﷽
لحِكايتي بداية !
لكن .. بدايتي غَيرُ بداية !
سَنُبحر على الجُرف هذهِ المرة ..
سنلتوي في ثنايا حـكايتنا !
سَتلُـفـنا تِـلـكَ القيـود مُحْاولة إغـراقـنـا ..
لِـنَكـتَـشـف إن تلك القـيـود مِـن حَـريـر !
هَـل سَـتـبـقـى سفـيـنـَتُـنـا تُبـحِـر عـلـى الجُـرفِ أم سَـنُـبـحِـر فـِي عُـمـق البَحَر ؟
عَـلـى بركـة الـلّٰـه نَبـدأ حكـايـتـنـا وَنُـبـحِـر فـي ثَـنـايـاها ...
________________________________
أسـيـر وسـط ظـَلام والـدَم مـالـي الـمَـكان
خَـوف .. رَهـبـة .. قَـلـق .. اصوات غَـريـبة
رُغـم هـالشي بعدنـي مستمرة امشي بهالطريق وما اعرف شنو الشي الي ديخليني امشي بي بدون ما احس
صار كبالي غرفة ديطلع منه ضوة خَفيف مشيت ليمه فتحت الباب صار كدامي رجال ضخم واكف يم شُباك وبأيدة جكارة
فجأة التفت الي وحسيت تقَيدت بسَـلاسـل باوعت لنفسي مُقَـيدة بسلاسل شكله غريب وبنهايته قفل والرجال الواكف كدامي بأيدة مفتاح قترب يمي وعلى وجه ابتسامة غريبة ...
فزيت من حلمي الغريب على صوت عالي جاي من جوة نزلت بسرعة شفت عمي كالعادة يتعارك وية ابوية
سلام :- انتَ غشيتنة المفروض الشركة هم ناخذ حُصصنة منه
قَيصر :- مغشيت احد مو اني القسمت الورث واذا تذكر اصلاً اني مردت يتقسم الورث
سلام :- جان المفروض الشركة تتقسم حصص علينة
قَيصر :- اني بعتلكم حصتي من بيت ابوية وچمَلت فلوس عليه واشتريت الشركة منكم يعني دفعتلكم فلوسه وتنازلتوا عنه برضاتكم مجبرت واحد بيكم ورغم هالشي كتلك يخوي تعال اشتغل وياية وانتَ مقبلت
سلام :- تريدني تالي عمري وشيباتي اجي اشتغل عامل عدك
خلة وطلع من بيتنة يدردم
