ف بيت أم سعود ، الكل كان مجتمع ف الصاله معدا زوج ام سعود . رن الجرس وقامت سديم تفتح الباب بعد توجيه أم سعود لها .
سديم:اوهههه سعود تعال حياك
سعود الي حس فيها شي من احمرار عيونها: الله يحيييك
ودخل وسلم ع امه وحبّ راسها
سعود:شحالك ي يمه
ام سعود: الحمد لله
سديم:ي كريييه وحشتنا تجينا ف شهر مره
سعود ضحك:اشغال ي سديم وايوه يمه آمري بغيتيني؟
ام سعود:اييه احرقت جوالك اتصالات ولا ترد
سعود:انشغلت م انتبهت
ام سعود:اسمع ابيك بكره تودينا لعزيمه ف الطايف
سعود:بكره؟ بس جدتي عازمتك لبكره
أم سعود:اييه ماني برايحه اعتذر لها بنيابه عني
سعود:يمه الله يهديك انتي اول وحده من حريّم أعمامي جدتي قالت لك ماهي حلوه ف حقها
ام سعود:بتتحكم فيني ولا كيييف!!
سعود:براحتك
سديم:ماعليه انا بجي
ام سعود:منتي برايحه بتروحي معي
سديم:تكفين يمه م فيني حيل اروح لطايف
أم سعود :قلت لك لا يعني لا
وراحت لفوق ام سعود ..
سعود وهو يناظر عيونها الي صايره حمرا:سديم؟شفيها عيونك
سديم: مافيني شي
سعود:تستهبلين علي!! عيونك حمرا وصوتك رايح وش مزعلك قولي
سديم:حساسيه صدقني
سعود:اسمعي تقدرين تكذبين على الكل الا عليّ!! بسرعه شفيك
سديم بنفاذ صبر:ابوي محصل لي رجال ويبي يزوجني
سعود:ايوه منهو هالرجال
سديم:من اصحاب ابوي
سعود:ايوا
سديم:ابوي قال لي تاخذينه غصب عنك
سعود:وناوين انتي وامي تخبون عليّ يعني !! ولله كفو
سديم:لا تلومنا ابوي وامي قالو لي ما تطلع كلمه لسعود
سعود:امي راضيه
سديم وهي تمسح دموعها:ايه
سعود حظنها:لا تضيقين وانا اخوك ماتاخذينه وراسي يشم الهوا
انفتح الباب ودخل ابو سديم(يوسف).
يوسف:اوه ولد عبد الله مشرفنا اليوم
فزت سديم ومسحت دموعها ..
سعود:سديم انا بروح وبكره اجيكم
سديم: ف حفظ الله
يوسف:اصبر تظن هالبيت فندق تجيه ف اي وقت وتطلع ف اي وقت ها؟
سعود:البيت بيت ابوي الله يرحمه وانت دخيل هالبيت
يوسف ضحك:اي بيت واي دخيل البيت بيتي وصار ب أسمي ي ولد ابوك
سعود الي م انصدم لانه متوقع من امه هالشي:بس يظل بيت ابوي متى م يزين مزاجي بجي
يوسف:لا ي ولد ابوك هالكلام م يمشي معي
سعود:تحرمني من اختي ؟
يوسف:اييه لانه بكل بساطه البيت بيتي وتوكل الحين
سعود حس لو قعد دقيقه ف هالبيت و بوجوده بسوي مشكله وهو منقهر عليه من سمع سالفه سديم ، وطلع ..
يوسف:وانتي للحين م نايمه؟
سديم:يبه يعني اخوي جاي اخليه واروح انام م يصير
يوسف بصراخ: لغرفتك بسرعه
وراحت ..
-
ف بيت الجد مطلق ، عبدالعزيز برع ينتظر البنات ، نزل من السياره
ولاقى البنات طالعين صد عنهم ، عبدالعزيز:دقايق واجيكم
ركبوا البنات ، وكان متوجه ل غرفة الكواي والغسيل عشان يبدل شماغه لكن صادف عاليّه الي كانت بتطلع ..
عبدالعزيز وقف قدام الباب وغض البصر عنها:الستر زين!!
عاليّه:نعم!!
عبدالعزيز: الي سمعتيه
عاليّه:وشايفني وش طالعه بدون ملابس !! ولا كيف وبعدين جاي تفرض رجولتك عليّ ليش!
عبدالعزيز ناظرها : ابد ي بنت عمي م جيت لك عشان افرض رجولتي جاي اقولك انه دامك ف هالديره م تطلعين غير ونقابك ع وجهك
عاليّه:واذا قلت نقاب ماني لابسه
عبدالعزيز:مافي روحه بتقعدين هنا
عاليّه:من انت !! ابوي ولا اخوي ولا زوجي !! عشان تفرض عليّ شي غصبًا عني
عبدالعزيز:الي تبينه
عاليّه:وخر بروح للبنات
عبدالعزيز:البسي نقابك وبتطلعين
عاليه:ماني لابسه
عبدالعزيز:بتلبسين
عاليّه وهي مكتفه يدها : اسمع هييي
عبدالعزيز:اسمع
عاليّه:وخررر
عبدالعزيز:معليش سمعي صار ضعيف
عاليّه:تافههه طلابك كيف مستحملينك!
عبدالعزيز:ذاك شي وذا شي ثاني
دفته عاليه بقهر وراحت للبنات ..
عبدالعزيز وهو مصدوم من حركتها وضحك:اوريك
-
فالسياره
ركبت عاليّه وهي مبين عليها التوتر
غاده:وجع ربع ساعه شتسوين
وركب عبدالعزيز
عاليّه بتوتر:ضيعت عبايتي وقعدت ادورها
اثير الي شافت كلشي دار بين عبدالعزيز و عاليّه ومنقهره والبنات يدرون بأنه اثير تحب عبدالعزيز بس عبدالعزيز ماهو داري عنها.
العنود جمب عبدالعزيز قدام:عمتي
عبدالعزيز بنذاله:يزينك بالنقاب وساتره نفسك
العنود:شعندك تمدح
عبدالعزيز:شدعوه امدح عمتي حرام!!
عاليّه تدري كانت ب نغزاته يقصدها..
العنود:شعندك اعترف
عبد العزيز:ابد ولله مامن شي
نجد:وجع ريموه وخري سيقانك
ريم تفشلت خصوصا ان عبدالعزيز ضحك:الله يكتمك ي حماره ماخذه الكرسي كامل وين اخلي رجلي
غاده: منجد احسني مكتومه بسببك
الجادل:خلاص (بهمس)استحو ع وجيهكم
غاده:ولله اختك المصونه م مخلتني اقعد
غاده:انكتموا بس
الجادل قرصت نجد :خلاص
اثير بتميع:عزيز شرايك تشغل لنا شي
عبدالعزيز:إن شاء الله
العنود:خيال بتروح؟
نجد:لا طالعين هي وعزام
في احد الاسواق ..
نزلوا البنات ..
عبدالعزيز: بروح اقابل واحد من اخوياي من تخلصون دقوا علي
العنود:من عيوني
وراح ، وراحوا البنات يتسوقون ..
-
في وسط البرّ عند عزام و خيال وسط العزبه - خيال الي قاعده تتأمل عزام وهو يحلب الناقه وخايفه يجي اليوم الي ابوه بيزوجه من وحده ثانيه لسبب عدم انجابهم للأن ولهم متزوجين ثلاث سنين - ناظر عزام ل خيال الي كانت سرحانه فيه وضحك ..
عزام : الظاهر في احد خاق علي وطايح على وجهه
خيال الي ابتسمت بضيق : في احد يشوف هالوسامه و م يسرح!
عزام الي حس فيها شي غسل يده وتوجه لها وهي ينشف يده ب منديل : خيالي شفيك!
خيال ناظرته وعيونها دموع :عزام تحبني؟
عزام الي يدري كل مره تسأل هالسؤال يدري انه في احد مكلمها ب سالفة الانجاب : وليه م احبك ! احبك ي خيال احبك ! لو اني ما احبك تقهين اجي اخطبك واخليك على ذمتي ثلاث سنين ! مستحيل
خيال وهي تمسح دموعها:واذا عمي اجبرك تتزوج وحده ثانيه عشان العيال
عزام الي عقد حواجبه : من وين لك هالطاري؟
خيال:قبل كم يوم سمعت عمي يقول ل عمتي امك .......
-
- قبل ثلاث ايام -
ابو تركي : بقول له مافي الا هالحل
ام تركي : مايصير ي صالح الله بيرزقهم ! تفرط في بنت اخوك
ابو تركي: فضه ! وش افرط ما افرط ! الي يقول بيتنذبح ! ترا الشرع حلل الاربع وهذا انا ! شفيها الحين على ذمتي ثلاث ، اربع سنين وانا انتظر منهم حفيد واكلم عزام يصرفني
ام تركي: زماننا حنا غير عن زمان الحين والله الرازق
ابو تركي سكت وهو ماوده يجادل اكثر ، كل هذا تحت مسامع خيال الي دخلت الغرفه ووانسدحت واعلنت لدموعها للإستسلام
- الواقع -
عزام حظنها وهو يمسح على راسها:انتي الاولى والاخيره ! ماتتبدلين ! واذا عشان العيال متى ما الله بيزرقنا راضي ولله ي خيال راضي اهم شي اني انا وانتي تحت سقف واحد وحلالي
خيال الي بعدت عنها وهي تصيح : ليه تكابر عزام ! ليه احلف انك ماتبغى عيال ! احلف الا ودك بس ماتبغى تضيق صدري
عزام: ولله اني حاليا م ف بالي هالشي!!! لا تقولين لنا ثلاث سنين في ناس الله رزقهم بعد عشر سنين وعشرين سنه !
مسك اخذ منديل يمسح دموعها ومد لها يدها ، وابتسم لها : قومي نمشي!
خيال:ماودي عـ...
عزام:الا ودك قومي
ومسك يدها وتوجهوا للسياره الي كانت تبعد عن مكان العزبه ..
-
في المستشفى عند عبدالرحمن و ضيّ
ضيّ وهي تمسح على شعر نايف الي كان ف يده المغذي ودموعها على خدها
دخل عبدالرحمن بيده دبات مويه مدها ل ضيّ : بيطيب إن شاء الله لا تتضايقين
اخذت دبة المويه وعاودت انظارها لنايف الي نايم بعمق - فز عبدالرحمن من لمح انها الي دخلت اخته " اشواق" ودخل لدورة المياه"الله يكرمكم"
ضيّ الي درت بأنه يعرفها والف تساؤل يدور ف بالها ..
ضيّ:كيف ولدي ي دكتوره؟
اشواق:الحمدلله تحسنت حالته
-
-
-
أنستا | n0vals7
التيك |n0vals3
" لايك تقديرًا ل تعبي "
أنت تقرأ
لو غاب نور البدِر في عِتمة الليل ينّشاف نور البدر في وجه خلّي.
Actionخالد قفل جواله ورجع جواله لجيبه واخذ سيقاره يقربها من فمه ويولعها وتقدم من لمح نفس هيئتها دخلت المخبز ، تلثم وتكى على السياره ورمى سيقارته ودعس عليها ويدعي داخله يارب هي مرت عشر دقايق وفز من لمح عيونها وتأكد من ناظر للوح الخشبي للرسم يتوسط يدها الي...