﷽
عَـلـى بَـرَكَـة الله نَـفـتَـحُ الـبـاب الـسادس مـن حـكـايـتـنـا
_____________________
{ اديـان }
بَعد ما خلصت خطوبة ارْيـام ورجعنة لنفس الروتين الحدث الوحيد الي صار انو اخو الدَوْسَر زوج ارْيـام تقدملي ورفضت لأنو بعدني صغيرة ومو كدّ المسؤولية بس لاحضت بهالفترة اكو شي غريب ديصير يعني مثلاً اروح للأسواق احس احد ديمشي وراية اندار ما الكة احد غلست عن الموضوع كلت دا اتوهم لحد ما طلعت للأسواق اجيب كم شغلة أمي وصتني عليها ماحس غير وصلة صارت على وجهي ضليت اقاوم لحد ما بديت افقد الوعي آخر شي حسيت احد شالني وخلاني داخل سيارة ورا وين حسيت بديت استعيد وعيي كمت بفزع من شفت اكو شخص كاعد كدامي على كرسي وديدخن من شافني كعدت ابتسم بخبث وكال
:- Good morning my beauty
(صَـبـاح الـخـير جَـمـيلتي)
اديان:- خيررر شكوو خاطفني ؟ عندك عداوة ويا ابوية ؟ لو تريد فلوس ؟ لو تبيع ثقافة براسي والله خطفتج علمود اراويج اني اعرف انكليزي ؟
شو هذا طكه بضحكة عالية صفني شبي هذا شاخط ؟
