لو غاب نور البدِر في عِتمة الليل ينّشاف نور البدر في وجه خلّي.

١٢

- صلوا على النبي -
في صباح يوم جديد في بيت الجد مطلق مجمع عياله واحفاده عشان ينقاشهم بموضوع خالد وابو صالح وولده كان متواجد ..
عايض:يبه الله يهداك مايصير شغل غضب
الجد مطلق بحده:يصير ونص قلي انت بتتزوجها بدل خالد!انطق!
عايض لف وجهه ..
ابو صالح بصراخ:مطلق انا ماني رامي البنت الا كذا!الي مسوي هالعمله والفضيحه هوه الي ينظفها وولدكم يختار ي بنتي ي يتعفن فالسجن ويخسر وظيفته وما سحبت الشكوى الا عشان العشره بيني وبينك ويتزوج بنتي من فوق خشمه
نواف:يعمي هدي الامور ماتنحل كذا!
أبو صالح:ماتتحل الا كذا عندي انا
ابو خالد:واحد منكم يتصل ل خالد الحين!
خرج عبد الله يتصل لخالد ..
خالد:هلا عبدالله
عبدالله:وينك فيه
خالد:ف ارض الله الوسيعه
عبدالله:تعال البيت
خالد:ليش
عبداللله:جدي يبيك
خالد:فيه شي!
عبدالله:لا يرجال بكامل عافيته بس تعال
خالد:مسافة الطريق وجايك
وقفل ، دقايق الا خالد يدخل وكان بيحب جده بس رفع يده وكمل يسلم على الموجودين وتخطى صالح وابو صالح
ماجد همس ف اذنه:لاتضيق تعرف حركات جدي
هز راسه خالد وقعد جنبه ..
ابو خالد:الظاهر تدري ي خالد وش له جاي!
خالد:داري
الجد مطلق:لقيت حل!
خالد:ماني مجبور ادور حلول
صالح بحده:كيف ي كلب مانك مجبور مجبور ونص!!
عزام بحده: انتبه على الفاظك
خالد:ماني مجبور لاني م سويت شي غلط
صالح الي كان متوجه لخالد يصفقه بس مسكوه العيال:ي الخسيس!ترمي التهمه على اختي
خالدوهو موقف :ايه ارميها على اختك هي جاتني برجولها الثنتينن
ابو عبدالرحمن مسكه من يده بمعنى اقعد ، وقعد ..
ابو صالح:اسمعني  مافي غير حلين لك تتزوج بنتي او تخسر وظيفتك
خالد ضحك بغصه وناظره : يعني بتلوي ذراعي يبو صويلح!
أبو خالد بحِده:خالد لا تنسى منهو الي قدامك
خالد:زواج ماني موافق لو تنبطق السماء على الارض
الجد مطلق:بتوافق غصب عن الي جابك! فاهم
خالد بصراخ:لا ماني فاهم ي جدي قلت لكم زواج من هالانسانه ماني متزوج
ابو خالد بحده:لساااانكككك لا يطوللل على الي اكبر مننننك!واسمعني! يـ..
خالد قاطعه:يبه انا وحيدك!وتربيتك!ماهو معقول منت مصدقني!منت واثق بتربيتك!
ابو خالد:من بعد الي شفته لا ماني واثق
خالد هز راسه شال شماغه ومفاتيحه وكان بيطلع نطق ابو خالد :بكره تجي ساعه 9ونص الليل الخطبه ان ما شفت وجهك هنا علي نذر اني امسحك وبتدق عليك امك تبشرك بطلاقها وتتعفن فالسجن ولاانت لا ولدي ولا اعرفك
خالد التفت على ابوه بصدمه:يبه الموضوع موضوعي امي شدخلها
ابو خالد:كلامي سمعته وانتظر الرد منك بكره
خالد:يعني بتضربني على اليد الي بتوجعني الي هيه امي!زين يبه
وخرج والتقى ب ام خالد الي سمعت حوارهم ومسكت يده:لا تاخذ بكلام ابوك!
خالد : ابوي بيطلقك يمه وبتعفن بالسجن حلمي الي كان بين يدي بيروح يمه!
ام خالد وهي تمسح دموعها:تزوجها يمكـ...
خالد قاطعها:يمه لا تكوني انتي وهم عليّ كيف اتزوجها
أم خالد برجاء:اتزوجها م ودي افقدك ويروح عمرك في زوايا السجن تكفى يحبيبي
خالد حب راسه وطلع وهو وضايق ولحقه عبد الله ..
عبد الله:خالد
خالد تنهد:شتبغى ي عبد الله!
عبد الله:لوين رايح!
خالد:لجهنم
وفتح سيارته وحرك ..
دخل عبد الله وهو ناوي يلحقه بس حلفت الجده مايطلع ..
ف الصاله ..
عاليه:اقولكم هذي كذابه!!انا مادري كيف مصدقينها
ريم وهي حاظنه عاليه: حبيبتي عاليه ماهو معقوله البنت بتتبلى على نفسها وبتفضح نفسها عشان خالد!
عاليه الي وخرت يدها:الا معقوله!مصدقينها عشان بنت شيخ!ومصير الحق ببين!غزلان كذابه!كذابه ولله كذابه
ساره:لا تكذبينها! قالتها ريم البنت ماهو مجنونه زيكم عشان تقضح نفسها وبعدين اكيد بتوقفين مع اخوك الداشر قليل الادب!
عاليه الي توجهت على ساره وهي تمط شعرها ووفرقوهم البنات ودخل عايض بعد مانادته خيال ..
عايض:وشو الي صاير هنا!وشو!
عاليه:محد قليل ادب غير الي امثالك ي وقحه
عايض بحده:عاليه اخذي حدودك
عاليه:وليش م مرتك ي عمي م تاخذ حدودها!
وطلعت والتفتت ساره على عايض وهي تمد يدها توريه الجروح وتصيح:شوف الخايسه شسوت فيني مجنونه ذي!!مريضه نفسيه !!
عايض بحده ومسك يدها:اسمعيني هذيلا بنات اخواني مثل م انتي زوجتي!الي يضرهم يضرني والي يضرك بعد يضرني ، بس مشكله تصير ف بيتنا لا تدخلين اصحاب البيت هم الي بيحلونها (وفلت يدها)طقت كبدي من هواشكم ليل ونهار ، وخرج
التفتت ساره للبنات وراحت للغرفه تبكي ..
العنود:زين سوا فيها طالت وشانت
ريم: حرام مو قدامنا
خيال:وشو حرام كنت ارحمها بس صارت تتعدى حدودها
غاده الي جاها اتصال  ورقت لفوق السطح ..
غاده:صقر شعندك داق؟
صقر:الظاهر دقيت بوقت غلط معسـ...
غاده:لا صقر اصبر
صقر:ايوا؟ غير مرحب فيني الظاهر
غاده:لا والله بس دقيت وانا عند البنات سم ي صقيّر شتبغى!
صقر الي ابتسم من نطقت صقيّر:جعل صقيّر كلّه فداك
غاده:وجعل غاده تفديك
صقر:يبعد عيوني انتي!بكلمك بموضوع
غاده:شنهو ي صقر!
صقر:اذا جيت اتقدم لك توافقـ...
غاده:لا
صقر: ليش!
غاده:كذا مره قلت لك ي صقر تدري اني باقي لي ترم في ثالث ثانوي ماقدر وقد لك
صقر:نتزوج وتدرسين مافيها شي ؟
غاده:لا ولله صقر م يصير
صقر:الي يريحك ي عيوني متى ما حسيتي نفسك جاهزه انا قدام باب بيتكم
غاده:جعلني مانحرم
صقر:اليوم الحلو مروق!
غاده ببتسامه:شويات
وكملوا سوالف ..
-
في وسط البر محلّ لقى خالد ونوره - نزل خالد وهو متضايق ومعصب بنفس الوقت وناظر لنوره الي خارجه من مصلى النساء - تلاقت أعينهم في بعض وبعدها صدّ خالد هو يخلي شماغه على الأرض وقعد عليه وهو ماهو داري شيسوي! - دخلت نوره للبيت - قررت انها تسوي شاي له يكون ك ردّ جميل له انه وصلها ووقف معها - وقعدت تسوي الشاي ..
قاطع افكار خالد اتصال من عمه عايض .
خالد تنهد:وش صار
عايض:م صاير الا كل خير انت وينك فيه
خالد وهو يفسخ شماغه ويرميه على كبوت السياره:مكان اقدر ارتب فيه افكاري
عايض:اجيك؟
خالد التفت على البيت الي تتواجد فيه نوره:لا تجي ارتب افكاري لوحدي افضل
عايض:شصار على وضيفتك
خالد بغصه:طردوني
عايض: الله بيعوضك واسمعني هالكلام مني انا وعيال عمك ومن ليث بعد لا عاد اسمع منك ماني حولي اخوان عندك ١١ اخ لا تحسب انه واقفين ضدك ! لا حشى كلنا معك وندري فيك وندري بتربية امك رقيه واصبر الحق يبين
خالد غمض عيونه بضيق وفز من سمع صوت نوره "يرجال" وسمع عايض الصوت ..
عايض:انت وين!منهي ذي
خالد الي صفق جبهته:اكلمك بعدين ، وقفل ..
وتوجه بغضب لها وناوي يطلع كل مشاعر المكبوته إلي داهمته الفتره الاخيره ..
توجه لها ووقف ينتظرها تنطق ..
نوره وهي تمد من ورا الباب صينية الشاي : حبيت أرد لك الجميل وسويت شـ..
قاطعها سقوط الصينيه من بعد ما دفّ خالد الصينيه من يدها
نوره ناظرت له بخوف ..
خالد بصراخ:ليييششش!!!تنطقيين!!!ناقصكك انا!! ناقص مصايب!!!
ناظرت نوره الزجاج المتناثر بصدمه ويدها الي تجرحت وعاودت انظارها لخالد وتستسلم لدموعها نطقت بغصه:شسويت
خالد بصراخ في: كل الي سويتيه وبعدك تسأليني ! ناقصك انا
وتوجه للمسجد ، كانت نوره تناظره لحد ما دخل وانحنت وهي تبكي تجمع الزجاج وتوجهت لداخل البيت
-
الساعه ٩ العشاء في مجلس الرجال مع الجد مطلق وعياله واحفاده وابو صالح وولده ينتظرون خالد يدخل ..
ابو صالح:وش قومه ذا ماجاء!
صالح بحده:ان ماجاء بفرفر به ف مراكز الشرطه واخلي اسمه على كل لسان
عبد الله:احشم نفسك خالد قال بيجي ولا يخلف ف قوله!
ابو فهد:انت وياه سوو حشيمه لنا ولشيخ!
انفتح باب المجلس والكل توجهت انظارهم للمجلس ودخل خالد بثقل وكأنه يحس قلبه انثقب بسبب عدم ثقة ابوه فيه ، القى السلام ودخل بدون لا يطالع في جده وابوه وقعد على يمينه العيال وعلى يساره الشيخ ..
نطق الشيخ:نبدأ؟
هز راسه خالد ب أيه ، كتب الكتاب الشيخ ، ابتسم الشيخ خالد ونطق :مبارك لكم
هز راسه خالد ، ودعوا الشيخ ..
الجد مطلق:سويت الصح
خالد:لا الحين ارتكبت انا اكبر غلط ف حياتي بس مصير الحق يبيّن
صالح:انطم
تجاهله خالد ..
ابو خالد:بكره العشاء تجي تشيل مرتك
خالد هز راسه ب ايه ووقف وناظر للموجودين فالمجلس :الي سويته عشان امي ماهو عشان احد ثاني
خرج خالد وهو مقهور ، تنهد عبدالرحمن بضيق من تذكر ضيّ ومتأكد انه ردة فعلهم بتكون أسوء من كذا بكثير ..
-
- بيت أبو هشام -
أبو هشام الي قلب البيت وهو يدور على نوره وكان في اعلى مراحل الغضب بسبب هروب نوره وهشام الي كان جنب الحارس يهاوشه .
هشام بصراخ : ي نذل م قادر تجيب وحده بزره !!!
الحارس:صدقني لحقتها بس هربت مني!
هشام:شغل السياره ما تبعد بعيد المدن بعيده عن هنا
ابو هشام وهو يتوجه للحارس ويمسكه من ياقته بصراخ : طلعها لي من تحت الارض ففففاهههم! اذلف شغل السياره
شغل الحارس السياره وركب هشام وابو هشام يدورون على نوره وام هشام بقت فالبيت في حال رجعت نوره ..
-
عند البنات - في وسط الحوش
عاليه:ولله ماخليها تسلم من سواتها ذي!
نجد:وانا معك ان م خليتها تعض الارض ما اكون انا بنت ابوي
خيال:حرام لازم نسمع من الطرفين
غاده:حرمت عيشتها يارب
عاليه وهي ترفع يدها:حسبي الله عليها نزلت دموع امي وقهرت اخوي جعلك ي غزلان ماتتوفقين
الجادل:خلاص هالدعاوي لا ترد فوق راسك
دخلت عندهم سندس: كيفكم صبايا!
ريم:اكتملت
سندس:شكله ريم م حابه اعقد معاكم بس عناد فيها بقعد
ناظرتها ريم وشمقت
الجادل و فحظنها بنتها:لا اقعدي حياك
سندس:بعقد بدون حياك البيت بيت ابو زوجي!
ريم:لانك عديمة كرامه
سندس شهقت:قليلة ادب بس اعلم ابوك عليك ويعلمك كيف تطولين لسانك على خالتك
تجاهلتها ريم ونطقت سندس:ايه عاليه شسالفة اخوك؟شصاير!
ريم:وانتي جايه هنا تاخذين السوالف وتنقلينها عند اهلك
سندس:وجهت الكلام ل عاليه اذا لاحظتي
عاليه بعصبيه:وعاليه ماهي مجاوبه على احد!هالشي بين العايله ف انتي خليك على جانب
ريم الي صفقت وضحكت:كفوووو علايّ كفووو
سندس وقفت بقهر:مصيري ح اعرف وبفضحكم وبتشوفووا
وطلعت ..
ريم:جعلك بالكتمه
العنود:روحه بلا رده المهم قوموا تأخر الوقت
والكل توجه للنوم ..
في بيت المزرعه عن ضيّ ونايف ، في المطبخ ضيّ تسوي العشاء ونايف الي قاعد على التلفزيون ..
نطق نايف وعيونه على تلفزيون : ماما جوعان
ضيّ وهي تشيل القدر من على النار وتتوجه للصاله : يلا حبيبي جاي
وقعدوا على طاوله يتعشون بعد العشاء سمعت طق باب وتوجهت تفتحه ، فتحت الباب وصدت من شافت عبدالرحمن وقعدت على الكنب ناظر صدها عبدالرحمن ونزل لمستوى نايف وهو يحضنه ، نطق نايف :وحشتني بابا
عبدالرحمن وهو يبوس خده :حتى انتم وحشتوني
ناظرته ضيّ وصدت عنه ، بعد ما نام نايف دخل عبدالرحمن الغرفه وهو يفسخ شماغه ويعلقه ودخل لدورة المياه"وانتوا بكرامه" يغسل وجهه وخرج ..
نطق عبدالرحمن:ماودك تكسرين الصمت؟
ناظرت فيه وصدت وهي تعدل مخدتها توجه وقعد جنبها ..
عبدالرحمن:شفيك؟
ضيّ:مافيني شي بنام
عبدالرحمن: تحاولين تكرهيني فيك ب حركاتك ذي
ضيّ :لا
عبدالرحمن:تحسبيني ماعرف حركاتك؟
ضيّ صدت عنه ..
عبدالرحمن: في زيت؟
ضيّ:ايه ليه؟
عبدالرحمن:راسي يوجعني
ضيّ فتحت الصندوق واخذت الزيت ، انحنى عبدالرحمن على فخذها وقعدت تدهن وتسوي مساج ل راسه ، نطق عبدالرحمن:بكره بقول ل اهلي
فزت بصدمه من على السرير:ها؟
عبدالرحمن:وشو ها؟انتي هذا الي تبينه!
ضيّ:لا ماهو هذا الي ابغاه! عبدالرحمن اجل الموضوع لبعدين
عبدالرحمن:وانتي منتي ناويه تأجلين الزعل!
ضيّ:ماني زعلانه
عبدالرحمن:اجل
ضيّ:افهمني ماودي ابعدك عن اهلك
عبدالرحمن:رجعنا على نفس الموضوع وانا حسبالي تخطيناه! ضيّ افهميني م تبعديني عن اهلي انا متزوجك بالحلال وبعدين راسي مصدع من المصيبه الي عندنا!
وقال لها ، نطقت: عبدالرحمن مستحيل البنت يعني بتضر نفسها ف شرفها!
عبدالرحمن:وولد عمي مستحيل يسو هالسوايا! بس الله يآلف قلوبهم
ضيّ:امين ومثل ما قلت لك أجل موضوعنا
عبدالرحمن الي رفع راسها وناظرها:ليه؟
ضيّ:مو مستعده
عبدالرحمن:سباق ولا مسابقه هو م مستعده
ضيّ ضحكت ونطقت:تافهه
ابتسم عبدالرحمن من ضحكتها
ضيّ:بس تكفى أجل الموضوع
عبدالرحمن:تبشرين
-
مقر خالد ونوره ، نزل من سيارته وهو ينزل السجاد ويفرشها رفع رجله ب الم من حس ب شي جرحه وناظر للزجاجه المتوسطه رجله وابتسم بضيق من تذكر من رمى صينية الشاي من غضبه ومن اخر موقف مالها حس م اهتم وحط منديل تحت رجله والتفت على صوت جواله اخذه ونطق :عبالي صدقت كلامهم
راكان:تستهبل معي انت؟اكيد معك ماهو معهم شتبي ياخوك
خالد:برسل لك اللوكيشن و تعال
راكان:تبشر جايك
وقفل
رمى خالد الجوال وانسدح على الفرشه وهو يناظر السماء ونطق:ولله لأقهرك يا بنت ابو صالح واخليك تعضين اصابع يدك من الندم
دقايق توجهت انظاره ل انوار سيارة راكان ، وقف نظف ثوبه من الرمل وتوجه امام سيارة راكان ، نزل راكان من سياره وتقدم ل خالد ، راكان ضربه بخفه على كتفه ووقف جنبه ونطق : هلا يبو سلمان
خالد :هلا
راكان:وشفيك وش له هالضيقه الموضوع بسيط بينحل !
خالد ضحك وبعدها مسح على وجهه:اي بسيط ي راكان ! المكان الي تعبت عليه سنين انطردت منه !
راكان رفع يده على كتفه:قلت لك بينحل ! بس اصبر مصير الحق يبين وبعدين شعندك وش تبغى تقول؟
خالد:قبل كم يوم لقيت بنت هنا(هز راسه راكان بمعنى كمل) ، وأشر خالد على البيت الي فيه نوره وكمل : وقعدت فيه وانا قعدت ف هالمسجد
راكان:وش تبغى توصل له !
خالد:بتزوجها
راكان:خبل انت؟ تتزوج ثنتين!
خالد:ايه بتزوجها اول بتزوج الي جابت لي هالمصيبه بعدها هي
راكان:انت اهبل ولا ايش!وش المغزى انك تتزوج ثنتين!
خالد:اقهرها
راكان: خالد فتّح عقلك تتزوج بنت ماتدري عنها اي شي لا من اصل ولا اهل اهبل انت !
خالد : راكان البنت واضح عليها مالها احد
راكان:وصدقت؟
خالد:صدقت لانه من هيئتها واضح
راكان:طيب طيب نفترض انه صحيح مالها احد انت من عقلك بتتزوجها عشان تقهر الثانيه واذا اشتكت عليك واذا كانت مرسوله من احد
خالد وهو يسند راسه لورا:قررت انا
راكان مسح على وجهه:الظاهر انت انهبلت رسمي فتّح عقلك ي ادمي حرام وفوق هذا ماندري صدقها من كذبها
خالد: راكان انت ماتحس بنار جوفي انت تتهنمي بشي ماسويته!ولاني قادر اوضح لهم كل ماتكلمت سكتوني ! بتزوجها
راكان:لا مارح تتزوجها
خالد:اتصلت فيك عشان تكون لي عون مو فرعون
راكان:لا بصير لك فرعون لانك الحين انت ف مصيبه وبتجيب على راسك مصيبه ثانيه وعقلك مو راضي يستوعب الي اقوله انت معصب ومنقهر ولاداري ايش بتسوي !
خالد رمى عقاله وانسدح على الفرشه وناظر لراكان:ابغاك تكون شاهد
راكان:يرحم لي والديك لا تورطني وافهمني
خالد:كل شي بيكون غير رسمي بمثل
راكان تنهد:انت وش صار على عقلك ! تلعب بمشاعر البنت لا بارك الله فالعدو
خالد:ياخي انت اوثق فيني وخلاص ما في احد بيدري عن هالسالفه غير انا وانت
راكان:والشيخ ؟
خالد:بدبر ماعليك وانت بتكون من الشهود
راكان: الله يستر المهم بروح انا
خالد:جاك خبر عن مصعب
راكان هز راسه:لا مع الاسف بس تطمن جايبه جايبه هو وخويه أبو هشام
خالد:واثق فيك
-
الضحى ١٠ص
في بيت ابو تركي فوق السطح كانت تمسح عن جبينها وتاخذ الغسيل من سله جاتها سندس وتكتفت ناظرتها ام نواف وعقدت حواجبها ونطقت :شعندك؟
سندس:ملابسي انا وين انشفهم ف بيت الجيران !
ام نواف وهي تصد عنها:تشوفين في حبلين فاضيين تقدرين تنفشينهم
سندس:لا مايكفيني خففي ملابسك
ام نواف:لا ماني مخففه اشيل ملابس عيالي عشانك؟تخسين
ام نواف: ان ماقلت لصلوحي عن سواياك مايكون اسمي سندس
ام نواف وهي تشيل ملابسها:تدلين باب غرفته
سندس نزلت وصادفها ماجد الي جاي من دوامه
ماجد: مطنقره؟
سندس بقهر:اسأل خالتك
ماجد:شفيكم بعد
ونزلت ام نواف وهي تناظرهم:ها بشريني دليتي غرفة صالح ولا ادلك؟
ماجد:صلي على النبي يخالتي شصاير!
سندس:خالتك تحسب البيت بيتها
ماجد: البيت بيتها شفيها!
سندس رمت السله ومشت عنهم ..
ماجد كان بيروح بس نادته ام نواف :ماجد يمه
ام نواف وهي تمد له ٥٠٠ ريال رجع ماجد لورا :ولله ما اخذها
ام نواف وهي تمسك يده:عشان سلطان صدقه له كم قبل يكون حلمت فيه
ماجد تنهد بضيق من ناظر لام نواف وهي تمسح دموعها وحب راسها: الله يرحمه يغغرله وماله داعي يخالتي خوانه معاه ونتصدق عنه كل ليلة جمعه
ام نواف:بس اخذ هذي من عندي وزعها لمحتاجين
ماجد ناظرهل وابتسم :تبشرين يخالتي
اخذت السله ام نواف ودخلت للغرفه وناظر ماجد لـ ٥٠٠ وهو يتذكر وجهه قدام بيتهم ويتذكر تفاصيل هذاك اليوم تنهد وخش الفلوس ف جيبه وخرج لبرع وعقد حواجبها شايفها تنتظر وواضح تتصل على احد واستغرب باقي م داومت ودوامها المفروض الساعه ٩ تقدم لها ، ماجد:اشواق؟
أشواق التفتت عليه ونطق ماجد:باقي مارحتي؟
اشواق:لا
ماجد:بس مناوبتك بدأت
اشواق:ادري صديقتي صار لها ظرف والحين اتصل ل عبدالعزيز م يرد ودحوم جواله مغلق
ماجد:امشي اوصلك
اشواق بفشله:لا لا رح انت بشـ...
ماجد:تعالي ي ادميه ترانا ف نفس المستشفى يكفي متأخره ساعه
اشواق ترددت ونطق ماجد وهو يفتح الباب الي ورا :امشي يلا
اشواق راحت ةهي متفشله ..
- في إحدى الكافيهات عند سعود وصقر -
صقر:ذلحين ليث وينه فيه
سعود:اتصل له مايرد قايل لك بيسحب علينا جاي من خط جده
وثواني الا دخل ليث : اكيد كنتوا تحشون فيني
صقر:وينك تأخرت
ليث:يرجال كنت تعبان كويس صحيت
سعود:وانت لا رحت جده تنسينا لعنبوك كم اسبوع ذلفت ولا اتصلت
ليث: يحبيبي يسعود ماكنت ادري يومك بدون صوتي مايكتمل
سعود:صقر تكفى خش زيتونه ف فمه وخلّه ينطم ليتني ساكت
ضحكوا ليث وصقر وقعدوا يفطرون
-
عند البنات ..
عاليه:عندك رقم هذي الي م تتسمى
العنود:شتبغين فيه!
عاليه:اغازلها وش ابي فيه ابغى اكلمها
العنود:والي يعافيك بعدي عن المشاكل
عاليه:من الي بدأ ؟ هي البادي أظلم
العنود:ماني معطيتك اجل
عاليه:تكفين عمتي ابغى ابرد حرتي
العنود هزت راسها ب لا ونطقت:عشان بعدها ان صارت مشكله يرمونها عليّ
عاليه:هيّن حتى اذا م اعطيتيني رقمها مصيرها تجي هنا واخليها تندم على اليوم الي حبت فيه اخوي
ضحكت ونطقت العنود: الله يعينها دام بتطيح ف يدك
-
- الكوفي -
سعود:اسمع رح لجدي
ليث:لا تكفى تعبان مافيني حيل اروح لديره
سعود:جدي سألني على وين وقلت له ليث بيجي عاد تحمل الي يجيك درى انك جاي لهنا ولا جيت تسلم عليه
صقر وهو يحط جواله على الطاوله: الحمد لله بروح اغسل
ليث:اجي معك سعود انتظر لنا
سعود:ولله انت وياه ان سحبتوا علي وتركتوا الدفع علي والله كل هلله بدفعها اطلعها من عينكم
ضحك صقر:شكله خايف نسويها فيك نفس اخر مره
سعود: وصلكم العلم
صقر:لا يرجال ماني مسويها لا انا ولا ليث
وتوجهوا لدورة المياه ، ثواني رنّ جوال صقر وتجاهله سعود لحد ما قفل وعاود الاتصال وناظر سعود للرقم وقفله وعاود الاتصال ونطق سعود : يليل - وقفله للمره الثالثه واتصل واخذ الجوال وخلّه ع اذنه جاه صوت انثوي وحس الدم تجمد ف جسمه ، نطقت:يوه صقيّر يشينك ماترد بسرعه خوفتني - قفل الجوال بصدمه وناظر للرقم الي كان بدون اسم حس انه الصوت مو غريب عليه طلع جواله وصوّر الرقم وترك مبلغ الفطور على الطاوله واخذ جواله وخرج وهو مقهور ويتمنى انه احساسه يخيب - خرجوا صقر وليث من دورة المياه استغربوا من عدم تواجد سعود
ليث:المصرقع سواها فينا
صقر:لا هذي هي الفلوس
ليث:غريبه ليه خرج
صقر:يمكن انه امه اتصلت عليه المهم بروح أدفع الباقي
ليث:وانا بخرج
وراح وناظر لجواله غاده الي اتصلت حوالي ثلاث مرات واتصل عليها ورفضته ، عقد حواجبه دفع ومن بعدها خرج ، فالسياره اتصلت عليه غاده ونطق : غدو شفيك عسى ماشر ؟
غاده:وش له تسحب عليّ؟
صقر:ولله ماسحبت عليك كنت افطر و ماسمعت الجوال
غاده:لا ولله اذا من بدايتها كذب كيف اخرتها
صقر:اي كذب ايش تخربطين غاده
غاده:اتصلت فيك ثلاث مرات ومارديت وبعدها اتصلت ورديت علي وبعدها قفلت
صقر:رديت!
غاده:ايه ولله
صقر بوهقه:قلتي حاجه؟
غاده:صقر تستهبل
صقر:غاده ردي على سؤالي
غاده:ايه تكلمت وبعدها قفلت
صقر:بس الجوال عند خويي
غاده شهقت:كيف
صقر:كنا نفطر وبعدها رحت اغسل وجوالي مع خويي
غاده: صقر خايفه سمعني ولا حاجه ويفضحني
صقر:لا تخافين ان  قال اي حاجه بقوله اختي
غاده:ولله اني خايفه
صقر:لا تخافين وانا معك تطمني
-
في وسط الصحراء والشمس متوسطه السماء ودرجة الحراره في حدود الاربعين ، نطق بصراخ ومسك الحارس من ياقته ، أبو هشام:يكلببب يغبي م انتبهت انه السياره م فيها بانزين !!
حارس:ولله م انتبهت
ام هشام:فكه خلاص وحلّوا هالمشكله الحين
هشام:يبه تهقى لقت اهلها؟
ابو هشام :وانا شعرفني فيها!
هشام:اجيب لك العلم
ابو هشام: لا تجيب شي لا ننفضح
هشام:مارح تنفضح عندي خوي هناك وبقول له كسؤال
ابو هشام:انتبه
هشام هز راسه
الحارس:بدق على شخص ادري به يجيب البانزين
ابو هشام بعصييه:دق الله ياخذ الساعه الي دخلت فيها بيتي
-
٧:٠٠م
المغرب الجد مطلق وعياله واحفاده وابو صالح وولده متجمعين في المجلس في بيت أبو صالح والهدوء يعم المكان ، نطق تركي بهمس ل عايض:اتصل خالد ؟
عايض بهمس:ايه فالطريق ولله ان مضيق صدري
تركي:معك الله يكون بالعون
نطق صالح:شعندك تتهامس انت وياه ولا يكون الخسيس هوّنَ
تركي:اقبض لسانك عنا وخالد فالطريق
الجد مطلق:خلاص انت وياه مافي حشيمه لنا
تركي:لكم الحشيمه ي جدي
دخل خالد وسلّم على الموجودين وقعد جنب العيال ،  نطق اب صالح:مو بس يخالد تاخذ بنتي إلا كذا الشروط الي فالعقد ابيها متنفذه
خالد ناظر له لثواني ونطق ببتسامه :لا تخاف بنتك بخليها على راسي(ويأشر على راسه)
صالح: غصبًا عنك تخليها على راسـ....
خالد: الكلام وجهته لابوك ماهو لك -  التفت على ابوه ونطق : يلا يبه بخذ زوجتي ونروح
- ودعّ ابو صالح بنته الوحيده وكذلك صالح وركبت مع خالد -
غزلان وهي تقفل الباب ، نطقت بتوتر : السلام عليكم
حرّك خالد السياره بدون لا ينطق ب ولا شي ، دقايق وانظاره متوجهه على الطريق نطق : المره الثانيه لمن تقفلين باب سيارتي بشويش لانه تصليحه اغلى منك
ناظرته غزلان وهزت راسها ب تمام - وقف جنب الفندق ونزل كيسه فيها اغراضه ونطق بدون لا يناظرها:خدمي نفسك بنفسك وحركي رجلك نزلي عشان اقفل سيارتي
غزلان نزلت واخذت شنطتها وهو قفل السياره وتقدم عنها - وقفت على جنب تنتظر خالد يروح يجيب مفتاح الغرفه ومشت معه بعد ما اخذ المفتاح ، دخلوا الغرفه وقفل الباب خالد وناظرها وهي جالسه على السرير ، اخذ كرسي من طاولة الطعام وتقدم جلس امامها مرّت دقايق وهو يناظرها وغزلان الي مستحيه ومنزله راسها تحت
خالد : ارفعي راسك
رفعته غزلان وهي مبتسمه وناظرته وبعدها نزلت راسها ، ابتسم خالد ونطق : مهما تزينتي بتظلّين بنظري رخيصه
-
تلاشت ابتسامتها وناظرته بصدمه من كلامه - نطق بكلامه : وش له متزينه ؟ بتحسبيني بحبك واوقع ف غرامك ؟ مستحيل مستحيل هذا بس بتحلمين فيه ، بس ف واقعك بتشوفين العكس ، تهقين من بعد سواد الوجه الي سويتيه بس مع الاسف محد يدري فيه غيري تهقين بحبك وانساه انطردت من حلمي يسببك تهقين بنسى ؟ حتى ظنّ لا تظّنين ، وللعلم انا نفس طبع البعير لا حقدت على شخص ما افكه
نزلت دموعها غزلان وهي تناظره نطقت : اسفـ.....
خالد:اص ولا كلمه لا تتأسفين لانه ولله الي رفعها سبع انه مستحيل انسى الحركه الي خليتيني فيها اني ف عيون اهلي صغير - أشرّ على السرير وبعدها على الكنب : هذاك مكانك وهذا مكاني
غزلان:سويت كذا لاني احبك
خالد : واذا قلت لك الي تحبينه ف قلبه وحده ثانيه ؟
وقفت غزلان:هــ...ــا
خالد ( قرب منها ونطق) :وش شعورك وزوجك يتزوج عليك وانتي عروس ؟ شعور بشع صح ؟ بضبط الشعور الي تحسينه الآن ولا شي من شعوري وانا اشوف ابوي يحاول ما يناظر ف عيوني بسبب الي سويتيه ، أنتي يابنت ابو صالح رميتي نفسك عليّ ولا انا ماني حولك ابدًا وتحملي نتائج أختياراتك
غزلان بغصه : طيب لو رفضتني
خالد ضحك : اوقح منك ماشفت - ونطق بصراخ: لو في مجال رفضتك ! لكن تهقين من بعد الي سويتيه اقدر ارفضك؟ اقدر بس امي لاويه ذراعي امي ! زواجي منك ماهو عشان لا جدي ولا ابوي ولا ابوك ولا اخوك ولا عشان سواد عيونك لا ! عشان امي بس
كانت غزلان بتتكلم بس نطق خالد قبلها
خالد بحده:لا اسمع صوتك لا اسمعه والكلام الي حصل الحين ان سمعت انك قايله لأحد بخليك تحلمين بالطلاق وما تلقينه ومهما سويتي بتظلّين رخيصه بنظري وبنظر الكل لو دروا بحقيقتك
خرج وقفل باب الغرفه بقوه ، أنهارت غزلان على السرير وثواني وقفت تمسح دموعها وتناظر نفسها فالمرايا ونطقت : ولله م اضعف ولله وما اكون بنت ابو صالح ان ماحبيتني
اخذت بجامتها وتوجهت لدورة المياه ''بكرامه''
-
١٢:٣٠ص
دخل بيت جده وهو مقهور ناظرها وهي طالعه من مطبخ تكلم صقر اخذ جواله واتصل على رقم صقر وجاه الرقم مشغول ، بالرغم على انه كل شي يدل انه صقر وغاده بينهم شي لكن للحين بكذب نفسه واحاسيسه ، حست بوجوده ونطقت بتوتر : باي سهى اكمل لك السالفه بعدين
كان متأكده ٩٩% أنه صقر كان على الخط ووقف يناظر ارتباكها ، نطقت بوسط توترها:خير مضيع حاجه ف وجهي؟
سعود نطق ببتسامه:لا بس تعجبت من دخلت وحالك انخبص كأنك مسويه مصيبه
-
غاده بتوتر:ها؟ قول لنفسك تدرعم على الناس وتنصدم اذا حالنا انخبص
سعود ناظرها بنص عين وهي اخذت جوالها ودخلت بتوتر ..
سعود:اتمنى الاحاسيس الي قاعده تداهمني الحين تخيب اخ ي غاده
ناظر لجواله الي يدق ب اسم صقر ونطق:وليت مع احد غيرك ي رفيق الدرب ، قفل الجوال ودخل لغرفة العيال ..
-
- وسط الصحراء -
وقف سيارته على جنب المسجد وقفلها وتوجه يطق الباب بس انصدم انه الباب مفتوح وواضح البيت مافيه اي حركه ولمبات مطفيه ، تراجع ل ورا وطق الباب مره ومرتين بس مافي أي جواب ، دخل ونطق : يابنت ، لكن مافي اي جواب ، تذكر الحارس الي كان يلاحقها ، نطق:وين بتروح ناقصها انا - زفر بعصبيه وهو يخرج لكن اصطدم فيها وهو خارج من الباب - نوره وهي ماسكه راسها ب ألم : عمى وش تسوي هنا؟
خالد مسح وجهه  وهو يناظر الي بيدها : وين كنتي؟
نوره صدت وهي شايله البسه وتمسح على شعره البسه :خرجت اتمشى وكان في ناس مكشتين هنا هربت البسه للجانب الي كنت فيه واخذتها
خالد:وليه خارجه من الاساس انتي؟
نوره الي استحت تقول له خارجه تدور بقاله عشان تاخذ شي: مالك دخل
خالد:المره هذي بعديها وبعدين ودي اقولك موضوع
نوره ناظرته بطرف عينها وعاودت انظارها للبسه الي تتوسط يدها:مابيني وبينك اي موضوع
خالد تنهد : تتزوجيني؟
نوره رفعت راسها وناظرته بصدمه - نطق خالد :  بصونك ولا اخلي اي ادمي يتعرض لك
نوره نطقت بصدمه:انت لا تعرفني وانا ما اعرفك على اي اساس
خالد: عطيني رايك
بققت نوره عيونها بصدمه واخذت بستها وهي تدخل :لا
خالد نطق:حتى لو على ورق وهمي اي شي
نوره:نعم؟تحسب اني لعبه عندك ، ليه ؟ وش الي يدفعك تسوي هالشي ومعي بذات ولا عشان شفتني مالي احد؟ وقلت استفرد بها
خالد مسح وجهه بغيض:واقسم بالله نيتي ماهي كذا وافقي انتي بس وتفهمين تاليها كل شي
نوره:ماني واثقه ف واحد استفرد فيني
خالد عقد حواجبه :استفردت فيك؟
نوره رفعت يدها الي كانت ملفوفه بقطعة قماش:الظاهر نسيت الشاي الي كبيته عليّ والاكواب الي تكسرت على يدي!
خالد:حقك عليّ اسف وانتي ف وجهي مايجيك شي لا مني ولا من غيري بس وافقي وانتي بعدها لوحدك تفهمين كل حاجه
نوره تنهدت من حست ب الاطمئنان وتذكرت ابو هشام الي الحين اكيد يدور عليها ونطقت : تمام
خالد:كيف يعني؟وافقتي خلاص!
نوره هزت راسها ب لا : افكر
واخذت بستها وهي تدخل لداخل لكن استوقفها صوت خالد الي نطق : لا تطلعين المكان هنا مو آمن
-
ركب سيارته وتوجه للفندق وماباقي للفجر الا ساعه ..
نوره قفلت الباب وقعدت على الدكه وتركت البسه تتمشى حولها وضمت ركبتها ويدها واستسلمت لدموعها ب الانهمار ودها توافق عليه مو طوعًا فيه لا خوفًا أنه يلاقيها ابو هشام و تعود للظلم مره ثانيه ومن ناحيه ثانيه كانت متخوفه تدور على اهلها ويكون كلام أبو هشام صحيح بأنها بنت غير شرعيه والجد رماها تذكرت هويتها الي كل شي كان كل شي مزيف فيها إلا اسمها وماتدري اذا بتمشي على خالد ولا بيلاحظ واخذت قرار انها بتوافق و غاصت في دوامة تساؤولات كثيره وغفت بدون لا تحس..
_
٢:٠٠ص
دخل الفندق وهو مو طايق يشوف وجهها قفل باب الغرفه وعقد حواجبه للحين صاحيه وبنفس لبسها ماتغير تقدم لها ونطق:م غيرتي؟ الظاهر للحين تحسبينه حلم ومو مستوعبه كلامي
وقفت وهي تناظره ونطقت: تذكر شقلت لي؟
خالد وهو يضحك ب استفزاز :شكله الكلام للحين ف خاطرك وجارحك
غزلان ضحكت بنفس نبرة ضحكته وهي تحط يدها على كتفه:ما أكون بنت ابوي ان نا جبت راسك
عقد حواجبه ومسك يدها بقوه ودفها للجدار ونطق:لا تنسين انك رخيصه
غزلان مسكت يدها ب الم من ضربت يدها ف حافة الجدار وناظرته تحسبه بيجيها بس انصدمت من اخذ بطانيه وتوجه للكنب ونطق: المفروض اخليك تنامين على الارض لانه حتى السرير مارح يتحمل رخصك ي رخيصه
غمضت عيونها بقهر ووقفت ودخلت تبدل ، واخذ جواله خالد من سمع رنين ، خالد : عمي عسى ماشر؟
عايض:شخبارك
خالد:بخير
عايض:ابوي عازمكـ...
خالد قاطعه:ماني جاي جدك شبلاه يحسب اني مستانس على زواجي منها قام يعزم!
عايض: عشان امك تعال ولا تزيد النار حطب
خالد بصراخ : عشان امي عشان امي لمتى !
عايض:امك طلبت اني اقولك ي خالد
خالد زفر بعصبيه : خلاص جاي
وقفل وهو يرمي جواله سمع صوت باب الحمام ودرى انها بتخرج لف وجهه لجهة الجدار وهو يغطي وجهه بالكامل ، خرجت وهي مبتسمه توقعت سواته ونطقت بداخلها : مثل ماحبيتك بتحبني وتشوف ، توجهت للسرير وهي تنام ..
-
الفجر صحى عبدالرحمن وضي مفزوعين من الاتصالات الي ورا بعض من جوال عبدالرحمن ، ضي: عبدالرحمن رد هذي سادس مره يتصل
اخذ جواله عبدالرحمن وهو ميت نوم ناظر لأسم سعود واعتدل يحط الجوال على اذنه ونطق:سعود؟
سعود:اذا احد جنبك ابعد
وقف عبدالرحمن وتوجه للصاله ب استغراب : شفيك سعود انطـ...
سعود:جدي يبي يسوي عزيمه اليوم فالمزرعه القديمه
عبدالرحمن:ياربي ياسعود متصل فيني الفجر عشان كذا
سعود:انت غبي اقولك المزرعه القديمه مو الي دايم نروح لها
-
صحصح عبدالرحمن ونطق: في ذمتك سعود حاول قوله مايصلح اي شئ
سعود:دحوم حاولت بس ما رضى وتعرف عناد جدي
عبدالرحمن مسح على وجهه بتوتر: استغفر الله
سعود:طيب اخذها ودها لبيت اهلها
عبدالرحمن: الطايف بعيد وبعدين في مشكله بيني انا وامها
سعود:ايش بتسوي
عبدالرحمن:بيجلسون مكانهم
سعود:تبغى تنفضح صح!!!
عبدالرحمن:محد بيدري وانت ساعدني بس قبل لا تجون عطني علم
سعود:تمام
وقفل وهو يقعد على الكنب ويمسح على وجهه : يارب يسرّها
-
الصباح ١٠:٠٠ - الكل قاعد يجهز ، سعود الي ياخذ الاغراض من عايض ويركبها ف الهايلكس وعبدالله الي يغسل الهايلكس من الامام جاء عبدالعزيز وهو ينادي عليهم : ي عيال يقول جدي انتم الثلاثه روحوا لعزبة عزام وهاتوا راسين غنم
عبد الله:والاغراض
عبدالعزيز:ماعليه انا اكمل
وتوجهوا العيال يركبون وانيت عايض ويتوجهون لعزبة عزام و عبدالعزيز الي يرتب الاغراض .
-
عند البنات في المطبخ
ام غيث : العنود اعطي هذي الكيسه لعزوز يوديه للسياره
العنود وهي تاخذ الكيس : ان شاء الله
الجده نوره: ذلحين باقي البنات وينهم
ريم:ذلحين صاحين جده يغسلون ويجون
الجده نوره : كله من سهر اخر الليل
دخلت عاليه وهي شايله كاس شاي وبعدها دخلت العنود نطقت الجده : صح النوم
عاليه وهي تبتسم لجدتها : الله يصحيك جده حياتي
الكل ضحك ونطقت الجده نوره : اسمعيني اخذي هالكيس ووديه لسياره
عاليه : جده حرام توي فاتحه عيونـ...
قاطعتها ام خالد : مالك كلمه من بعد جدتك يلا
عاليه اخذت الكيس بيد وكوب الشاي بيد وتوجهت لسياره خلّت الكوب على الدكه واخذت تركب الكيس لورا الهايلكس لفت نظرها ان مرايا نظيفه ونطقت : غريبه الهايلكس المغبر نظيف اول مره اشوفه كذا
اخذت كوب الشاي وطلعت جوالها من جيبها وهي توقف على جنب الدريشه وامام المرايا رفعت الكوب وجوالها وهي تاخذ صوره لها وهي جاهله الشخص الي متكي على الجدار ويناظرها ومبتسم نطق : احمممم
انخرشت ولفت له كانت بتروح بس نطق : عسى طعم الكوفي هذاك اليوم عاجبك
التفتت عليه بصدمه : نعم اي كوفي
عبدالعزيز:كوفي الرياض انتي خابرتنه زين
عاليه : يعني انت؟
عبدالعزيز:ايه انا
عاليه : وليه هذيك الليله كذبت علي وقلت مو انا وخليتني اتوتر وافكر!
عبدالعزيز ابتسم : اسف بس رقمي منين جبتيه؟
عاليه وهي تقفل الباب : مالك دخل
عبدالعزيز: ي الطيبه ترا بيت جدي ماهو بيتكم افتحي
وقفت ورجعت تفتح الباب وسرعت خطواتها للمطبخ
عبدالعزيز ضحك على مشيتها وهو يتوجه يجيب باقي الاغراض
-
١١:٠٠م
كانوا فالطريق منقسمين كل احد ف سياره عند سعود الي كانوا ف الهايلكس ومعه عبد الله و تركي
وقف سعود على جنب من حس قربوا من طريق المزرعة ونزل التفت على صوت تركي : شفيه صار شي ؟
سعود:لا امي اتصلت
نزل وهو يدق لعبدالرحمن :دحوم
عبدالرحمن:وصلتوا؟
سعود: الحين بندخل طريق المزرعه عجل
عبدالرحمن قفل ، وتوجه سعود يكمل الطريق ..
عند عبدالرحمن الي فز وتوجه ل ضيّ وهو سبق وقال لها انه بيجلسون ف الغرفه فالمزرعه بس بعيده عن الانظار نطق عبدالرحمن وهو يشوف ضي متوتره وتلبس نايف : ضي
ضي: عبدالرحمن مافي وقت بيجون اهلك
مسك يدها ونطق:ترا اهلي مو وحوش وش له خايفه لهدرجه
ضي الي تحارب دموعها لوجود نايف:مادري اذا احد شافني شسوي وقتها
عبدالرحمن:قلت ي ضي بروح بقول لأهلي بس انتي منعتيني
ضي:ترميها علي يعني؟
عبدالرحمن: لا ولله ماعليك خلصتي ؟
ضي:البس نقابي
خلصت وتوجهوا للغرفه دقايق من وصولهم يسمعون اصوات السيارات ودرى عبدالرحمن انهم وصلوا التفتت ضي على عبدالرحمن ونطقت: آسفه عبدالرحمن ان صار شي
عبدالرحمن مسك يدها ويده الثانيه يمسح دموعها وابتسم:م هقيتك ام دميعه مايصير الا الخير انتبهي لنفسكم
خرج وقفلت ضي الباب اخذ نفس عبدالرحمن وهم يشوفهم من بعيد ينزلون الاغراض وتنفس ب راحه من ناظر لجده يأشر لهم ليسار المزرعه وناظر للبيت الي يمينه قفله لانه لو تركه مفتوح ودخلوه بيدرون بسبب الاغراض الي داخله اخذ نفس مره ثانيه وهو ييتوجه لهم ..
سمع ابو عبدالرحمن ينطق ب اسمه : دحوم وينك يبه م ترقد هالايام ف البيت
عبدالرحمن وهو يسلم على جده وابوه وعمانه : ايه يبه دوامي صار ليل
ناظر لسعود الي يناظره وتوجه له ونطق سعود : كيف الامور
عبدالرحمن:تيسرت
وبدأوا الرجال بالذبح والصلخ وتقطيع اللحم و الحريم بالطبخ ..
-
عند خالد و غزلان صحت من النوم م لقته وتوجهت ترد على الاتصال : ايوا
....:لقيتي ؟
غزلان:ايه متى تبغينه
....:بتروحين لبيتك؟
غزلان:ايه
...:ارميه ورا البيت وانا بجي اخذه
غزلان:تدرين ابيك تسوينه ف اسرع وقت
....:ولا يهمك
قفلت وهي تناظر للباب دخل وهو صاد عنها نطق:الغدا عند جدي انتظرك ف سياره
اخذ مفاتيحه وخرج
غزلان انقهرت منه توها صاحيه ولا سوت اي شي وتوجهت تلبس على السريع..
وسط البر وسط البيت وحيده تمشي وفي يدها كوب قهوه وقطوتها الي تمشي وراها تدور دفتر الرسم حقها من بين اغراضها رمت الشنطه بعصبيه : اوف وين بيروح يعني !
شوي وتذكرت انه نسته ف السطح: ي غباءك ي نوره امس كنتي ترسمين فوق السطح
- لمت اغراضها ف الشنطه وخشتها تحت الطاوله وتوجهت للسطح وهي اللوح الخشبي عشان تحط عليه اللوحه عقدت حواجبها من وقفت سياره وارتجف جسمها من سمعت صوته الصوت الي لها خمسة عشر سنه تحت امرّه ونهيّه ناظرته وهو يتوجه يدخل للبيت ومعه الحارس ناظرت لأكياس الاسمنت الي فوق بعضها اخذت اللوح واللوحه والالوان وقطوتها وهي تتخبي خلفهم شهقت من تذكرت الشنطه تحت وتتمنى هالساعه يجي خالد تخبت ولمت نفسها وهي تمنع اي صوت يخرج منها تسمعه وهي يفتح الابواب بقوه وتدعي بنفسها وهي تقصد خالد: يارب يجي يارب يجي
شدت على نفسها من سمعت صرخة ابو هشام : وينها وييين بتروح مافي الا هالمكان ممكن تجلس فييييه !!!
الحارس:مثل ماشفت مافي اي ادمي هنا
ابو هشام وهي يمسك ياقته:ولله ان م جبتها لي لأذبحك فاهمم اذلف شغل السياره
وطلع الحارس و ابو هشام وهو يناظر للمكان نظره اخيره : بجيبك يعني بجيبك
ناظرت من فوق السطح من تحركت وتنفست براحه وبكت انها تحاربه لوحدها بعد دقايق مسحت دموعها وهي تنطق بنفسها : وافقي ي نوره اقل شي تفتكين من ابو هشام عشان لا يرجعك لضيم ، سندت راسها على جدار وهي تفكر ووعادت دموعها تنزل بصمت لحد ما غفت ..
-
١:٣٠م
وصلوا خالد وغزلان فالسياره خالد يضبط شماغه ومقفل ابواب السياره كانت غزلان بتنزل بس الباب مقفل نطقت: افتح بنزل
خالد وهو يضبط شماغه :ان تنفستي بحرف واحد لا تلومين نفسك
صدت عنه بعصبيه ونطقت:طيب افتح
فتح نزل وهو يتوجه للعيال بدون لا يقولها مكان الحريم توهقت اول مره تجي للمزرعه وناظرت لنمر والجوهره الي متوجهين لها نطق نمر : يعمه وش تبغين
غزلان:وين الحريم؟
الجوهره وهي تأشر لمكانهم : هناك
غزلان وهي تبتسم بتسليك: شكراً
وتوجهت لهم اول مادخلت رحبوا في الحريم والبنات قاعدات لكن وقفوا من بعد مانطقت الجده:اعقبن قومي انتي وهي سلموا
قاموا البنات يسلموا الا عاليه الي قاعده وهي تبرد اظافرها مدت يدها غزلان وعاليه تجاهلتها همست ام خالد :سلمي على البنت وخلي هالعزيمه تعدي على خير
تجاهلتها عاليه وهي متنرفزه منها وسحبت يدها غزلان وهي تقعد جنب الجده لانه تدري البنات م يطيقونها
همست نجد ل عاليه:احبك كفو الي سويتيه فيها
عاليه:ان م خليتها تكره عيشتها ما اكون بنت سلمان
نجد وهي تضربها على الكتف بشويش:معك يبنت عمي
غاده:وانا معاكم مع اني مادري شسالفه
ضحكت عاليه:لبى الخوي الي م يخلي اخوياه
-
٧:١٥م
الكل كان مجتمع تحت المظله الحريم بجانب والرجال بجانب وريحة المكان قهوه بالهيل وسلة التمر الي تتمرر بينهم والعنود الي خلّت مدخن الي يفوح بريحة العود على الرّف وجلست جنب البنات .
نطقت خيال : ي جمال الجو
غاده : يارب ينزل مطر
اشواق:تدرون هالجو ايش يبيله؟
الجادل:ايش؟
أشواق:الاسطبل
التفتت عليها نجد:اخوك المصون بيقطع رجولنا ان خطينا خطوه داخله
أشواق:لا ماعليكم انا اكمله
العنود:اجي معك؟
اشواق وني تلبس نعولها:زيادة الخير خيرين
توجهوا لجهة الرجال وتقدمت العنود تنادي عبدالرحمن ، عبدالرحمن الي كان ساهي ف هذيك الغرفه الي ف اخر المزرعه وخايف يجي يوم وينجبر على فرقاها فز على صوت ابو عبدالرحمن الي نطق:ولد دحوم عمتك واختك يبونك
فز عبدالرحمن وتوجه لهم ناظر للعنود واشواق الي يناظروه وفي خاطرهم شي واضح عليهم نطق وهو مبتسم:ايوا شعندكم؟
العنود:تدري انك احسن ولد اخ بالدنيا
عبدالرحمن:ادري وايش بعد
اشواق:وانك افضل اخ فالعالم
عبدالرحمن:فالعالم بس؟
العنود:الكون بعد ايش تبغى اكثر؟
عبدالرحمن:يلا شتبون
أشواق:الاسطبل
عبدالرحمن اعتدل:نعم؟
العنود:الاسطبل تكفى
عبدالرحمن:تبون جدي يهاوشني؟
العنود:تكفى ولله مابيدري وان سأل بقوله حنا رحنا بدون شروك
عبدالرحمن:تمام بس انتبهوا ولا تقربون ولا تركبون على ولا خيل
اشواق:من عيوني
-
'' عند العيال الي توجهوا للشوي "
ليث وهو يهف على الفحم و ماجد الي يحط اللحم على الفحم وسعود الي يحارش ليث ، عزام وهو يبي من اللحم ف صحن : قلت لك حطولي قطعتين
تركي : يمشفوح باقي م استوى
عزام:ترا الغنم حقي حلالي
ماجد:ياليل جدي بيندم انه اخذ من حلالك
عزام وهو يقدم الصحن:حط لي قطعتين
ماجد وهو يحط واستغرب من عزام من توجه لصوب الاسطبل
سعود:يعطي حرمته قبلنا قليل ادب
تركي: خير ليه ماعرف هالحركات انا
سعود:لانك ناشف
ليث وهو يكح بسبة الدخان:ناشف ولا مشوي
سعود وهو يمثل الضحك : أقول هات عنك اقعد
ليث:يحبيبي ي سعودي تخاف عليا
سعود:لا م اخاف لكن م نبي نبتلش
ليث:وجع طيب جاملني يهوه !
- عند عايض وخالد -
نطق عايض : خالد
خالد وهو يحس بصداع:ايوا
عايض:هذاك اليوم اتصلت عليك وسمعـ..
خالد الي فهم عليه ونطق:صوت بنت ؟
عايض هز راسه ونطق خالد:بنت كانت تسألني عن الطريق لا تهتم
عايض طبطب على كتفه ونطق:  قم للعيال
هز راسه خالد ب ايه وتوجه للعيال
-
- الأسطبل -
الجادل:بنات مو فضيحه خليت بنتي مع غزلان؟
عاليه:لا مو فضيحه خليها تجلس هناك ولا اشوفها جايه لا هي ولا جود ولا حرمة عمي عايض
نجد ضحكت بعلو صوتها:صدق البعير لا حقد مايفكك
أشواق:اخ شوفوا جمال الادهم يجنن
خيال:بنات احس ودي نتسابق
غاده:ولله ان درى جدي بيكفخنا
الجادل:انا ماقدر
نجد:يعنني انتي العاقله بينهم
ضحكت الجادل وصدت عنها ونطقت العنود:تبون نتسابق؟
اشواق:بس مافي غير ثلاث احصنه
نجد:اربعه قصدك
اشواق:وينه؟
نجد:هذاك ف الزاويه
أشواق:غريبه دحوم عنده ثلاثه ذا من وين جايه!
خيال:بنات هذي انثى
كانت العنود بتتكلم لكن قاطعها صوت عزام الي ينادي خيال وراحت له ..
أشواق وهي تفتح باب الادهم نطقت عاليه:بنات احس لا
نجد: ليه تخافين!
- عند خيال وعزام -
خيال: عزام شتبغى
عزام وهو يمد لها الصحن:حلفت تاكلين قبلهم كلهم
خيال ضحك وهي مستحيه:لا يكون قلت قدام عمي وجدي!
عزام:لا ماعليك محد يدري اني خفيف غيرك
خيال ضحكت بعلو صوتها وهي تاخذ قطعة اللحم وتاكلها ونطق عزام : كيف؟
خيال:ولله ي عزام انه لذيذ تسلم يد الي سواها
عزام وهي يرفع حواجبه ويناظرها نطقت خيال:شفيك؟
عزام:ي ست خيال الي سواها ماجد ولد عمك!
خيال ابتسمت :طيب تسلم يد الي جابها لي
ابتسم خيال من ابتسامتها باسها ف خدها بحركه سريعه ونطقت:وهه عزام لا يشوفنا احد
كان بينطق عزام لكن تفاجأؤوا ب المطر الي انهمر فجأة والكل تجمع تحت المظله يتعشون ويناظرون للمطر الي منهمر وقف خالد ونطق:استأذنكم عندي شغله واجيكم
ام خالد:يمه خالد وين رايح فهالجو
خالد:ماني مطول يمه
أم خالد : ف حفظ الله انتبه
كانت بتنطق غزلان بس تدري انه بيفشلها قدامهم وفضلّت الصمت ، خرج خالد من تذكرها شغّل سيارته وتوجه لها ..
-
" عند نوره الي كانت ترسم زينت الإبتسامه ثغرها من ناظرت لقطرات المطر ، اخذت لوحتها والوانها وهي تخبيهم فالغرفه عن المطر ، خرجت للحوش وهي فاتحه يدها وتدور لأول مره تحس بشعور ما حسته من زمان ، أختلطت قطرات المطر مع دموعها مع ضحكاتها وهي تنطق :ويني انا قبل عن هالشعور ، شافت قطوتها الي منحاشه عن المطر ضحكت ونطقت وهي تنزل لمستواها : بيفوتك ي لولو الشعور الي احسه الحين ، توجهت لجنب الدكه وتناظر لشجرة الياسمين الي طاحت كم زهره منها وتبللت بالمطر والطين ، تقدمت وهي تاخذ زهرة من شجرة الياسمين وتحطها جنب أذنها وعاودت انظارها للمطر والابتسامه م فارقتها وهي تحس توها ولدت توها تعيش الدنيا تنهدت وهي تجلس بتعب والابتسامه مرسومه على ثغرها : الحمد لله ياربي على هالنعمه
التفتت لورا من حست بشخص وراها وهي جاهله انه كان يناظرها من بدأ المطر ينهمر ويحاول يخبي أبتسامته حسّ على نفسه وصدّ واخذت نقابها وهي تلبسه ونطقت : انت!
خالد تقدم لها وهو يناظر ل رموش عيونها الي المتبلله بقطرات المطر وزهرة الياسمين الي غطتها بنقابها لكن واضح جزء منها ونطق:ايه انا
عقدت حواجبها كيف يناظر كذا وصدت : طيب تبغى موافقتي؟
خالد الي اعتدل وحس على نفسه ونطق:انتظرها
نطقت وهي تفرك يدها :ايه موافقه
تهللت الإبتسامه لوجه ونطق:اجيب الشيخ الحين
التفتت له ونطقت:ليش مستعجل!فالتأني السلامه وفي العجله الندامه
خالد:انا ابغى اخلص الامور اليوم
خرج من ناظرها وهي تاخذ قطوتها وتدخل لداخل الغرفه واتصل على راكان من بدأ المطر يتوقف نطق:هلا راكان
راكان:يرجال وينك انت تزوجت ونسيتني
ابتسم خالد:تعال تعال للمكان الي جيته آخر مره
راكان:ليه عندي شغل
خالد:اعجل ابغى اتزوج
راكان:لا حول ولا قوة الا بالله انت وش صار لعقلك حسبت انك هونت
خالد:راكان تكفى تعال ولا تسولف واجد وتخرب روقاني
راكان:خلاص يبوي دامك مروق انتظر انت لحد ما اخلص الاوراق الي عندي انت ماتروق غير ف السنه مره
ضحك خالد وهو يقفل عنّه وتكى على السياره وهو يتذكر فرحتها بالمطر ورمش عينها الي حسّ انه انهزم امامه تنهد والابتسامه مافارقت ثغره ونطق :
أحسب إن الرمش لا سلهم حنون
وأثر رمش العين، ما ياوي لأحد
يوم روّح لي نظر عـينه بهون
فزّ له قلبي وصفّق وارتعد
لفّني مثل السحايب والمزون
في عيوني برق وبقلبي رعـد "
-
٩:٣٠م
- المزرعه -
الكل بدأ يشيل الاغراض عشان يمشون سمعوا صراخ محمد ولد فهد وهو جاي يركض لعندهم نقطق وهو يلهث : حريق في الجانب الثاني من المزرعه !!
التفتوا عليه بصدمه نطق فهد:ولله ي حمود ان طلع مقلب من مقالبـ...
محمد ويأشر لجانب الحريق:ولله ي ابوي هذاك الجانب
الكل فز يركض لمكان الحريق وأولهم عبدالرحمن الي ركض بدون لا يلبس نعوله حتى مجرد ما داهمته أفكار ان ضي ونايف في هذيك الغرفه ووسط الحريق ركض بدون لا يحس على نفسه ، وصل أولهم لمكان الحريق وهو يناظر للغرفه الي شبّت النار من وسطها نطق داخله: يارب بخير ، ناوي يدخل مسكه عبدالعزيز من يده : مهبول وش تسوي داخل تسوي !!! ، صرخ بقوه ف وجهه : اببببعدددد ي عزيز ابعدد " بعد يده بقوه وهو يدخل لداخل الغرفه .
شهقت الجده نوره : المهبولللل ليش دخل!شعنده داخل
كان بيدخل عبدالعزيز بس مسكته الجده  من يدينه وهي تحلف عليه مايدخل ونطق عبدالعزيز:اخويييي وسك النيران يجده !
دخل سعود وهو متجاهل صراخ جدته والعيال ..
-
-
عذرًا على القطعه حصلي ظرف
أنستا | n0vals7
التيك |n0vals3
" لايك تقديرًا ل تعبي "