لو غاب نور البدِر في عِتمة الليل ينّشاف نور البدر في وجه خلّي.

٩

في مركز الشرطه - دخل سعود للتحقيق
جاء الجد مطلق ..
الجد مطلق:الحمار وش مسوي !
ابو عبدالرحمن:زوج امه رفع قضيه ضده
الجد مطلق:بيجننوني ولله بيجننوني !! استغفر الله العظيم
عبدالعزيز: خالد وش بيدنا نسوي
خالد:انه يوسف يسحب القضيه واذا م سحب سجن لانه سعود اعترف
الجد مطلق:قوموا معي نروح له
خالد:بس اصبر ي جدي خل نشوف التحقيق
الجد مطلق:انتتت م تفهم قلت له رايح له
وراحوا الجد وعياله و عبدالرحمن و عبد الله ..
.
في بيت الجد تركي وصل قبل الرجاجيل وبلغ جدته بكل شي ، وقعد فالمجلس ويحاول يميز صوت نجد من بينهم يبي يتطمن ، يدق على سلطان ويقفله في وجهه ..
توجهت خيال تصحي نجد ، دخلت الغرفه وكانت ثلج طفت المكيف وتوجهت للسرير تصحي نجد ..
خيال وهي توخر البطانيه:قطب المتجمد ذا نجد قومي صارت سالفه
خيال:هييي قومي
خيال وهي تحرك نجد: استغفر الله قومي
خيال الي خافت  وحركت نجد:ننننـ....ـججد!!!
خيال طلعت برع وصارت تصرخ:نننننجد م ترد عليّ !!!
الكل توجه للغرفه المتواجده فيها نجد
ام فهد وهي تضرب خدود نجد:ييييممه. !! نجد تسمعيني !!!
الجده نوره:هاتو مويه
ركضت غاده وهي تجيب مويه ..
وجابتها وروشوا على وجهها ثواني والا نجد عادت لوعيها تدريجيًا
ام فهد:يمه نجد وش جاك!
نجد وهي ترفع كتوفها بمعنى ماعرف ..
وتركي الي وقف برع ونطق: اشغل السياره تبون تروحون المستشفى!!!
نجد بصوت مبحوح:م ابي اروح لمكان
الجده نوره:م يصير ي نجد روحي
نجد برجاء:تكفون م ابي اروح لمكان ابي ارتاح(وغطت وجهها بالبطانيه)
الكل مستغرب من نفسية نجد الي قلبت فجأة وطلعوا ، وراحوا يجلسون ف الملقط .
-
تركي الي راح لورا البيت واتصل ل سلطان ، بحده : وينك فيه وش له نتصل فيك م ترد!
سلطان وهو مبين من صوته ان شارب شي: شششش ششششتبغى!
تركي:شارب من الزفت ولله ي سلطان وصلت ل حدي ذلحين رايح ابلغ على سواياك مع بنت عمي ومع بنات الناس مافي احد بيأدبك غير القانون
وقفل كان بيمشي بس استوقفه صوت نجد ، من ورا الدريشه ..
-
نجد بصوت مبحوح:تركي
تركي: سمي؟
نجد:طالبتك
تركي:آمري
نجد:لا عاد تبلغ عليـ...
تركي: لاتدخلين
نجد بغصه:تكفى ي تركي وتكفى تهز الرجال ان رحت وبلغت عليه بينتشر الخبر وبنفضح وصدقني فهد م بيخلي فيني عظم صاحي ولله ليوريني نجوم الليل ف عز الظهر
تركي:بس ي نجـ....
نجد قاطعته: تركي تكفى لا تبلغ
تركي هز راسه ب زين
نجد:وعد!
تركي:وعد
وطلع وهو يتصل للمره الثانيه بسلطان وهالمره مغلق ، ناظر لعبدالرحمن الي كان يكلم ضيّ ومن لمح تركي قفل .
تركي:جدي واعمامي باقي م جو ؟
عبدالرحمن:فالطريق
تركي:وين رايح؟
عبدالرحمن: الطايف
تركي ب استغراب:الطايف ف هالاوضاع شعندك
عبدالرحمن:احد اخوياي مسوي له عمليه ولازم ازوره ماني مطول
تركي:اييه توصل ب سلامه
وركب سيارته تركي يتوجه ل استراحة اخوياء سلطان ، ودخل عبدالرحمن للبيت ..
عبدالرحمن: اااشواق!
طلعت اشواق:شفيك!تنادي
عبدالرحمن:ابوي وين
اشواق:المرزعه!شتبغى
عبدالرحمن:اعطيه خبر اني بروح لطايف
أشواق:بسم الله الطايف ؟ وش عندك ومصيبة ولد عمك
عبدالرحمن:بروح ازور خويي ماني متأخر
اشواق:وش فيه؟
عبدالرحمن:شرايك تجين تزورينه معي!
اشواق وهي تشمق: امزح
عبدالرحمن:لا تنسين
كان بيروح بس نادته اشواق وهي تمد له دلة الشاي:سويتها للبنات بس شيلها تشرب منها فالطريق والبنات بسوي لهم
عبدالرحمن حظنها :ماتقصرين ي وخيتي
اشواق ببتسامه:ف حفظ الله
وخرج ..
-
الليل ٨:٠٠
دخل سعود للزنزانه من بعد ما خلص تحقيق وناظر لشخص الي نايم على السرير ومغطي وجهه والشخص الثاني الي كان يصلي دخل وقفل الشرطي الزنزانه - تقدم يقعد على السرير ، خلص عمر من الصلاه وتوجه يصافح سعود .
عمر: أهلا!
سعود:هلا فيك وتقبل الله
عمر:منا ومنك
وقعدوا يسولفون
دقايق وصحى مصعب وعقد حواجبه سعود يناظره ، ناظره مصعب وابتسم ب استفزاز : اوه ولد عبد الله وحفيد المطلق! مشرفنا
سعود الي وقف:لا عاد تجيب طاري ابوي وجدي على لسانك
مصعب:واذا جبته
سعود كان بيتقدم يمد يده بس وقف امامه عمر : انت ف بلوى لا تزيد نفسك!
ناظر سعود ف مصعب ، ونطق مصعب:شتبون مني انت وولد عمك؟مااخذتوا حقكم؟
سعود:تحسب انه لمن قطعنا رقبة ابوك ارتحت؟لا ولله ولي نيه اكمل عليك
مصعب ضحك:لا لا يبو عبدالله تهدد بالقتل وانت ف زنزانه هذي جريمه بحد ذاتها
قاطع حديثهم دخول الشرطي ال نطق : مصعب *** اطلع
ناظر فيه سعود وابتسم مصعب له وخرج ..
سعود الي رفس السرير وقعد
-
- ف بيت أم سعود-
طق الجد الباب وطلع لهم يوسف ..
الجد مطلق: السلام عليكم ي يوسف
يوسف: وعليكم السلام شعندكم
عبدالعزيز:من واجب الضيف أنك تضيفه ولا ماتعرف الاصول
يوسف:لا اعرف الاصول م اداهم بيوت الناس واضربهم
الجد مطلق:الظاهر ناسي هذا منهو بيته !
يوسف:بيت ولدك قبل سنين كان لكن الحين البيت بيتي و ب اسمي
ابو عبدالعزيز:تدري وش له جايين معاك ومايصير نتكلم على الباب
يوسف:دخلوا
فالمجلس ..
الجد مطلق:جايينك وطالبينك ب شنب الرجاجيل انك تسحب قضيتك
يوسف:والحاله الي خلاني فيها ولدكم!
عايض: انت بعد غلطت على ابوه و الرجال م استحمل
يوسف:ماهو مبرر يتعفن ف هذاك السجن
ابو فهد:اسمع ي يوسف اذا تبي مقابل فلوس حنا جاهزين
يوسف ب استفزاز:لا مشكورين خير نايف كافي
عبدالله:فوق الي سويته تاكل مال يتيم
يوسف:الظاهر ماتدرون انه خيره كله ب اسم زوجتي وولدكم ماله دخل فيه
عبد الله:لا فاهم غلط صدقني وهذا كلامي لك ان م سحبت شكواك مايحصل لك خير (وهمس ف أذنه : دفتر بلاويك معي من الالف للياء)
الجد مطلق بحده: عبد الله
يوسف الي انقهر : لا تهدد وبيتي يتعذركم
طلعوا ، برع البيت .
ف غرفة التحقيق خالد وهو يمد كيس ل مشعل:خل هالكيس ف مكتبي!
مشعل:تبشر
وطلع..
خالد وهو يشرب قهوة ويناظر لمصعب .
خالد : ايوا؟ وين مقرك ؟
مصعب:لا حول قلت لك م معي مقر !!
خالد:طيب اسمع بقولك اسم مكان وانت قولي وش يذكرك فيه !!
مصعب:وش
خالد:مصنع ال******
مصعب بتوتر:اول مره اسمع ب اسم هالمصنع
خالد:طيب طيب واسم ابو هشام ؟
مصعب:اول مره اسمع فيه
خالد:اسمع لا عاد تكذب وكلشي واضح وضوححح الشمسس !! قل ابو هشام وينه!
مصعب: قلت لك ماني اعرف احد ب هالاسم
خالد يضرب يده على الطاوله:لااا تككككذبببب ، اسمع يدي تحكني هالايام واجد تكلم مثل الناس وقل هشام وينه ولا بتـ....
وشوي انقطعت الكهرباء ..
خالد الي حس ب حركة مصعب :اوووقففففف وووووقففف
مصعب الي فتح الباب وبحكم انه ظلام قدر يهرب ..
خالد: مصعب هههربببب الحقوهههه
خالد ينادي ل مشعل: مشعل بلغ الجهات انهم يسوون نقاط تفتيش ف كل منطقة قريبه من المركز ب اسرع وقت
مشعل:أمرك
راكان:ككيييف هرببب!!
خالد:بالله كيف يعني ظلام م شفته!!
راكان:خسيس !
شرطي:حضرت الضابط خالد
خالد:نعم؟
شرطي:الظاهر فيه أحد الي قطع الكهرباء
مشعل:اكيد هروبه مخطط له ! في احد معاوننّه
خالد: تذكرت!
مشعل:وشو!
خالد وهو يرفس الكرسي:اخر مره الكللبب !! يقول لي يومين واطلع
مشعل لف للشرطي الي جنبه:جهز سيارتين !!
وطلعوا للبحث عن مصعب..
-
*بيت الجد مطلق*
الا شوي يسمعون رن جرس ..
تقدم ليث وافتحه ..
صقر: السلام عليكم
ليث: أهلا وعليكم السلام ؟
صقر:لا جاي اتطمن على سعود ادق عليه وجواله مغلق
ليث طلع برع: ايوا سعود صارت مع  مشكله وان شاءالله تنحل
صقر:مشكله! شنهي!
ليث: يواد اسمع سعود صفق واحد واحد وسجوه للسجن
صقر:منهو الي صفقه
ليث:سيبك منه رجال مصرقع
صقر:طيب وين
ليث: في**
صقر:تم م قصرت
وراح ، ودخل ليث للبيت
-
| مرور آيام | الليل ٨:٠٠
فالاستراحه الي دخل تركي بدون مقدمات وناظر لمنظر سلطان وهو نايم على الكنب وحوله قزازات الشراب.
تركي الي انقهر وتوجه لسلطان وسحبه من ياقة ثوبه ووده لدورة المياه وخلاه تحت الدش ، تببلت ملابسه وكان سلطان شبه صاحي
تركي:ي حسسسافة !! تربية امي وابوي فيك ، ي حسسسافة كل ريال انفقوه لك !
سلطان:وش تبي لاحقني هنا
تركي:تحسب نفسك الي سويته ف بنت عمك بعديه لا والف لا ! تخطبها
سلطان:ماني خاطب احد
تركي: تبعد عن هالزفت وتاليها تخطبها غصب!
سلطان:ماني خاطب احد ي تركي
تركي:دام م تبي تخطبها وششش له سويت سواتك ي كلب!
سلطان لارد ..
تركي:انربط لسانك صح الحين بروح ل ابوي واقوله سلطان يبغى نجد وانت غصبا عنك بتوافق
سلطان:صدقني لا افشلكم ان سويتها وانا لا خليت شي فبالي اسويه وانت تدري بي  اسويه فوق خشوم الكل
تركي الي انقهر وصفعه ..
سلطان بصراخ:وش فيييك م تتزوجها انت !! ها مثل ماقلت اخر مره انا اعمل العمله وانت تنظفها من وراي غصبًا عنك لانك اكبرنا
تركي بصراخ وهو يحاول يمسك اعصابه:اطلع برع لا اصير اليوم قاتل اخوه
وطلع سلطان..
تركي الي انقهر من قلبه على نجد ويحمد ربه ان سلطان طلع ولا كان فعلاً بيذبحه .
-
"ف وسط الصحراء في بيت أبو هشام"
متكيّه نوره على الكرسي وأمامها لوحة الرسم وترسم المنظر الي امامها ليل دامس وقمر يتوسط السماء و تحاوطه غيوم وتحاول تخفف ضيقتها عقدت حواجبها من سمعت صوت اول مره تسمعه بينهم ..
ابو هشام:وفلوس بضاعتي اليي قبل شهرين وينها فيه!
مصعب:الناس تتحمد بالسلامه وانت تراكض ورا الفلوس!!
ابو هشام:اسمع انا طلعتك من هناك عشان ترجع فلوسي!
مصعب:خلاص فلوسك بنرجعهم بس ابيك تضبطني بمكان! لانه خالد حفيد ال مطلق درى ب اسم المصنع واسمك!!
أبو هشام:وششششو!!!! الي ماسك قضيتك ولد ال مطلق!
مصعب:ايييه ليش!
ابو هشام: ي خبل بنت ابو عبدالعزيز نسيتها!
مصعب:هاا!
ابو هشام الي مسك ياقة مصعب:انت ي نذل الي وشيت عليّ
مصعب:ماني انا!!! م قلت شي
ابو هشام:كيييف درى! عني
مصعب:شعرفني انا!
ابو هشام:ولله ي مصعب ان دروا عن بنتهم انها هنا لتشوف نجوم الليل ف عز الظهر
فجأة سمعوا صوت الشرطه..
دخل ابو هشام لغرفة نوره ونطق:أن نطقتي بحرف للشرطه ولله لا يروحوا اهلك مثل ماراح عمك
ولفّ ل ام هشام :تعرفين وش بتقولين؟
هزت راسها ب أيه وهرب من الباب الخلفي ومعه مصعب ..
نوره ارتجفت خلاياها ومسكتها ام هشام من يدها:سمعتي كلامه؟ ولا اعيده ! ان نطقتي بكلمه او شككتيهم ف شي بتحضرين جنازة اهلك صدقيني!
وطلعت ..
برع فتحت ام هشام الباب ..
خالد رفع لها بطاقة الي تثبت انه ضابط شرطه:بيت ابو هشام؟
ام هشام بتمثيل وهي تصيح:اييه لقيتوا ابو هشام طمنوني عنه تكفون عايش ولا ميت!
خالد:نعم
ام هشام:ابو هشام له اسبوعين ماندري عنه
خالد وهو يلف ل مشعل:لازم نفتش البيت
خالد طلع من جيبه ورقة الي تسمح لهم انهم يفتشوا البيت ومدها لها : معنا امر بتفتيش البيت
ام هشام:بس قلت لكم محد ابو هشام
خالد:نبي نتأكد
ودخلوا ..
وبدأُ ف التفتيش ، بعد دقايق ..
مشعل :مافي احد
خالد توجه للغرفة الي تتواجد فيها نوره وهشام ..
ام هشام:مافيها احد
وطلعت نوره الي كانت بعبايتها ونقابها ، وصد عنها خالد!
خالد : من انتي!
ام هشام:بنتي بنتي ي الضابط والي داخل اخوها!
خالد:مسافه لو سمحتي عشان ادخل
وراحت نوره بتعب للجانب الثاني ودخل خالد للغرفه وناظر لهشام الي على الفراش..
وطلع ..
خالد لف لنوره:عندك اي معلومه بخصوص ابوك!
نوره الي كانت بتنطق بس نطقت ام هشام:لا تروعها ماتعرف
خالد بتهديد:لعلمكم اذا حاولتوا انكم تهربونه او تخفونه عنا بتكونوا اكتسبتوا غلط كبير
وخرجوا ..
-
في بيت الجد مطلق -
ابو عبدالله: والحين سعود شنسوي له!
الجد مطلق:خالد بيشوف الموضوع ويرد علينا
فهد:كله خير ان شاءالله
عبدالعزيز:تركي ومجود قوموا الرجال جاء
ابو عبدالرحمن:منهو
عبدالعزيز:واحد من اخويانا
ابو فهد:يجي هنا
عبدالعزيز:لا بيروح لبيتنا قم انت وياه!
وقم تركي ومعاه عبدالعزيز - عايض أشر ل عبدالله يطلع .
- برع داخل الحوش -
عايض:عبود وعزام
عبد الله:شفيك عمي!
عايض:نروح ل يوسف
عبد الله: الحين!
عايض:اييه ماني طالع من عنده الا وهو ساحب قضيته
عبد الله:بس جـ..
عايض:ماعليك من أبوي
عزام:قم يالله
وطلعت لهم العنود من ورا الدرج:شتخططون له
انخرشوا..
عبد الله:طاح قلبي يعمتي
عايض:سكنهم ف مساكنهم
العنود:يكثر ماتبالغون المهم منهو يوسف وين رايحين
عزام:زوج ام سعود
العنود:جد؟ ببروح معاكم
عايض:مهبوله اقولك بنروح لرجال
العنود:طيب عادي بتعرف على اخت سعود
عزام: ماهو وقت تعرف الحين يلا
وراحوا..
العنود:كريهين
ودخلت للمجلس ..
-
- ف مجلس الحريم -
الجده نوره : ي ام تركي
ام تركي:سمي
الجده نوره : شرايك اخطب لتركي صيته
ريم شهقت:جده صيته ماغيرها!!!
الجده نوره:ايه وش فيها وش زينها
عاليه:زين جده بتجيك علوم الديره ف عشر دقايق
الجده نوره: من الحين مافي احتررام لها !
عاليه:وش قلت انا
ام خالد: عن المرادد ي عاليه
عاليه حبت راس جدتها:ي حبي لك ي جده امزح
الجده نوره:من بعد زواج تركي و صيته ان شاءالله بقترح ل ابوك يزوجك بعدهم
عاليه:افا ي جده تقوين ع فراقي
الجده نوره:ومنهو الي قال بتفارقينا واحد من عيال عمك
عاليه بتكشيره:لا حول
اشواق الي كانت جنب نجد ، الي كانت سرحانه ولا هي يمهم!
اشواق:نجد؟
نجد :هلا!
اشواق:تعالي برع!
- خيال و عزام سافروا -
ف غرفة اشواق ، مجرد ما سألتها اشواق شفيك انهارت ف حضنها .
اشواق وهي حاظنه نجد:قولي ي روحي
نجد بصياح:ماقدر اقول ي اشواق ماقدر!
اشواق:وليه م تقدرين من متى تخبين علينا ي نجد ؟ خيال تدري!
نجد:محد يدري
اشواق:طيب ايش ليش كل هالتغير نجد انتي مو بس منعزله عنا انتي حتى اكل م تاكلين! طالعي نفسك وجهك شاحب!! وش مضايقك
-
عند العيال في بيت ابو عبدالعزيز
ماجد:ارحب ي البريطاني
فارس:مرحبتين ولله ي الخايسين اشتقت لكم!
تركي:انت لمن تمدح م تكمل جميلك
فارس:انا كذا اعبر عن حبي
عبدالعزيز:ايييه م تزوجت شقرا
فارس:ايه عشان ابوي يخليني علف لنياق
عبدالعزيز:ولله لك فقده
فارس:حتنا الصدق اشتقت لقهوة تركي!
تركي:ابد ذلحين اروح لبيتنا واجيبها لك بس ها لا يكبر راسك
الكل ضحك
عبدالعزيز:تركي رح لمطبخنا
تركي:لاوين بروح لبيتـ...
عبدالعزيز:رح اقولك انت
قام تركي وهو متوجه للمطبخ سمع صوت بكاء وهالصوت ماهو غريب عليه! ووقف تركي يميز الصوت
غرفة اشواق -
نجد تصيح: اشواق ماقدر اقوله ماقدر!!
اشواق وهي تمسح دموعها: م ابيك تشيلين الحمل بروحك عطيني اشيله معك حنا بنات عم لكن حسبة خوات!! وش مضايقك يروحي
نجد الي ترددت:الي بقوله لك محد يدري فيه غير تركي!
اشواق:تركي! شدخله!
نجد قالت لها السالفه من سالفة اثير وعاليه و المواعين لحتى كلام تركي!
- يوسف وافق على انه يسحب القصيه بس بشرط
-
اشواق الي كانت مصدومه وحظنت نجد الي كانت منهاره
"تركي الي سمع كلشي وهو منقهر وراح يسوي لهم القهوه"
اشواق:سوا لك شي غير ذا!
نجد وهي تصيح:لا
اشواق:خلاص لا تضيقين اخبر جدتي واهيه تتصرف
نجد فزت: لا جدتي بعد!!
اشواق:جدتي الوحيده الي تقدر تتصرف اكثر عنا
نجد:اشواق تكفين لا تزيدي همي همّين قلت لك لا يطلع هالشي بينا!
اشواق:كيف تسككتين عن سواياه!
نجد ب انهيار: اشواق ارجوك!!! انا منعت تركي من انه يبلغ عليه وتجين انتي بعد!!! لا تخليني اندم
اشواق حظنتها:خلاص وعد مني ولله م اقول
"تركي الي سمع كلشي وهو منقهر وراح يسوي لهم القهوه"
٣:٠٠ -
في طريق السفر في سيارة عبدالرحمن الي كان نايف نايم في المرتبه الخلفيه - و يميين عبدالرحمن ضيّ الي كانت تكب الشاي ل عبدالرحمن - و صوت خالد عبدالرحمن سَائِر في السياره - مدت ضيّ له كوب الشاي واخذه من يدها - قفلت ضيّ المسجل ونطقت ، ضيّ : عبدالرحمن
عبدالرحمن وانظاره لطريق : سمي!
ضيّ:لا تاخذ ب كلام امي تدري بها كبيره بالسن
عبدالرحمن:لا ماعليك الامور طيبه
التفتت ضيّ على صوت نايف ، نايف : ابغى الحمام
عبدالرحمن وهو يناظره من المرايا: مستعجل ؟
نايف : ايه يبه ضروري
ضحكت ضيّ والتفتت على عبدالرحمن: في محطه قريب؟
عبدالرحمن هز راسه ب ايه ، كان ما يحب أنه يوقف في اي محطه من بعد خطِف أخته نوره وتنهد وهو يوقف ..
تنفس ب ضيق من شاف نفس المحطه الي فقد فيها اخته ، ضيّ كانت بتفتح الباب بس نطق عبدالرحمن: اصبري بتأكد من المكان اذا زين
نزل عبدالرحمن وبعد ماتأكد أشرّ على ضيّ و نايف ينزلون - دقايق الا ركبوا وكملوا الطريق
دقايق وعاود عبدالرحمن ووقف السياره - عبدالرحمن الي حس بخنقه:شرايك ننزل شوي ؟
ضيّ هزت راسها ب ايه من لاحظت الضيق على وجهه ونزل وتوجه وأستند ع السياره ويناظر للمبات الي تحت وجات جنبه ضيّ من بعد ماغطت نايف ب البطانيه ..
ضيّ:شفيك؟
عبدالرحمن:مخنوق ي ضيّ مخنوق
ضيّ:السبب؟
عبدالرحمن تنهد وهو يفسخ شماغه ويخليه على كتفه ..
ضيّ انتظرت رده بس مارد : ايش السبب الي يخليك ف كل مره نسافر وبعد مانوقف في اي محطه تكون هذي حالتك من بعد مانروح منها؟
عبدالرحمن:اختي ماعاد نعرف وينها فيه بسبب المحطه الي نزلنا فيها من شوي
ضيّ ب استغراب:عندك اخت غير اشواق !
عبدالرحمن ناظرها وهز راسه ب ايه :  معي نوره الي ماعاد نعرف هي ف اي ارض بسببي!
ضيّ:بسببك؟
عبدالرحمن:نزلوا اهلي يصلون وكانوا شادين الظهر فيني اني بقعد مع خواتي بس غلبني النوم وانخطفت ! ومر على غيابها ١٥ سنه وللحين ننتظر رجوعها ! لو اني ماغفيت كان الحين نحتفل بتخرجها من الثانوي
ضيّ ضاق صدرها : بس هذا قدر الله
عبدالرحمن:من وانا صغير عزيز اخوي يحملني الذنب اني نمت و كل م تهاوشنا يذكرني ولا ألومه ! كل م اشوف دموع ابوي وشوقه ل نوره يحترق صدري وكل ما اتذكر ان امي ماتت من زود حسرتها على نوره يحترق جوفي !! يحترق ، بيتنا صار ظلام وظلّم اكثر من بعد وفاة امي بيتنا ماعاد فيه روح ولا حياة صرت اكثر وقتي ف الاسطبل لانه كل ما امر من جنب غرفة امي الي تتوسطها سرير نوره تجيني غصه .
-
ضيّ الي حطت يدها على يده ونطقت بتوتر : الله يقرّ عيونكم ب شوفتها وهي ف اتم صحه ، كم من ناس رجعوا عيالهم بعد عشرين سنه ! لا تفقدون الأمل بترجع لكم وبيرجع نور بيتكم
عبدالرحمن الي ابتسم من جملتها : إن شاء الله ، يلا أركبي نكمل طريقنا ماباقي شي عن الفجر ..
- في مركز الشرطه -
خالد:اغبياء انتم!
عبدالله:شسوينا
خالد: تستغبون
عايض:شنسوي مافي طريقه ثانيه
عند سعود خالد الي يبكل باب الزنزانه ..
وخرج ، برع المركز ..
سعود:كيف سحب قضيته ذا
عايض:الناس من يطلعون من السجن يسلمون يفرحون وانت تحقق
سعود ضحك حظنهم :معليش ولله
عبدالله: الحمد لله على السلامه
سعود: الله يسلمك يعبود
سعود:وش شروطه!
عبد الله:شروط بسيطه
سعود:شنهي!
عزام:انه ماتقرب من بنته
سعود اليي انصدم:تستهبلون!
عايض:لا مانستهبل
سعود:كيف وافقتوا عليه!!! كيف اهلي م اروح لهم يعني!!!
عبد الله:لا منهو قال ماتروح روح بس اذا كان م موجود
سعود:البيت بيت ابوي! واشوف امي واختي بدسّه!
عايض:ياخي سعود خلاص بتتيسر الامور لبعدين! وبعدين فكر ف امي تحاتي !
- ركبوا السياره وراحوا لبيت الجد مطلق -
-
في بيت ابو تركي ..
تركي توجه لغرفة امه وابوه وطق باب الغرفه ..
طلع ابو تركي:تركي! شعندك!
تركي:ابكلمك ف موضوع يبه
ابو تركي:ادخل
ودخل للغرفه ..
ام تركي:تركي شفيك!
تركي:ابغى اكلكم ف موضوع
ابو تركي:اقعد ي تركي وشنهو الموضوع!
تركي الي تردد كثير انه يخطوا عالخطوه ولا لا: ابغى اكمل نص ديني
ام تركي ببتسامه: هذي الساعه المباركه والبنت الي تستاهلها موجوده تناسبك
تركي:لا يمه انا ف خاطري وحده
ابو تركي:منهي!
تركي بتردد:بنت عمي محمد نجد
ام تركي:بس جدتك قالت لك عن صيته بنت ابو صلاح
تركي:ايه يمه بس انا ابغى نجد بنت عمي
ام تركي:ونعم فيها يمه بس نجد صغيره
تركي:م مشكله نخطب وقت ماتبي نعرس بس هالفتره خطوبه
ابو تركي:خلاص تم بعطي العلم انا لجدك واعمامك
تركي:ماتقصرون
- وطلع وصادف أثير -
-
تركي:اثير تعالي معي
اثير بتوتر:ليش!!
تركي:تسمعين شقلت تعالي وبس!
وراحت معاه للملقط..
اثير:شتبغى تركي!
تركي:انتي معاونه سلطان!صح؟
اثير بتوتر:ءء شنهو ف ايش م فهمت
تركي:لا تستهبلين عليّ ي اثير انتي معاونه سلطان ف الي سواه ف نجد!
اثير:شسوى مادري!
تركي بحده:اثير اعترفي دام النفس طيبه عليك ولا ولله لايصير شي ماهو بصالحك
اثير صمت ..
تركي مسك يدها:يعني صدق!!! ها؟
اثير وهي تبكي :ماكنت ادري انه بيسوي كذا معها ولله مادري
تركي بصراخ:وانتييي كيف تخلييين اخوك الغبر يروح لها كيييف طاوعك قلبك!!! كيف!!!!
اثير:قلت لك مااادرييييي مدري مدري انه بيسوي كذا
تركي صفعها:يعني ماتعرفين سوايا اخوك!!!! ها
اثير الي شهقت من صفعته وحطت يدها على خدها وبكت:مادري كنت مادري
تركي الي لعن الساعه الي مد يده:اثير سواتك ذي غلط ف غلط!!!نجد لا ليلها ليل ولا نهارها نهار بسببك انتي وياه!!!مديت يدي من قهري اخاف يصير فيك مثل ماسويتي فيها
وراح ..
اثير الي كانت تبكي بقهر وبعدها راحت للغرفه ..
-
- الصباح في بيت الجد مطلق ، فوق السطح الي كانت قاعده عاليّه تنشف الملابس ، واليوم كل العائله بتتوجه للبّر صعد عايض وهو شايل ثوبه .
عاليّه وهي تشيل ثوب من السله : اخخ ي ميري وينك ضعت بدونك
عايض:صبحك الله بالخير
عاليه: اهلاً عمي
عايض:ابغيك ف حاجه
عاليه:اكوي ثوبك؟
عايض:يس
عاليه:ماش م اقدر زوجتك وينها فيه!
عايض طلع من جيبه مية ريال: زوجتي مع اهلها طيب واذا عطيتك مقابل
عاليه الي حبت راسه واخذت الفلوس :من عيوني
عايض ضحك:صدق انك مصلحيه
عاليه:انااا؟؟ ي عمي مصلحيه!!! بعد حرام الظلم
عايض:اقول من تخلصين هاتيها غرفتي
عاليه:من عيونييي كم عايض معي!!
عايض ضحك:صدق انه الفلوس تغير النفوس!
وراح ..تحت دخل عبدالعزيز وهو متوجه لغرفة عايض القديمه صادف عايض ..
عايض:انت للحين م لبست!
عبدالعزيز:ابغى اتروش
عايض:ذلحين انت م عندكم بيت اخوي ليش مخسر فلوس!
عبدالعزيز:ياخي الماء انقطع عنا وبعدين انت وش عليك البيت بيت جدي
عايض:قم بروح اتروش انا اول
عبدالعزيز بمحارش ركض وقفل باب الحمام ..
عايض:ييييي حمممارررر!!!! اطلع من حمامي!!
عبدالعزيز:رح لحمام قسمك وش له متزوج
عايض:يحمار سخان طافي هناك
عبدالعزيز:المفروض تفكر ف كلامك يعمي انتظر ساعه ساعه ونص واطلع
عايض وهو يطفِ سخان المويّه:اتروش ذلحين بمويه بارده
عبدالعزبز ضحك:ان جاتني جلطه ومتت بسببك
عايض شغل السخان:اخلصصص ولا اكسر الباب ع راسك
وطلع وتوجه للملقط ..
تحت ، نزلت عاليه وهو شايله ثوب عايض ودخلت لغرفته ، علقت الثوب وقاعده تشعل الفحم لكن التفتت على صوت قفل الباب ، التفتتت عاليه لعبدالعزيز وصرخت وصدت للجدار ، انخرش عبدالعزيز وغض بصره ..
عاليه بتوتر: شتسوي هنا
عبدالعزيز وهو بروب الحمام بنفس التوتر: وش جابك لهنا
عاليه:جايبه ثوب لعمي افتح الباب قبل لا يجي احد
عبدالعزيز الي كان بيفتح الباب وسمع خطوات عايض يطق الباب ، عايض:وجع يوجعك ي عزوز خلصت علي المويه الحاره
شهقت عاليه ..
عبدالعزيز التفت لها بهمس:اششش تخبي بالدولاب
عاليه بنفس الهمس وهي شوي وتصيح:كييف تفتح الباب وانا وياك ف هالغرفه و ب هذا الشكل واذا لاحظ احد بيعدموني انا وانت!
عبدالعزيز:عاليه !! محد بيعرف خشي ف دولاب
عاليه وهي ترتب انفاسها خشت ف الدولاب ..
عزام وهو يحط سلة الملابس قدام الدولاب ، وفتح الباب
عايض:ساعه ساعه
عبدالعزيز وهو يحك شعره:كنت في الحمام!
عايض:جاي اشيل ثوبي عشان ابغى اتروش مافي وقت
عبدالعزيز وهو رايح يجيبها من سلة الملابس:ها اخذها ابغى البس اطلع
عايض:لو تلاحظ شوي انك تطردني من غرفتي
عبدالعزيز بتوتر:عمي تكفى ابي البس برد
صلوا على النبي - لا استبيح القراءه بدون لايك
-
عايض:رايح للملقط دقيقتين وجاي اخلص
وأنتظر عبدالعزيز لحتى يروح عايض ويهمس من ورا الباب ل عاليه: يلا اطلعي
عاليه:خايفه عبدالعزيز لا احد يشوفنا
عبدالعزيز:ان قعدتي زياده اكيد بيشوفونا يلا
عاليه غطت وجهها الي كان محمر من كتمة الدولاب وطلعت ركض لسطح ..
عبدالعزيز الي تنفس براحه وفي نفس الوقت ابتسم ، ودخل للغرفه يلبس
وخرج وتنهد من شاف جده مقبل عليه ..
الجد مطلق: للحين م خلصتوا!
عبدالعزيز:خالصين يجدي بس باقي عمي عايض
الجد مطلق:يمين بالله ان م خلصتوا ف ربع ساعه لا اخلي العصا ترقص ع ظهوركم
عبدالعزيز:تبشر تبشر
-
"بعد نص ساعه الكل توزع ف السيارات"
في سيارة نواف والجادل والجده نوره واشواق ونجد وريم
نواف الي يسوي حركات بالسياره
الجده نوره:لعنبوك سق نفس الاوادم وبعدين حرمتك ف حظنها بنتك اعقل
نواف:شرايك ي جده اسوي لك فعاليات
الجده نوره:ولله م تعيدها تبغى تموتنا حسبي الله على بليسك
نواف:بسم الله عليكم ي جده خلاص ماعاد اسويها
ريم:اخر مره نواف بصور
الجده نوره: يمين بالله ماتسوي خل البرزان يتكلمون
ريم:افا ي جده زعلتيني
الجده نوره:احسن
الكل ضحك -
بعد ساعه الكل وصل للمخيم ..عند الرجال ..
الجد مطلق:جعلكم ب الي ماني قايله وش له جايبيني ف الخرابه
ابو فهد:وين خرابه يبه الله يهداك وش زينه المكان
الجد مطلق:لو ان متجمعين ف مرزعتي وش زينها بدل هالخرابه ذي
عبدالعزيز يهمس ف أذن سعود:ماندري وين الخرابه
سعود:مزرعة جدي فيها كم شجره وفرحان فيها
عايض:انطم انت وياه ولا تحشون ف ابوي صدق انكم قليلين الادب
الجد مطلق:ذا دحوم شعنده!لا يجمتع معنا ولا شي
عبدالعزيز:رايح يزور خويه مريض فالطايف
ابو تركي وهو جايب كيسة اللحم:ي عيال قوموا نقطع اللحم وبعدها نوديه للحريم
وقاموا يقطعون ،والعيال فاطسين ضحك على شكل ليث الي متقرف
-
سعود الي توجه برع من بعد ماشاف اتصال من سديم ..
سعود: أهلا سديم
سديم:سعود اشتقنا لك شخبارك؟
سعود:ابد ي عيون اخوك بخير شخبار امي؟
سديم :بخير
سعود:خير صاير شي؟
سديم:لا بس اشتقت لك واتصلت الا وينك الحين؟
سعود:يبعد قلبي حتى انا مشتاق لكم ابد ولله طالعين كشته اليوم
سديم:اييه حلو تغيرون جو
سعود:شصار ع موضوعك
سديم بكذب:مادري ولله للحين ابوي م نطق بشي
سعود:لا تكذبين عليّ
سديم:لا م اكذب تآمر على شي؟
سعود:سلامتك سلمي ع امي
سديم:يوصل ي حبيبي
"قفلت سديم الي ادركت انه لو طولت مع سعود بتكب عفش ابوها كله"
-
-
١٢:٠٠ الليل
-ف بلدة الصحراء مع نوره ، في بيت ابو هشام ..
ام هشام الي كانت تتصل ف ابو هشام من ثلاثة ايام ولا يرد .
هشام: رد؟
ام هشام بقلق:لا للحين م رد!!!
نوره بهمس:جعله م يرد
سمعها هشام وقام ومسك يدها:سكت لك واجد!اما تدعين على ابوي وقدامي بعد ! لهنا وبس!!
نوره:احمد ربك انه جاك حيل ووقفت على رجلك ولا طول هذيك الشهور م قادر ترفع حتى اصبعك
هشام الي مسكها من شعرها وشده وقال لها :اييه جاني حييييييل ! ولا تخليني اسوي شي يندمك طول حياتك انك تكلمتي
نوره الي ارتجفت خلاياها وفكت يده وطلعت لغرفتها من درت بمقصده ..
فغرفة نوره الي قفلت غرفتها وقعدت على سريرها وهي ينعاد سيناريو هذاك اليوم الي كان هشام بيعتدي عليها لولا لُطف الله ..
طلعت لوحتها وهي ترسم ومرّ الوقت وغفت وجنبها اللوحه .
-
عند البنات
العنود:بنات طربانه
ريم:هالجو الزين والقمره الي فوق! نحتاج طرب
غاده:وبعدها يطلع جدي ويعلمنا معنى الطرب صح!
العنود:ماعليكم ان طلع ابوي بقول له انا صاحبة الفكره نبي عود سعود
عاليه:احلام العصر يعطيكم ذا
ريم:اتفق عاد سعود عوده خط احمر!
العنود:ماعليكم انا اروح اقول له عاليه امشي معي
عاليه:م فيني حيل
العنود:حرام عليكم غدو م ترديني!
غاده: ماني رادتك من الحين اقولكم دام انا معاكم يعني العود بيجيكم بيجيكم!
وراحوا ..عند غرفة العيال ..
طقوا الباب ثلاث مرات ومحد طلع ، وطقت المره الرابعه وطلع عبد الله توه قايم من النوم ،و انخرشوا البنات!
عبدالله الي تفشل من شكله:شعندكم؟
العنود: نبغى شي
عبدالله:وشو!
غاده: نبغى العود
عبد الله :عود!شتبون فيه
غاده:يعني العود شيسوون فيه!
العنود الي قرصت غاده:اكلتيه
عبدالله:معليش مافيني على هواش سعود
العنود:مابنسوي ازعاج صدقني
عبدالله:واذا طلع جدي واعمامي تخلونها ف راسي!
العنود:لا
عبد الله:ف راس مين!
غاده:سعود
عبدالله من ورا الباب وهو يمد المفتاح للعنود:اخذوا
وراحوا برع عند مواقف السيارات ..
العنود:يمه اصوات كلاب
غاده وهي تفتح السياره: خايفه انطمي
اخذت العود ونست مفتاح السيارة ف سياره وماهي مقفوله وراحوا ..
عند البنات دخلت غاده وهي رافعه العود:سمعوني بس شقلت لكم قلت دامني رحت يعني ح جيييبه!!
العنود: يلا هاتي بعزف لكم
الجادل:عود و ف نص البر انشهد الجن بيجيون يرقصون معنا
ريم:وجع الجادل لا تجيبون طاريهم
عاليه:انا ماني مرتاحه
العنود:خوافات م هقيتكم كذا ي بنات اخواني! خلكم ذيبات نفسي انا وغدو
نجد:بنات بروح انام!
غاده:نجد؟ ماهو من عوايدك ؟وجوك هالاشياء شفيك؟
نجد:ابد راسي مصدع
اشواق:اقعدي موب مطولين
نجد:لا ماقدر راسي مصدع بنام
الجادل:انتبهي لرفيف
نجد:من عيوني
وراحت!
-
تحت عند نجد الي كانت متوجه للمطبخ تاخذ مويه وتطلع صادفها تركي الي كان داخل المخيم ..
تركي الي درى انها نجد من لمحها لانها ماهي لابسه برقع:نجد!
نجد الي انخرشت:بسم الله
تركي وهو غاض بصره:بسم الله عليك انا تركي
نجد: شتبغى ي تركي!
تركي:ابغاك ف موضوع!
نجد:ماهو وقته
تركي: تكفين ي نجد ابغى ادري ب رايك فيه قبل لا أخطي هالخطوه تعالي ورا المطبخ
تركي الي تقدم ولحقته نجد ..
نجد:ايش موضوعك!
تركي بتوتر: نجد
نجد:ايوه
تركي: اذا تقدمت لك توافقين!
نجد الي على طول رفعت راسها وناظرته:تستهبل !
تركي الي استغرب من ردها:لا ما استهبل!
نجد:بعد الي سواه اخوك فيني!جاي تنظف عملته اسفه تركي!
تركي:لا ..
نجد وهي تمنع دعمتها تنزل:مافي اي مبرر ي تركي تخطبني الا هالسبب!
تركي: نجد ممكن اتكلم!عطيني فرصه ابرر
نجد:قلت لك مافي اي مبرر غير هذا!
تركي:نـ...
نجد وهي رايحه:اسفه م ابغى اسمع لا منك ولا من اخوك شي
تركي الي مسك يدها:اسمعيني بس هالمره!ووعد بعدها م تشوفين وجهي
نجد الي سحبت يدها وبتوتر:شعندك
تركي وهو يناظرها:يعلم الله ي نجد وجعلني يصيبني ب ايش !!! انه ماهو عشان سلطان! انا ابغيك ي نجد ماهو عشان انظف عملة أحد !! انا أبغاك ب ارادتي !! انا ماهي ب إرادة غيري!انا فاتحت ابوي وجدي بالموضوع وقلت اقولك عشان ماتنصدمين وتتسرعين! ، خذي وقتك واستخيري وانا مستعد اسمع اي قرار منك ، واستودعتك الله
وراح ..
نجد الي طار النوم من عينها ، كيف تتزوج وهي باقي صغيره! وراحت للغرفه..
-
عند البنات ..
ريم:خلاص صدعت
العنود:ي حماره احمدي ربك ان الشيخه العنود المطلق تعزف لك
ريم:امحق
الجادل:انا اقول رجعوه قبل لايجي سعود ويفترس فيكم
ريم:ليه هو اسد؟
عاليه: ي تافهه
العنود: غدو وين المفتاح
غاده الي انتبهت:معي!
العنودالي شهقت:معك !! من الي فتحت الباب!
الجادل:يمكن انك حطيتيه ف السياره!
غاده:ايي قومي معي يعمتي
غاده شالت العود ولحقتها العنود
عند المواقف ..
غاده:عمتي هذا هو المفتاح
العنود:الحمدلله الذي احيانا بعد ما اماتنا
غاده فتحت باب السياره وخشت العود كانت بتقفل بس التفتوا على صوت سعود..
سعود:شتسوين انتي وهيه!
غاده بصراخ:ييييمه!
العنود:مممنن انت!!
سعود: سعود!شتسوون عند سيارتي! ولا الظاهر اخذتوا عودي!
غاده تهمس ف اذن العنود:ليته جني ولا هو
سعود سمعها ونطق:لا ولد عمك بشحمه ولحمه ماهو بجني!
غاده الي تفشلت ..
العنود:اسمع بصراحه غدو طلبت العود ورحنا لسلطان واعطانا المفتاح!
غاده:ي كذابه!!
سعود ببتسامه وهو يناظر غاده:اييه اجل فدى
غاده الي حمرت خدودها ، والعنود الي ضحكت بشويش ..
-
-
-
-
-
أسفه على التأخير❤️.
أنستا | n0vals7
التيك |n0vals3
" لايك تقديرًا ل تعبي "