لو غاب نور البدِر في عِتمة الليل ينّشاف نور البدر في وجه خلّي.

٦

- ف غرفة عايض مع ساره و جود و اثير
اثير الي تقول لهم سالفة عبدالعزيز وعاليه
اثير:تخيلوا بعدها دفته وركضت اخخخ ي القهر الي فيني
ساره:وانتي تقولين يحبك!
اثير:يحبني عزوز!!بس هذيك البقره تتغنج قدامه وفل ميكب وتمشي من قدامه ولا تتغطى
جود: متعمده توقف قدامه!!
اثير:شفتي كيف
جود:اسمعوا خيال
ساره:شفيها!!
جود:انا الي دفيتها بالـ...
اثير:ها؟؟
جود:اصبري اثير ترا بالغلط!!ماني قاصده يعني ما توقعت ينكب عليه
ساره: و خيال ساكته لك!!
جود:لا (وقالت لهم السالفه)
اثير:ترا خيال ضعيفة شخصيه اكيد عزام الي حس
جود:عندي احساس انه هي قالت له
ساره:بس زين سوا فيه فهد
جود:برد حرتي
ساره: أهم شي فهد مصدقك
جود: صادقه
وشوي جاء محمد ولد جود وفهد .
محمد:ماما بابا يبيك
جود:يلا حمودي جايه اطلع (والتفتت للبنات):استأذنكم
وراحت..
-
في المول مع عبدالرحمن وضيّ ونايف ، قاعدين عبدالرحمن وضيّ على الكراسي ويناظرون ل نايف الي يلعب .
ضيّ: عبدالرحمن
عبدالرحمن:هلا
ضيّ:ودي أروح ل امي
عبدالرحمن:تبشرين حددي اليوم و اوديكم
ضيّ:بتروح معانا!
عبدالرحمن:نشوف أمور دوامي
ضيّ:حاول ابغاك تروح معنا
عبدالرحمن:إن شاء الله
وناظر لجواله الي رن واخذه ، عبدالعزيز:وينك انت؟
عبدالرحمن:ف المول مع اخوياي
عبدالعزيز:وش فيك انت م تقعد ف البيت جدي يسأل عنك
عبدالرحمن:قلهم مشغول
عبدالعزيز:يلا معسلامه
وقفل ..
عبدالرحمن:نروح
هزت راسها ضيّ وتوجه عبدالرحمن ينادي نايف ويخرجون
-
وسط البر كانت القناصه على يساره وفي يده احد اوراق القضايا الي لازم يختمهم ويناظر لسعود الي يهوجس ..
خالد:يهو!انت جاي تسولف ولا تهوجس
سعود التفت عليه:قلت تسوي شغلك وبعدها نسولف
خالد رمى اوراقه على الجنب بهدوء ونطق:شفيك ؟
سعود:ودي اسأل ولد الكلب الي عندكم!وش سببه يقتل انسان م عمل له اي اذى!
خالد طبطب على كتفه:نال جزاه
سعود ناظر لخالد:وتحسب انه نار جوفي خمدت!لا ولله يخالد ابوي اليوم كمل تسعة عشر سنه ونار جوفي مثل ماهي ماخمدت ! كل ماذكر موقفي تزيد النار لدرجة ودي اروح اقتل ولده واوسخ يدي واخذ حق ابوي من ولده بعد
خالد التفت له ونطق:الا هالتفكير يسعود لا عاد تفكر فيه لا تحرق جوف امك وجدتي عليك لا تخليني بين نارين بين وظيفتي وبين اخوي وولد عمي تكفى ياسعود
سعود تنهد ونزل شماغه على كتفه ، ومد خالد له القناصه ونطق:اشغل بالك فيها لين اخلص شغلي ، كان بياخذها بس جاه اتصال وناظر لرقم امه
سعود:هلا يمه
ام سعود:..
سعود:ابشري ذلحين اروح اجيبها
وقفلت ..
سعود:خلصت؟
خالد:وين بتروح؟
سعود:ودني لبيتنا اخذ سيارتي وبروح لامي
خالد هز راسه وتوجهوا للسياره
-
وقف السياره سعود من بعد ما اخذ سيارته وقعد ينتظر سديم - دقايق الا ينفتح باب السياره وركبت سديم ..
سعود ببتسامه:هلا هلا!
ناظرته سديم وهي مبتسمه:يهلا فيك زين انك جيت ابوي طول عليّ
سعود:ايه اتصلت امي عليّ تقول ابوك انه صار له شغل
سديم وهي تحط الحزام:يحبيبي انت ماتقصر
سعود:اكلتي!
سديم:لا بس اسوي اكل فالبيت
سعود: واذا قلت اني عازمك على حسابي؟
سديم:ما اردك بس اخاف ابـ...
سعود: ابوك امره معي
وحركوا ..
-
'' مرور أسبوعين ''
( خلال هالاسبوعين - بدت حروق خيال تلتئم ، والعنود الي درت بأنه حرق خيال من تحت راس جود زوجة فهد و حلّفت خيال على العنود بأنها ماتقول لأحد - والقضيّه الي ماسكها خالد ماصارت اي تطورات )
-
[ في مكان جديد لأول مره نروح له في إحدى القرى الصحراويه والبعيده عن مدينة الرياض ، كان هناك بيت شبه متهالك ، ام هشام الي كانت حول ولدها ف عمر ٢٠ من بعد تم عمل عمليه نقل الكلى له الي انصاب ولدها بالفشل الكلوي من وهو صغير والمتبرع كان من نصيب نوره ، الي تبرعت قصرًا من بعد م أجبرتها أم هشام وزوجها الي كان له مستوصف قريب منهم وكل هذا قبل شهرين ]
-
ام هشام:هشام حبيبي انت بخير؟
هشام الي كان من كثر تعبه م نطق بس هز راسه ب" أيه "
نروح لعند نوره صحت وهي تحس ب ألم بسيط طلعت ل برع فالحوش ناظرت فيهم بقرف ف هشام و ام هشام الي كانت تكرهم والكره الاكثر كان من نصيب هشام الي حاول مره من المرات انه يتحـ#ـرش فيها بس أنقذت نفسها .
-
نطقت نوره:جعلكم ف هالحال انتي وولدك و أردى منه
ام هشام: ذلفي لغرفتك
نوره:من زين القعده معكم !! حسبي الله ونعم الوكيل فيكم انتي وولدك زوجك فوقكم جعل ربي ياخذ حقي ف اسرع وقت
ودخلت لغرفتها وهي تصيح وتتذكر تفاصيل هذاك اليوم الي حاولت انها تقفل الباب عن هشام بس كسره وناظرت ل كتفها و آثار اصابعه حست بوخز ف كليتها اليمنى وقعدت على الكرسي وكبت لها مويه وشربت وفتحت درجها وطلعت كل لوحتها وألوانها ، سندت اللوحه على اللوح الخشبي وقدمت الكرسي وقعدت ترسم وهي تتذكر قبل ثلاث شهور لمن قررت تهرب !
-
قبل ثلاث شهور ..
الساعه ٢ونصف بعد ما قررت نوره انها تهرب بِما إنها دخلت ١٨ سنه ودخلت لغرفة أبو هشام واخذت صورتها وهي طالعه قفلت الباب وتوجهت لغرفتها وهي تناظر للصوره الي كانت منقطعه وماهو مبين يد الرجال الي كان ماسكها ..
نوره وهي تمسح دموعها : ليتني م نزلت من السياره
لبست عبايتها وحجابها ونقابها وتوجهت للباب كانت بتفتحه بس سبقها صوت ابو هشام و عطول خشت الصوره ف عبايتها ..
ابو هشام بصراخ:ع ويييين !! ف تالي الليول !!
وتقدم وهو يقفل الباب : تبييين تهربيييين اجل !!
نوره وهي تناظره ببرود:أيه بهرب
ابو هشام مسكها من شعرها:مثل ما عشتي فهالبيت طول ١٥ سنه بتعيشين فيه لين تشيبين .
نوره وهي شالت يده :الظاهر خيالاتك بدت تكثر هالايام!!
ناظرت لدرج الثاني فكته وهي تطلع صورتها وهي صغيره وجنبها شخص بس ماتتذكر مين ! وصورة الشخص مشقوقه ما مبين الا يدينه تنهدت بضيق ونسدحت على السرير ..
-
ف مركز الشرطه ، في غرفة التحقيق مع خالد ..
مصعب وهو يمسح دمه من انفه :حتى لو قلت اني أدري بمكانهم ماني قايلك
خالد وهو يمسح يده الي صار فيها اثار دم مصعب عليها:ابد ولله انا قاعد على قلبك لحد اخر نفس تتنفسه
خالد شاله من على الارض ومسك راسه وخلّه على الطاوله وصار يدعس على راسه:تتتكككلللم ي نذل!!
مصعب وهو يتنفس ف صعوبه:تبيني اتكلم وانا يومين واطلع
خالد فكه وناظر فيه:يومين؟ يعني مخطط!!
مصعب ببتسامه:تقدر تقول
خالد:تعقب وتخسى مهما لفيت الدنيا مصيرك بترجع هنا لنفس الطاوله وتعترف نفس الكلاب انت وألي معك
دخل الشرطي :الضابط خالد بن سلمان في احد يبيك
خالد:تعال شيلوا هذا لزنزانه وشددوا الحراسه عليه
غسل يده خالد وطلع وكان عبدالرحمن موجود ...
خالد:دحوم ؟
عبدالرحمن:بسم الله شفيه وجهك ويدك
خالد ضحك:شفيك كأنك شايف جن ترا طبيعة عملي تدري
عبدالرحمن:ابيك ب موضوع
خالد وهو يفتح باب مكتبه:تفضل
ودخل ..
خالد:وش تشرب؟
عبدالرحمن:دامك مُصرّ قهوه
خالد :وانت تصدق
عبدالرحمن:اقول جيب قهوه افتح راسي
خالد ضحك :تبشر
عبدالرحمن: غصبًا عنك
خالد:ي ناصصر
ناصر:نعم
خالد:هات اثنين قهوه
ناصر:تآمر
خالد:ايوا ايش الموضوع ؟
عبدالرحمن: موضوع أختي ي خالد
خالد:أفتح القضيه يعني؟
عبدالرحمن: أدري تعبناك معانا هذي ثالث مره تفتحها لكن شسوي ولله يضيق صدري من اشوف حالة أبوي
خالد:ولايضيق صدر عمي ان شاء الله بفتحها وإن شاء الله الثالثه ثابته وماني مقفل القضيه هالمره الا وبنت عمي راجعه
شوي دخل ناصر قدم القهوه وطلع ..

~
عبدالرحمن:اتمنى وندري فيك م تقصر ، الا كيف شغلك؟ روعتني وانت طالع من هذيك الغرفه هذاك الشكل اول مرره اشوفك فيه
خالد ضحك :شغلي ماشي الحمدلله ولا تلومني قبل شوي واحد خسيس رفع ضغطي
عبدالرحمن:وش موضوعه
خالد:بضاعات وتدري بسوالف المخدرات وغيرها
عبدالرحمن:ايييه الله يخارجنا من هالاشياء
خالد:امين يارب
عبدالرحمن شرب جغمه من القهوه:اجل انا بروح
خالد:م كملت قهوتك
عبدالرحمن:مستعجل الصدق ابي اروح لمحل علف عشان الخيول وبعدها اروح لدوامي
خالد:ليتك تهتم فيني مثل ماتهتم ف هالخيول
عبدالرحمن:لا صرت زوجتي تاليها
خالد ضحك:اذلف
عبدالرحمن ضحك وطلع ..
-
" ف صباح اليوم الي بعده  ساعه ١٠ونص ، تحديدًا ف مزرعة الجد مطلق "
ابو تركي:جعل العمى للعدو ي عزام وين الكراتين المويه الي قلت لك هاته
عزام وهو يحط كراتين الفواكه:معليش ي يبه ولله نسيت تبشر الحين رايح اجيبه
أبو تركي:ماهو منك من الي ماخذ عقلك
عزام:فداها عقلي
العيال: ضحكوا
أبو تركي:ارفع علومك واشتغل
سلطان: ي سعود جوالك ازعجنا !!
سعود:هاته
وناظر لرقم عرف انها سديم..
سعود:ارحبي
سديم وهي تصيح:تكفى سعود تعال للبيت بسرعه
وقفلت ..
الجد مطلق:سعود شفيه قلب وجهك
سعود طلع بدون لا يرد ..
الجد مطلق:شفيه هالمهبول
الجده نوره:اكيد انه امه متصله
الجد مطلق:واذا امه م يحط لنا اي اعتبار
ابو فهد:اعذره ي يبه
-
في بيت ام سعود الي كان كله صراخ يوسف ..
يوسف وهو ماسك سديم من شعرها ويصارخ عليها: ي قليلة الادب و عديمة الاحترام انتي تتصليين ع الرجال وتقولييين له م أبييييك !!
سديم وهي تصيح:انت يبه الي اجبرتني اسوي كذا طول عمرك تفرض رايك علينا ولا تاخذ شوري
ام سعود : فكها ي يوسف خلاص
يوسف الي الشياطين صارت ترقص قدامه نزل عقاله وصار يضربها وام سعود تحاول توقفه ..
وصل سعود للبيت وسمع صوت الصراخ ودخل ..
سعود الي جن جنونه من شاف اخته تحت يدين يوسف ويضربها ب عقاله ركض ب اتجاه يوسف ودفه لحد ماطيحه ع الارض ..
سعود وهو يناظر ل سديم الي يدها تبدلت لونها للون البنفسجي:سديم تسمعينييي سسديم!!
يوسف بصراخ :انتتتت من امرك تتدخل بيني وبين بنتي
سعود الي تقدم له وعطاه لكمه ع وجهه ومسكه من ياقة ثوبه:ييييي حممممار !!! تمممد يدك ع اختي !!! هاااا!!!
يوسف وهو يبعد سعود عنه : هذي بنتييي فاهممم اسوي فييييها الي ابيييه م تدخل لا انت ولا أشكالللللك
-
-
عذرًا على التأخير حصل لي ظرف❤️.
أنستا | n0vals7
التيك |n0vals3
" لايك تقديرًا ل تعبي "