﷽
عَـلـى بَـرَكَـة الله نَـفـتَـحُ الـبـاب الـسابـع مـن حـكـايـتـنـا
_____________________
{ أرْيـام }
فتحت الباب شهكت بخوف من المنظر الكدامي جانوا ثنين ملثمين اول مافتحت الباب خلوا وصلة على وجهي ضليت ادفع بيهم وادفر بس لاحياة لمن تنادي مخفت على روحي بكد ما خفت على نور ليروحون يسوولها شي من شافوني اقاوم وكطعت النفس ضربوني على بطني حييل شهكت بألم وراها محسيت على شي
ورا مدة حسيت على مطبات السيارة ورجعت فقدت الوعي
ورا مادري شكد بديت استعيد وعيي فتحت عيوني بس بعدة الضلام مستحلني عرفت انو سادين عيني ومقيديني على كرسي ما اكدر اتحرك وريحة المكان تلعب النفس صحت بعلو صوتي
:- ويييييين انيييي وييين ماخذيييني اكووووو احدددد هناااااا
ضليت اصرخ حسيت صوتي راح من العياط شوية وسمعت طكة المفتاح وصوت اقدام بالغرفة شوية واجاني صوت شخص
:- اووووو زوجة ابو الأدْلَم منورتنا عرف يصيد خوش صيدة
أرْيــام:- حقيييييير شتريييد مني انتتتتَ
:- جؤ جؤ ممتفقين هيج لتستعجلين على رزقج خليني هادء وياج حالياً خلي نشوف السبع مالتج شحيسوي
أرْيــام:- نصيحة لوجه الله رجعني احسلك لأن السبع مالتي الي متهاون بي يشك حلكك اذا لكاك
طكها بضحكة قوية وكال
