﷽
عَـلـى بَـرَكَـة الله نَـفـتَـحُ الـبـاب الـتـاسـع مـن حـكـايـتـنـا
______________________
{ اديان }
جمدت بمكاني من الكلمة الكالها ابد مجنت متوقعتة يكولها دفعتة عني وطلعت ركض من المخزن واسمع ضحكاتة وراية
فتت للبيت ركض وكفت بالمطبخ الهث خليت ايدي على گلبي اجتي امي للمطبخ شافتني سألتني بأستغراب
:- شبيج ليش وجهج اصفر
:- جنت ادور على نور
:- هياتها نور فاتت
:- ااا اي مو خفت بقيت ادور عليها ملكيتها انهبطت
:- لا هياتها فاتت يمة
:- خوش حاخذها لأريام
شلتها وصعدت يم اريام شفتها متمددة وصافنة على السقف نزلت يمها نور
حضنتها
:- بعد لعوفيني ايام ( بعد لتعوفيني اريام )
:- ماعوفج ياروح اريام انتِ
حضنتها وناموا ثنينهم
عفتهم ونزلت صبينا الغدا للخطار الجايين طبعاً الرياجيل بالديوان والنسوان بالاستقبال كملنة الغدا وصرنا ننقل المواعين للمطبخ والولد يجيبون مواعين الرياجيل وارآم رايح جاي يخزرني ويأشر مدري شبي مهتميت حسيت تليفوني اهتز بجيبي معلن عن وصول رسالة فتحتة جان رقم غريب
:- فوتي جوة بين منكمل نقل لا ابتلي بيج
عرفتة هوَّ مسمعت كلامة مو هوَّ الي يمشي كلامة علية والله يا الله شحاسب نفسة
فات للمطبخ شافني بعدني خزرني خزرة بحيث عيونة صارت بكصتة رفعتلة حاجبي ورجعتلة الخزرة مو اديان الي يمشون كلمتهم عليها
شوية و صارت تتوالة المسجات علية فتحته كلها منَّ وكلها تهديد
غلقت تليفوني وكملت شغل وياهم بحيث ضهري انقسم من الشغل وصيت امي تجيبلي ملابس علمود ابقى يم اديان مو مال اعوفها وحدها
كملنة كلشي وراحوا الخطار كلهم فتت سبحت وبدلت وصعدت نمت يم أريام
حسيت على طكطكة بالغرفة باوعت جانت اريام دتحاول تكوم كمت ساعدته اباوع الكسرة بعينها اريام هذا طبعها من زمان متحب تعتمد على احد تحب تسوي كل امورها بنفسها متحب احد يتفضل عليها او يحسسها بالشفقة على الرغم ابد والله مدا اسوي هالشي بدافع الشفقة اني حاسبة اريام اختي اني لو عدي اخت وحالته مثل اريام اكيد راح اعاملها بنفس الطريقة ويمكن اريام اكثر اهتم بيها اريام مو بس اختي لا قطعة من روحي هاي دائماً تسندني ودائماً تساعدني بوقت ضعفي تكون هيَّ قوتي اريام كُلش قوية عمري مشايفة مثل قوتها وبنفس الوقت كتومة حيل كتومة بمشاعرهَّ كتومة بتفكيرها مخططاتهَّ حتى بدمعتهَّ بحيث لو تموت شنو لو تموت متنزل دمعتهَّ كدام احد دمعتهَّ تصير على رمشها ومتنزلها و بكلشي حرفياً بحيث بالمدرسة جانوا من تتعارك ويا احد وراهَّ متتطي اي رد فعل هواية يكلولها ماعدج مشاعر انتِ ؟ جانت تضوج وتنقهر بس متبين لأحد هالشي الله يعين الدوسر على مزاجيتها المهم ورا مساعدته تكعد على الكرسي المتحرك اخذتها للحمام على الرغم من رفضها بس مدرتلها بال كملت ورجعتها لفراشها
:- كُلش اشكرج اديان دا اتعبج
:- انجبي عزيزتي اختي انتِ لعد شنو واجب الاخت اذا اختها وكعت بشدة ؟
:- احبج تينة
:- تينة بعينج كم مرة كايلتلج ما احب هالدلع !
:- اوي اسمج مابي دلع وبعدين تتذكرين من جنى صغار شكد جنتي تبوكين تين من شجرة جيرانة وجانوا جهالهم يفترون وراج ويصيحوج تينة الحرامية !
:- هههههههههههههه اي اتذكر حتى مرة فشكت ابنهم بحصواية بحيث كمت من افوت من يمهم الكاهم همَّ حاطيلي جيس التين كاموا ميتعبوني
:- هههههههههههههه اي اتذكر
بقينة اليل كُلة نسولف اني واريام ساعة نتذكر طفولتة ونضحك ساعة اريام تتذكر اهلها وتسكت وهيج كضينا الوقت لحد ما نمنة بدون منحس
________________________
