ضيّ هزت راسها ب ايه وطلعت أشواق ، طلع عبدالرحمن وناظرت له ضيّ ، ودرى انها حست ب شي ..
عبدالرحمن:فهمتي غلط!
ضيّ:مو مهم مافي داعي تبرر
عبدالرحمن الي تنهد وناظر ل نايف الي صحى وابتسم وتوجه له ..
عبدالرحمن وهو يبوس راسه : الحمدلله ع سلامه ي حبيبي
نايف وهو يأشر على المغذي:بابا يوجعني
عبدالرحمن وهو يمسح على راسه:انت ماتقول انك قوي!
نايف هز راسه ب ايه .
عبدالرحمن:اجل الاقوياء لازم يتحملون ! عشان يصيرون اقوى !
نايف الي ناظر ل امه:ماما ليه تبكين!
ضيّ ابتسمت وهي تمسح دموعها: م ابكي ي حبيبي غبار دخل ف عيوني
دخلت ممرضه وتنهد عبدالرحمن براحه انه ماهي اخته ..
الممرضه وهي تشيل المغذي:اموره طيبه والحمدلله على السلامه
ضيّ: الله يسلمك
وطلعوا ..
فالبيت من بعد م نام نايف دخل عبدالرحمن للغرفه وأشر ل ضيّ الي كانت تمشط شعرها ب انها تجيه لبرع ، ف صاله ..
ضيّ:نعم!
عبدالرحمن:اقعدي بقولك شي
ضيّ:اذا كنت جاي تبرر الي صار فالمستشفى ف انا م اهتم
عبدالرحمن: ضيّ اقعدي واكسري الشر
ضيّ:متى بتعترف فيني ! متى بعيش عيشه نفس الناس والبشر !! متى انتقل من هالمخزن الي عايشه فيه متى !
عبدالرحمن:قريب ولله قريب بس اصبري علي لا تكوني انتي واهلي عليّ
ضيّ:ليش رحت تخبيت ف الحمام
تنهد عبدالرحمن ونطق : الدكتوره اختي ! خفتها تشوفني وتفضحني
ضيّ:ليش تفضحك مسوي فاحشه انت ! متزوجين حنا متزوجين !! لنا اربع سنوات وحنا نفس الحراميه عايشين هنا انا وولدي ! طلقني منت مجبور تعيش مع وحده ماتبغيها ولا تعترف فيها
عبدالرحمن بحده : ضيّ !!!! شكيت لك الحال ! قلت لك م ابغاك ! من قالك اني مجبور انا محد يجبرني على شي ولو اني ماني طايق العيشه معك كان قبضتك الباب
ضيّ: لا تكذب على نفسك لا تكذب وصية المرحوم الي جابرتك انك تخليني للحين على ذمتك !
عبدالرحمن الي وقف وهي يسحب بقهر شرشف الي على طاوله وطاح كلشي على الارض وصرخ : ضييييييي !!!! لا تطلعيني من طوري !!! ضيييي قلت لك الف مره لا عاد تجيبييين هالطاري !! تففهمممين لا عاد تجيبي هالطاري !! يقتلني يخنقني افهميني !
ضيّ الي انرعبت من حالته وصدت عنه ، وخرج عبدالرحمن وهو مقهور ، وضيّ الي تنهدت وراحت تنام مع ولدها وتتذكر ايامها مع ناصر ونزلت راسها على المخده وهي تبكي ..
-
- في مركز الشرطه من بعد رجعوا من المهمه دخل خالد وهو يفتح اول ثلاث أزرار من بدلته وفسخ القبعه وخلها ع الطاوله وشغل المكيف وقعد على الكرسي يناظر للتسجيلات ، طلب من السكرتير يجيب قهوه وقعد يسمع واحد واحد -
-
في اليوم الثاني الساعه ٩ ونص في المزرعه - العيال ينزلون الاغراض من السياره
خالد و عبدالله و فهد وهم شايلين الفرشه من فوق الجدار ..
خالد:ظهري ظهري راح فيها
فهد: هذا وانت ضابط
خالد:انت حمار ! لي ١٢ ساعه جالس ع نفس الكرسي
عبد الله:ماش ولله انتو تعلموا مني
ابو عبدالعزيز:ي عيال بس بربره وتعالوا شيلوا هالسجاد
سيف:يارب خذ روحي
فهد:وش هالدلع ذا
سيف رمى نعاله على سلمان:دلع عيونك
وراحوا يكملون شغل..
عند سعود وتركي وعايض ونواف و عزام الي كانوا يغسلون الحوش..
سعود وهو ماسك(🧹) و يشفط المويه ويرميها ع ليث ..
ليث وهو يمسح وجهه:وجع وسختني ي وسخ
سعود وهو يقلد صوته: وسختني قم اشتغل معنا قم
ليث: اشبك ي حبيبي انا سايق من جده لهينا وتعبان
سعود:تكفى خلاص رحمتك قم ياي!
ليث: اذلف
ابو تركي:انت وياه خلصتوا بربره ولا قممم قممم تعاونوا يلا
الساعه 11ونص
تركي:اعمامي وين؟
عبدالرحمن:اعمامي وجدي نشفوا ريق الطباخ
سعود:ووراهم فهد الله يفك عوق الطباخ
تركي و عبدالعزيز و عايض الي يبون يمقلبون نواف ..
عبدالعزيز و عايض وهم يسحبون نواف ع الحوش ، وتركي ونايف يرشون المويه على نواف
الكل : هههههههههههههههههههههههههههههههههههه
نواف:حسبي الله عليكم
عبدالعزيز:شفيك فرحانين فيك بتصير اب!
نواف:وقفوا جعلكم بالكتمه
عايض وهو يوقف:خلاص لا تصيح
والكل رجع لشغله بعد م شافوا جدهم جاي: حسبي الله عليكم من عيال الله يخلف ع عيالي دام عيالهم كذا
عايض:شفيك ي ابوي
الجد مطلق وهو يضرب تركي وعايض و عبدالعزيز:وهذا انتو اكبرهم المفروض عاقلين
عايض:يبه الله يهديك تضربني وانا متزوج!!!مايصير
الجد مطلق:واكسر روسكم المصديه ذي
تركي وهو يحك الضربه:نمزح معه ي جدي
نواف:ي جدي تكفى خذ حقي منهم
-
عند البنات ..
الجده نوره تهاوش عاليّه.
الجده :حصه عاجبس الي بنتس لابسته
ام خالد:ي عمتي م فيه شي لبس بنات
الجدة :هذا لبس بنات لبس داشرات ذا مطلعه سيقانها
عاليّه:افا ي جده ذلحين انا داشره شدعوه كلنا بنات
الجده:اسكتي عني لا امعطس ب هالعصى
عاليّه راحت للبنات ، دخلت عاليّه وهو تجلس ومبين عليها معصبه ..
العنود:اعوذ بالله شفيك!
عاليّه:شفيني يعني جدتي هاوشتني وفشلتني عشان لبسي
العنود تضحك:يزين امي م تجامل
اثير ب استفزاز:وجدتي صادقه وش ذا اللبس اللحجي
ريم:ماعلينا يعني الناس اذواق
عاليّه :وانتي صادقه
وشوي دخلت خيال ..
خيال:هلااا!
وسلمت على البنات .. وتو
العنود: ي الظالمه ندق عليك من الصباح
خيال:كنت نايمه وجوالي طافي
نجد وهي تحضن خيال:ي حقيره اشتقت لك!
خيال الي ضحكت:يبعد روحي وين امي ماسلمت عليها!
نجد : ف مطبخ الي برع
وطلعت خيال توجهت للمطبخ تسلم عليهم
-
الليل ، عند البنات ف المطبخ ..
خيال وهي تسوي لها خبز وجبن:جود شوي وبتاكلني بنظراتها
نجد:اي حاقده علي
خيال:انتي م تتوبين!
عاليه:تبغون الصدق م اطيقها كله معصبه
نجد: حبيبتي هذي عادات وتقاليد هي وزوجة عمي ساره سواء زواج ولا عزا معصبات
ريم وهي تفتح الثلاجه تطلع العصير:خلاص اكلتوا البنات اكل اليوم
العنود:اخ ي بنات أحب خيالييي حب مو طبيعي
خيال فتحت عيونها:شفيها
البنات فهموا على نجد ..
اشواق:تمزحون وش نحبها نعشقها
العنود:الحمدلله على نعمه خيال
عاليه وهي تتثاوب: فعلاً حنا ب نعمه عظييييييمه!
غزلان:ليت معي اخت مثل خيال
خيال:بسم الله شفيكم بموت ولا ايش!
غاده:مهبوله انتي لا بس اشتقنا لك
ريم:ي ذكيه افهمي يبون شاهي
خيال:الحين كل ذا الحب عشان تبون شاي!!!
نجد:محد فالبيت يضبط الشاي غيرك
خيال:من عمتكم؟
ريم وهي تمسح ميكبها:خلاص ي فله انتي عمتنا سوي شاي
خيال: غصبًا عنكم
العنود:يلا يلا
خيال:خلاص قمت
غاده و ريم شالو والمفرش و التكايات وتوجهوا لفوق السطح وأشواق لبست جلالها وتوجهت لبيتهم..
العنود:بنات تخيلوا ابوي يطلع
عاليّه:ويهزأنا قدام العيال
ريم:احس عادي م دام اعمامي ساهرين للحين
اشواق:ع طاري العيال لايجون فجأه نسينا البراقع
اشواق:غدو حبيبي
غاده:ماني قايمه
اشواق:تكفين عن حركات البزران قومي مالي خلق لهواش جدي
ريم:ونادي اثير بعد
غاده قامت بتأفف ..-
-
-
أنستا | n0vals7
التيك |n0vals3
" لايك تقديرًا ل تعبي "
-
" كل ثلاثاء رح يكون في بارت❤️"
أنت تقرأ
لو غاب نور البدِر في عِتمة الليل ينّشاف نور البدر في وجه خلّي.
Actionخالد قفل جواله ورجع جواله لجيبه واخذ سيقاره يقربها من فمه ويولعها وتقدم من لمح نفس هيئتها دخلت المخبز ، تلثم وتكى على السياره ورمى سيقارته ودعس عليها ويدعي داخله يارب هي مرت عشر دقايق وفز من لمح عيونها وتأكد من ناظر للوح الخشبي للرسم يتوسط يدها الي...