مـا تـهـون الـعـشـره بـس هـانـت لـك؟

31

يوم الاربعاء قبل ما هجران وجمران يطبون المدرسه بيوم
____________________________________
كايد، رماح، وسهم، ثلاثي الفلس، واقفين عند سور المزرعة يطالعون فوق السطح.

رماح: بالله كيف نطلع فوق ذا؟ وين سلمهم؟

كايد: السلم للصغار، الكبار يطيرون.

سهم: طير لحالك يا باتمان، أنا بدخل من الباب.

كايد (بعصبية): اسكت يا حمار، بنطلع من فوق عشان محد يشوفنا!

رماح (يتحسس الجدار): ياخي خشب ذا، لو طحنا؟

كايد: إذا ما ودك تطيح تعوذ من إبليس، يالله أربّع لي ظهرك.

رماح يربّع، كايد يركب فوقه، وسهم يدفه من وراه، ويالله بالحوسة، كايد يزحف لين ما وصل حافة السطح، ويمد يده لرماح، وبعد جهد وعركة طلعوا كلهم.

سهم (يلهث): خلاص، دقيت العيد، ما بقى إلا أموت عشان دجاجتين؟

كايد: دجاجتين؟ حنا بناخذ لنا غنمة بعد.

رماح: آه آه طحت بمصيبة.

ينزلون للحوش حق الغنم والدجاج، الدنيا ظلام وما يبين لهم شيء، كل واحد صار يشوف بعينه الخاصة.

سهم (يتمتم): ياخي المكان مرعب، أحس فيه واحد يراقبنا.

كايد: اسكت يا خواف، خلنا نبدأ نلقط الأغراض.

كايد يطالع حوله، يلقط له دجاجة، ورماح يأخذ غنمة صغيرة، وسهم يدور شيء خفيف، مد يده لمسك ديك أحمر، لكن الديك شاف عمره في خطر...

"قوقوقوقوقوقووووو!!!!"

الدنيا قامت، والديك يصرخ كأنه انكب عليه ماء حار، كايد ورماح طارو من الفجعة، وسهم جمد بمكانه.

رماح (بهمس وهو يرتجف): تراك فضحتنااااااااا!!!

سهم (ببكاء مصطنع): ما سويت شيء، هو اللي صارخ!!

فجأة، نسمع صوت ناس جايين، العايلة كلها طالعة!! الرجال، الحريم، العيال، حتى الشايب نفسه ماسك عصاه.

الشايب: ويييييين الحرامية؟؟؟

كايد يناظر رماح، رماح يناظر سهم، سهم يناظر الدجاجة اللي مسكها، والثلاثة قرروا بنفس اللحظة:

"نفذ بجلدك!!!"

بس وين تهرب؟ الباب بعيد، والسور مستحيل يرجعون له، وفوق ذا كله، الحريم والعيال مسكوا أغراضهم وبدوا يرجمونهم بالحجار والنعول.

كايد (يحتمي وراء رماح): كفو يالربع، ارجموا ذا الأهبل اللي فضحنا!

رماح (بعصبية): يا عفن، لا تحتمي فيني!!!

سهم (يصرخ): خلاص خلاص استسلمناااااا!!!

(يشرح كلهم كيف كان)

كايد، رماح، وسهم، ثلاثي الفلس، واقفين عند سور المزرعة يطالعون فوق السطح. بس شكلهم؟ الله لا يوريكم:
• سهم: لابس بنطاله بالمقلوب، بلوزة الهلال، وقناعه؟ قناع وجه حصان، بس مقلوب، فوجه الحصان وراه.
• رماح: لابس ثوب مشقق ومسوّي قناع مرعب بس يضحك أكثر مما يخوف.
• كايد: الوحيد اللي شكله طبيعي شوي، لابس ثوب نوم أسود، متلثم بلثام أسود، كأنه طالع من فلم أكشن.
____________________________________
مسكوهم العايله واخذوهم للملحق
المنطقه بعيده بتطول الشرطه على ما تجي فقررو يأخذونهم الملحق