﷽
وهـا قَـد عُـقِـدَ القَـلـبُ بالـقَـلـب .
ورَبـط اسـمُـهـا بِـأسمـهِ.
وهـا قَـد تَـقـيـدت أرْيـام بـقـيـود الدَوْسَر !
هـل ستـبـقـى مُـقَـيـدة بتـلـك القـيود ؟
أم سَـتَـكـسـرهـا وتتحرر!
عَـلـى بَـركـة الله نَـفـتـح الـبـاب الـرابـع مـن حـكـايـتـنـا
___________________________
{ أرْيـام }
الشيخ:- بنتي ارْيـام هل تقبلين بالدَوْسَر علي ادهم زوجاً لكِ اذا قبلتي قولي نَعَم وانتَ وكيلي
أرْيـام :- نَعم وانتَ وكيلي
كرر علية الشيخ السؤال 3 مرات وانطيتة موافقتي
رجع سأل الدَوْسَر وجاوبة بهدوء
الدَوْسَر:- نعم وانتَ وكيلي
كاموا يباركون ويصلون على النبي
ام احمد :- يلا تعالي بنتي كعدي على الكوشة راح يدخل العريس
شالوا الشال من راسي وكعدوني على الكوشة التصميم مال القطفان يصير ضيك والردن مالتة نازلة للاكتاف ونازلة على طول الفستان
دخل الدَوْسَر وصاروا اهلة يهوسون ويباركولة باس راس امة واجة علية باس راسي واردف
الدَوْسَر:- الف مبروك الله يقدرني واسعدج
أرْيـام:- الله يبارك بيك
أديان:- تفضلوا عيني حلقاتكم
اخذ الحلقة مالتي لبسنياها وباس باطن ايدي استغربت حركتة بس كلت يجوز سوالف مخطوبين هذي عادي
لبستة حلقتة وجابوا الكيك وكلتة وهو مص من القطع مالتي و وكلنياها
بقى كاعد يمي شوية وراها دزوا علية وطلع
وراها العالم كاموا يطلعون شوية شوية لحد ما خلصوا اجتي اديان عينه بكصته ما اعرف شبيه كلت بعدين اسئله صعدت دا اريد ابدل باوعت اجة مسج على تليفوني رقم غريب
:- لتبدلين انتضريني
عرفتة مستغربت مين جاب رقمي اكيد عندة من زمان اخذة من الملف مالتي بقيت انتضر شوية وصعدتلي اديان
اديان :- تعالي عيني رجلج دينتضرج بغرفة الضيوف
أرْيـام :- اوك جاية
اول مفتحت باب الغرفة حسيت انجريت من ايدي وايد حاوطتني
أرْيـام :- ش شبييك وخرر
الدَوْسَر :- اششش سكتي
بقى حاضني لفترة وراها ابتعد مني لزم ايدي وجرني كعدني على القنفة وكعد بصفي
الدَوْسَر :- ادري بيج وافقتي مجبورة علية واعرف السبب لذلك اني اتقدمتلج حتى اخلصج من عمامج عادي لازم تتعودين علية ونكمل كأي مخطوبين ورة دورة السنة مال اهلج حيكون زواجنة أن شاء الله اما بالنسبة لشغلج عادي ماعدي اشكال تداومين بالشركة بس ما اريد قصور بدراستج نهائياً وهاا نسيت اكلج انفتح التقديم على الجامعات شوفي شنو التخصص الي انتِ حابتة حتى اقدملج علية بالبداية عندي كم شروط واكيد انتِ هم حكلج كم نقطة مهمة عدي وراها كولي نقاطج تمام ؟
طول ماهوَ يحجي اني مصدومة بكل الي ديكولة مجنت متوقعتة بهالدهاء
أرْيـام :- تمام شنو نقاطك
الدَوْسَر :- اول شي اني طبعي صعب ومو كل احد يتقبلة فَـ اكلج من البداية ماحب العناد ولا اللسان الطويل وماحب الي يستغبيني واهم شي ماحب الي يضم علية خلي بـ بالج اي شي يصير وياج تجين تكوليلي اسمع منج احسن ما اسمع من غيرج لأن بوقته ما اضمنلج تصرفي واكو هواية خطوط حمر بحايتي ممسموح لأحد يقترب منه فَـ الي احذرج منة لتقتربيلة لأن بذيج الساعة انتِ الوحيدةالي حتتأذين اما بالنسبة الجامعتج كتلج عادي تداومين بس لبسج أرْيـام لبسج يكون مستور ما اكلج لبسي حجاب لا ما اجبرج لبسي بقناعتج بس لبسج يكون مستور اختلاط ما اريد تمام ؟
أرْيـام:- حجيك تمام ومابي شي بس سالفة العناد واللسان الطويل لا بذولة تعذرني اني من شي ميعجبني محد يجبرني علية لو على كص ركبتي مستحيل اقتنع بي وبالنسبة للسان فَـ اني ما اسكت عن حقي وارد الصاع صاعين بس ب برود
الدَوْسَر :- ماكلج سكتي عن حقج بالعكس اني ماحب البنية الضعيفة بس اخذي حقج بذكاء تمام ؟ وهسة شنو النقاط العدج
أرْيـام :- شوف اني كتلك اني مو من النوع الي يسكت او اخضع للمقابل شخصيتي عنادي وعصبية وما اخاف من اكبر واحد بس عندي اختي خط احمر اني مبقالي احد من اهلي غيره وقبل متموت امي وصتني عليه هاي بنتي قبل متكون اختي والي اريدة منك قبل متهتم بيَّ وتخاف عليَّ تهتم بيهَّ هيَّ وصدكني الي يوصل اله او يمسهَّ بشعراية بذاك الوقت مستحيل اكون ارْيـام الهادئة واهم شي عدي الاحترام والثقة بعلاقتنة اذا نعدموا هذولة الاثنين بذاك الوقت ماكو شي اسمة أرْيـام والدَوْسَر
الدَوْسَر :- هاهية اعتبري تَم
أرْيـام :- زين صحيح ليش يسموك ابو الأدْلَم وشنو معنى اسمك حيل غريب
ابتسم وجاوبني
الدَوْسَر :- اسم الدَوْسَر من اسماء الأسد اما بالنسبة لأبو الأدْلَم فهوا لقب جانوا يسموني بي من جنت صغير ومشة علية وبشغلي اني ختاريت يصيحولي بهالأسم علمود خصوصية شغلي
أرْيـام :- اهاااحلوو
الدَوْسَر :- يلا اني اتوكل محتاجة شي ؟
أرْيـام :- لا سلامتك
الدَوْسَر :- باجر اني امر عليج اخذج للشركة وهسة صعدي رتاحي لأن تعبتي اليوم واي شي يصير خابريني تمام
أرْيـام :- تمام ماشي
ودعني وراح اني هم صعدت سبحت وصليت ونمت كبل لأن حيل تعبانة
