﷽
لسان الهوى في مهجتي لك ناطقٌ !
يخبّر عني أنني لـك عـاشـقٌ .
ولي كبد جمر الهوى قد أذابـهـا !
وقلبي جريحٌ من فراقك خافـق .
وكم أكتم الحب الذي قد أذابـنـي !
فجفني قريح والدموع سـوابـق.
عـلـى بَـركـة الله نَـفـتَـح الـبـاب الـخـامـس مـن حـكـايـتـنـا
___________________________
{ اديان }
اليوم خطوبة صديقة طفولتي واختي الي مجابته امي كبرنة سوة وتخرجنة من المدرسة سوة صح اضحك واشاقة ماريد ابينله حزني عليهَّ لأن أرْيـام من الاشخاص المتحب احد يحسسهَّ بالشفقة صحيح ما اكدر اضم حزني عليها شنو ذنبهَّ بهالعمر تتحمل مسؤولية بيت وشغل ودراسة ومسؤولية طفلة وفوك هذا كُلة حتتزوج بعمر صغير بس شنسوي ما بل يد حيلة هذا الي الله كاتبلهيا
كعدنة من الصبح اني وياها ورحنة للصالون بلشوا بيهَّ سوولها مكياج بسيط بس كُلش لايكلها وتسريحة شعر بسيطة حسب طلبها طلعت تخبل ملامحها الهادئة ويا جرة عيونها نطت لمحة كُلش حلوة بلشوا بيَّ طلبت يلمولي شعري ليورة ويطلعون خصل منَ ومكياجي طلبتة خفيف بس الحمرة حمرة ردتهَ لأن فستاني اسود فتطلع حلوة كملت ولبست الفستان مالتي قصير ومنفوش كُلش حلو لبست فوكا صاية وراها اجة ابن عمها اخذنة رجعنة للبيت كعدت أرْيـام على الكوشة وبقيت احضر كم غرض نحتاجة بالعقد شوية وسمعنة هوسة عرفنة جوي وكفت بالمطبخ صارت عيني على الشارع شلون نترس زلم المعكلين والضباط والي لابسين رسمي دخلوا جوة شوية وصار وقت العقد وتم على خير وراها صار وقت التقديم
