و نواف وطلعت سندس من الغرفه تبكي وراحت جنب ابو تركي "
ابو تركي : وشفيك وش له هالدموع
نواف من شافها قعد ع الكرسي : مسرحيه جديده
تركي : وانت صادق
ابو تركي : اقبض لسانك انت وياه لا أخلي هالعصا ترقص على ظهوركم
تركي و نواف وهم حابسين الضحكه:تبشر
ابو تركي ناظر ل سندس : وش فيك
سندس وهي تمثل البكاء : تخييل ي صلوحيي انه مرتك ام عيون طقتني ولا خلتني افطر معاهم طردتني
تركي:هيي انتي!احترمي نفسك ي دخيله
ابو تركي يخز تركي : اكسر الشر الي فراسك ي تركي لا اقول كلام م يعجبك
ولف على سندس ابو تركي : وش مسويه
تهاني : م سويييت شي هي قعدت تسبني
ابو تركي فتح عيونه : تسببب منهي !
سندس زادت شهقاتها : ايييه ي صلوح اصيله هييي
ابو تركي : اصيييله اصيله تعالي
فزت اصيله وراحت ..
ابو تركي : وش مسويه فيها
ام نواف : م سويت شي ي بو تركي تكذب عليك
سندس وهي تبكي : انا كذبت الله يسامحك بس
ابو تركي : اسمعن انتم الثلاث رايح اريح راسي ان سمعت هواش تشوفن حزتها الي يصير
- وراح -
سندس مبتسمه ومتكتفه وتخز ف ام نواف ..
ام نواف : قلع الله هالعيون تعرفين تمثلين
سندس : هههههه مبدعه فكلشي
نواف : لو انك رايحه ام بي سي تمثلين
سندس : اهمشي صلوحي الي هو ابوك صدقني
" وراحت "
ام نواف انضغطت صدت ل نواف و تركي :وانتتت وياه وينكم فيه
ريم : قلبت عليكم ذلحين
تركي : شفتي انه مظلومين
ام نواف : وينكككم ها
نواف: يمه قلبي كنا نجيب الاغراض من المزرعه عشان زواجي
ام نواف : ايه وانت
تركي : معه ولله
ام تركي : ايييه زين يلا تعالوا نفطر
نواف:لا يمه بالعافيه الجادل عندها موعد فالمستشتفى وبنروح
ماجد وهو ينادي من فوق السطح ل تركي : تركي
تركي : صمخ شعندك
ماجد : تعال ابيك ب موضوع
-
دخل نواف وصعد تركي لفوق ..
تركي : ايوا؟
ماجد تنهد : سلطان تعبت منه
ماجد : السوالف الي خابرها م ابيه يمشي ف هالطريق
تركي : م تاب هذا
ماجد : لا من شوي مهاوشه م فاده شي
تركي : تبي الصدق حتى انا تعبت منه لكن اصبر علي
ماجد : لا تعلم ابوي
تركي : ادري ماني قايله الحين رايح له
توجه تركي لغرفة سلطان واصوات ضحكه واصله للمر ودرى من يكلم ..
تركي دخل : هات الجوال
سلطان قفل ع طول : شتبي فيه!
تركي : وش وش ابي فيه اقولك هاته
سلطان : ماني معطيك مثل م انتم معكم خصوصيه وانا معي خصوصيه
تركي : اييي خصوصيه اي خرابيط !! واصوات ضحكك انت وياها للمر استحِ ع وجهك رجال بشنبه يلاحق البنات
سلطان : مالكم دخل ف الي اسويه
تركي : اخر مره وبعدها اعلم ابوي واعمامي ب سواياك واهما يتصرفون
سلطان : ع اساس ابوي فاضي لنا كل ثلاث شهور جايب لنا وحده متزوجها من قلة شغله
تركي صفعه بكف : لمن تتكلم عن ابوك ب احترام ! انت م تتعلم كل م سويت مصيبه رحت طلعتك منها مثل الشعره من العجينه
سلطان ب استفزاز : ايه غصبًا عنك ياتركي تطلعني لاني انا اسوي العمله وانت تنظفها وهذا المفروض عليك بما انك اكبرنا
تركي بقهر : الحاجه بتجيبك لنا وتقول ليت سمعت كلام اخواني
-
-
-
أنستا | n0vals7
التيك |n0vals3
" لايك تقديرًا ل تعبي "
أنت تقرأ
لو غاب نور البدِر في عِتمة الليل ينّشاف نور البدر في وجه خلّي.
Actionخالد قفل جواله ورجع جواله لجيبه واخذ سيقاره يقربها من فمه ويولعها وتقدم من لمح نفس هيئتها دخلت المخبز ، تلثم وتكى على السياره ورمى سيقارته ودعس عليها ويدعي داخله يارب هي مرت عشر دقايق وفز من لمح عيونها وتأكد من ناظر للوح الخشبي للرسم يتوسط يدها الي...
