﷽
حـاوطـتُ قَـلبـي بـقـيود !
لتُـكـسر وتَـلُف ذاك العود .
لتـتـحول من قـيـود انـتـقـام الى قـيود هـوس !
نعم .. انا العاشق .. المهووس .. الأسر
عَـلـى بَـركـة الله نَـفـتـح الـبـاب الـثـالـث مـن حـكـايـتـنـا
_____________________________
{ أرْيـام }
صدمني بصراحة عمو بهاء بهذا القرار فكرت من ناحية مستحيل اخضع الهم وانطيهم اليردوا ومن ناحية نائل ابن عمو بهاء خوش انسان مبدر منَ شي سيء كلت افكر احسن شي وما استعجل بالموضوع
أرْيـام :- خليني افكر ورجعلك خبر عمو
بهاء :- على راحتج بنتي فكري ومحد يجبرج
رجعت لغرفتي اتمدد وافكر شلون راح اكدر ادير الشركة ؟
راح اوازن بين اختي والشركة والدراسة ؟ نائل شسوي بموضوعة ؟
حايرة بيا موضوع منهم افكر قطع سلسلة افكاري صوت التليفون
أديان :- خاب وسم حضرتج وزير التربية واني ما ادري ادك عليج من الصبح ليهسة ماكو عبالي فطستي
ابتسمت على سوالفه
أرْيـام :- موجودة بس طلعتلي سالفة صفح بالأحرى مو سالفة وحدة سوالف
أديان :- شنو شكو
أرْيـام :-اول خبر راح ابلش ادير الشركة مال بابا
اديان:- اييي وتصيرين بزبز وومن وكذاا ويصيحولي صديقة ام البزبز الله
أرْيـام :- اسمه Business woman مو بزبز
اديان:- استجني ماما استجني ام الثقافات والخبر الثاني شنو
أرْيـام :- عمي خطبني لأبنة نائل
اديان :- شنييييييييي نائل ماغيرة ابو الوسخ الي راسة مدوحس الي جنة زرزور مهلسسسسسسس اوكفففي خلي البس نعالي واجيج هاي سالفة يرادله كعدة
ضحكت على رد فعله وسديتة منه والله مطولت 5 دقايق وسوت هجوم على الغرفة ووبيده خيارة تكرط بيهَ
اديان:- اغط راسج بالتواليت اذا سويتيه و وافقتي على نائل ابو الوسخ
أرْيـام :- هسة اني وافقت علية بعدين براسي موال وارد اغني
اديـان :- ممرتاحتلج سولفيلي الموال الي براسج
__________________________
خَـلصـت شـغـل الشركة رجعت لبيت اهلي اتفقنة نروح يشوفون أرْيـام اذا محتاجة شي وهم تغير من نفسيته بحكم علاقة والدي القوية بيهم بسبب الشراكة اليبينهم ومنه علاقتهم صارت قوية بالغالب والدي و والدتي يرحولهم بالعزايم بس بعد مسلمني والدي الشركة وبحكم العمل صرت اروح يمهم لمحته كم مرة بس هيَ مشافتني مصار حديث مجنت اعرف انو راح احبهَ من هالكم لقاء
