ខេមជូតញើសចេញ បន្ទាប់មកនាឡិកាក៏បានរោទ៍ ព្រោះនេះគឺម៉ោង៨យប់ហើយ " ដល់ពេលដែលគាត់ត្រូវអានសៀវភៅ " គាត់បានគិតក្នុងចិត្ត រួចក៏បោសសម្អាតបន្ទាប់យ៉ាងលឿន រួចដាក់ក្នុងថង់ខ្មៅដើម្បីទុកបោះចោលនៅជាន់ខាងក្រោម ។
ធុងសំរាមនេះស្ថិតនៅក្នុងផ្លូវស្ងាត់មួយក្បែរផ្ទះល្វែងដែលគាត់រស់នៅ។ ផ្លូវទាំងមូលមានតែពន្លឺផ្ទាល់ពីបង្គោលភ្លើង។ កណ្តាលផ្លូវមានតែពន្លឺតិចៗប៉ុណ្ណោះ វាបើក ហើយបិទវិញភ្លឹបភ្លេតៗ ... ដូចឈុតឆាកក្នុងរឿងខ្មោច 💀 ។
បរិយាកាសគួរឲ្យភ័យខ្លាចនេះធ្វើឲ្យខេម ក្រឡេកទៅមើលឆ្វេងស្ដាំដោយមានការប្រុងប្រយ័ត្ន។ មុននឹងបោះថង់ខ្មៅក្នុងដៃយ៉ាងលឿនទៅក្នុងធុងសំរាម ប៉ុន្តែនៅពេលដែលគាត់កំពុងដើរត្រឡប់មកវិញ ចុងកន្ទុយភ្នែករបស់គាត់បានឃើញអ្វីមួយដែលធ្វើឱ្យជើងទាំងពីរឈប់។ ខួរក្បាលដំណើរការយ៉ាងលំបាកតើវានោះជាអ្វី។
ព្រោះតែចង់ដឹងខេមក៏សម្រេចចិត្តងាកមើលវា រូបភាពនោះគឺជារាងកាយរបស់ក្មេងប្រុស ឬ ក៏ក្មេងស្រី គាត់មិនប្រាកដទេ តែសភាពក្មេងនោះ គឺអាវពណ៌សប្រឡាក់ប្រឡូស ហើយអង្គុយឱនក្បាលសម្លឹងទៅកម្រាលឥដ្ឋក្បែរធុងសម្រាមធំ ...
ខេម ដឹងច្បាស់ថានោះមិនមែនជាមនុស្សទេ ព្រោះពេលដើរមក ខេម មិនបានឃើញថាមានអ្នកនណាម្នាក់អង្គុយនៅទៅនោះទាល់តែសោះ។
រោមទន់ៗនៅលើដងខ្លួនរបស់គាត់ងើបឡើងយឺតៗ។ តើមនុស្សឯណានឹងអង្គុយក្បែរធុងសំរាមក្នុងផ្លូវដើរ តែម្នាក់ឯងនៅកន្លែងងងឹតហើយយប់ជ្រៅបែបនេះ! ? ខេមលេបទឹកមាត់យ៉ាងលំបាក មុននឹងដកជើងទាំងពីរដើរទៅមុខយ៉ាងប្រញាប់ប្រញាល់។
តើនោះជាខ្មោចមែនទេ? វាជាលើកដំបូងដែលខេមបានឃើញ តាំងតែពីថ្ងៃដែលគាត់មានអាយុ១៩ឆ្នាំ ។ នៅពេលដែលលោក ខេម កំពុងដើរផង រត់ផង បានពាក់កណ្តាល។ វិញ្ញាណរបស់ក្មេងប្រុសនោះបានងើបក្បាលឡើងយឺតៗ។ បបូរមាត់របស់វាកោងយឺតៗទៅជាស្នាមញញឹម មុនពេលដែលរាងកាយដ៏ស្គមរបស់គាត់ក្រោកឈរឡើង ហើយដើរតាមពីក្រោយខេម។
ចាប់តាំងពីថ្ងៃនោះមក ខេមក៏ចាប់ផ្ដើមជួបរឿងចម្លែកៗថែមទៀត។
* ទីមួយ ក្នុងរយ:ពេលតែមួយអាទិត្យគ្រោះថ្នាក់បីបានកើតឡើងចំពោះគាត់ផ្ទួនៗ វាមិនធ្លាប់កើតមានពីមុនមកទេ ដូចជាដើរសុខៗហើយស្រាប់តែជំពប់ដួល ស្ទើរតែធ្លាក់ពីលើជណ្ដើរ ជាសំណាងល្អដែលនៅថ្ងៃនោះដៃរបស់គាត់អាចចាប់បានទាន់ពេល ។ បើមិនដូច្នោះទេវាច្បាស់ជាកើតគ្រោះថ្នាក់ធ្ងន់ធ្ងមិនខាន។
* រឿងទីពីរគឺខេមចាប់ផ្ដើមឃើញវិញ្ញាណច្រើនជាង…ដូចពេលនេះ។ ខេមដកដង្ហើមធំ ធ្វើពុតជាមើលមិនឃើញ ខ្មោចស្រីវ័យក្មេងម្នាក់ ក្នុងឯកសណ្ឋានបុគ្គលិក ការិយាល័យឈរឱនក្បាលនៅក្បែរមាត់ទ្វានោះ នាងបានឈរបែបនេះបីថ្ងៃហើយ។
នៅក្នុងបន្ទប់មួយក្បែរបន្ទាប់ខេមក៏មានបុរសវ័យកណ្ដាលម្នាក់ ជាមួយកូនប្រុសពីរនាក់។ ខេម គិតថាអាចជាប្រពន្ធម្ចាស់បន្ទប់នេះ ពេលខ្ញុំបានឃើញនាងដំបូង ខ្ញុំស្ទើរតែទទួលស្វាគមន៍នាងទៅហើយ "តើមានអ្វីដែលខ្ញុំអាចជួយបានទេ? ម៉េចមិនចូលបន្ទប់ តែភ្នែកខ្ញុំឃើញថានាងគ្មានជើង... ខេមក៏ប្រញាប់ បើកទ្វារចូលបន្ទប់ខ្លួនឯងភ្លាម ទាំងភ័យបែកញើស។
"កុំ...ធ្វើ...បាបកូនប្រុសខ្ញុំ"
សំឡេងដែលបន្លឺឡើងហាក់ដូចជាខ្យល់ ប៉ុន្តែត្រជាក់ដល់ឆ្អឹងអាចធ្វើឱ្យបេះដូងរបស់ខេមលោតញាប់ ដៃដែលកំពុងដោះសោបន្ទប់ញ័ររហូតដល់មិនអាចគ្រប់គ្រងបាន។
" នាងបាននិយាយថាកុំធ្វើបាបកូនប្រុសមែនទេ?
"តើមានរឿងអ្វីកើតឡើងចំពោះកូនប្រុសនាង?
នៅយប់នោះ ខេមដេកមិនលក់ ព្រោះគាត់គិតតែពី អ្វីដែលព្រលឹងស្ត្រីបាននិយាយ ម្យ៉ាងវិញទៀត ខ្ញុំបារម្ភថាមានរឿងអាក្រក់នឹងកើតឡើងចំពោះកូនប្រុសនាង។
YOU ARE READING
ខេមជីរ៉ា
Vampireក្មេងប្រុសម្នាក់នេះបានកើតក្នុងគ្រួសារមួយដែលត្រូវបណ្ដាសារ ! បណ្ដាសារនោះគឺទាក់ទងនឹងការសម្រាលកូន បើនាងបង្កើតបានកូនស្រីក្មេងស្រីនោះនឹងត្រូវព្រាត់ប្រាស់ពីមនុស្សជាទីស្រលាញ់របស់នាង មិនថាព្រាត់រស់ឬស្លាប់អ្នកទាំងពីរមិនអាចរស់នៅជាមួយគ្នាបានទេ តែបើគ្រួសារនោះបង្...
