(1) ကျိုးယွီက တန်လို့လား
နွေရာသီဖြစ်ပြီး နေရောင်ခြည်က အလွန်အမင်း ပူပြင်းနေခဲ့တယ်။
"မြောင်~"
သေးငယ်ပြီး ဟောင်းနွမ်းစုတ်ပြတ်နေသော အခန်းကျဥ်းလေးထဲမှာ အိုဟောင်းနေတဲ့ လေအေးပေးစက်ကအလုပ်လုပ်နေပြီး အဟောင်းတန်းမှ လျှပ်စစ်ပန်ကာလေးကလည်း အိပ်ယာဘက်ကို လေတွေ မှုတ်ထုတ်နေခဲ့တယ်။
မီးခိုးပြာရောင်ကြောင်ဝတုတ်တစ်ကောင်က မျက်လုံးတွေကို မှေးစက်ထားပြီး အိပ်ယာပေါ်မှာ အသံထွက်အောင်အိပ်စက်နေခဲ့တယ်။
ခြေသံတွေကိုကြားတော့ ထိုမီးခိုးပြာရောင်ကြောင်က မျက်လုံးကိုဖွင့်ဟလာကာ အိပ်ယာပေါ်မှ ခုန်ဆင်းလာပြီး ခြေကျင်းဝတ်တစ်စုံဆီကို အလျှင်အမြန်ပြေးလာခဲ့တယ်။
ရုန်ရုန် ရေနွေးဓာတ်ဘူးကို လှန်းယူလိုက်ချိန်မှာ သူ့ရဲ့ခြေကျင်းဝတ်ဆီမှ နူးညံ့တဲ့အထိအတွေ့လေးကို ခံစားရတာကြောင့် ခေါင့်ငုံ့ကြည့်လိုက်ပြီး ကြောင်ဝတုတ်လေးကိုပြောလိုက်တယ်။
"ငါ မင်းကိုခေါ်သွားလို့မရဘူး"
"မြောင် မြောင်~"
ကြောင်ပြာလေးက သေးငယ်တဲ့မြောင်သံပေးလာပြီး သူ့ရဲ့အသံက နူးညံ့နေခဲ့တယ်။
ဒီကြောင်ပြာလေးက ရုန်ရုန်ရဲ့နောက်ဆုံးတစ်ခေါက်တုန်းက အလုပ်ဖြစ်တဲ့ လေအေးပေးစက်တပ်ဆင်တဲ့အလုပ်တုန်းက သူ့ရဲ့လုပ်ဖော်ကိုင်ဖက်မှ မွေးစားချင်လားဆိုပြီးမေးခဲ့တဲ့ အကောင်လေးပဲ။
ရုန်ရုန် စဥ်းတောင်မစဥ်းစားပဲ ငြင်းဆန်ခဲ့တယ်။
သူ့ရဲ့ လက်ရှိ ရုပ်ပိုင်းဆိုင်ရာအခြေအနေနဲ့ စီးပွားရေးအခြေအနေတို့က သူ့ကိုယ်သူတောင် အသက်ရှင်ရပ်တည်နိုင်ဖို့ ခက်ခဲနေတာလေ။ အိမ်မွေးတိရိစ္ဆာတစ်ကောင်ကို ဘယ်လိုများမွေးနိုင်မှာတဲ့လဲ။
ဒါပေမဲ့ သူ့ရဲ့လုပ်ဖော်ကိုင်ဖက်က သူငှားတဲ့တဲ့အိမ်က အချိန်ပြည့်နေပြီဖြစ်ကြောင်းပြောလာတယ်။ သူက သူ့အစ်မနဲ့ ယောက်ဖတို့ရဲ့ မိသားစုဆီ ပြောင်းရွှေ့တော့မှာ။ သူ့အစ်မနဲ့ ယောက်ဖရဲ့မိသားစုက ကြောင်မွေးတာကိုခွင့်မပြုဘူး။ ဒါဆို ဒီကြောင်လေးက လေလွင့်ကြောင်တစ်ကောင်ဖြစ်လာတော့မယ်။
![](https://img.wattpad.com/cover/370927885-288-k271271.jpg)
YOU ARE READING
အမြှောက်စာခံလေးက သခင်လေးအတုဆိုတဲ့ ဇာတ်ညွှန်းကိုဖြဲပစ်တော့မှာ!
RomanceAuthor: 折吱 Chapter 146 + 41 Extras