واني اكل واتصفح بالتيك توك
طلعلي مقطع مال تاروت (اضمر نيتك على شخص وشوف مشاعره)
ورحت بحثت عن القناه باليوتيوب بعد ما لكيته شفت مكتوب اختار حسب اول حرف من اسم الشخص الي ابالك
اختاريت M♡
ام التاروت: هل شخص يحبكم ومستعد يضحي علمودكم بس يخفي عنكم شي
شي يخصه هو خايف اذا عرفتوا هل شي تتخلوا عنه لذلك تشوفوا مرات يكذب عليكم ومرات يخفي الحقيقه وينكرها تماما
يحبكم لكن احذروا منه.
المقطع الثاني جان (حط نيتك على سؤال وشوف جوابه نعم او لا)
جان اكو تلث اوراق تاروت
خليت على كل وحده نيه
اول ورقه نعم
ثاني ورقه لا
ثالث ورقه لا
«هو يحبني بس ماراح يتزوجني ولا راح اصير دكتوره»
(استغفر الله ربي مستحيل اصدك ذن الخرافات كلها جذب شنو يحبني شنو نا يتزوجني شنو عنده سر ضامه عليه
بس دقيقه هو صحيح ينكر الاشياء الي يسويها
معقوله صدك كلامها؟!)
*اللهم اني اوكلك امري.
(كمت غسلت مواعيني ولكيت كيكه بالثلاجه
كعدت اكل وافكر
بدت تجي افكار انو ادخل الغرفته افتشها
بس لا مستحيل
هو لحد الان ما انطاني كلمه مضبوطه او اعتراف صريح
حسيت كلها جانت مجرد تلميح
وبعدين اني ما اصدك بالحب من اول نضره
واول نضره النه تعاركنه
حبيش هذاا؟)
.........
الام: ها يمه شو كاعده بره؟
_ ها هلو ماما اجيتوا
الام: لعد شنو تشوفين؟
_ اعصابج ماما شعجب ما تعشيتوا ابيت عمهم.؟
الام: اجيت اشوفج وارجع عفتهم يسوون عشه والله لو تجين يمه شلون يسولفن هم تعلمي شويه سولفي نفس النسوان
وتعلمي اطبخي.
_ يمعوده يا طبخ خليني حايره بضيمي.
الام: ها شبيج؟
_ كتب ما عندي اقرا وواهس هم ماعندي
صوجي عدت تلث سنين علمود يصيحولي
دكتوره عمي صيحولي انتم بالبيت وخلي ارتاح 😹.
الام: يله عمي امرنه لله دكتوره ازهار تجين لو تبقين هنا؟
_ لا ابقه اكلج اذا اريد اسوي عشه شلون اسوي وشنو اسوي؟
الام: المن تسوين؟
_ كلت البابا من يجي.
الام: ابوج يتعشه ويه الزلم هناك شعنده جاي.
_ ها؟
الام: ها تجين لو تبقين؟
_ لا ابقه
الام: يله لعد عود اني ادزلج عشه بيد واحد من الجهال.
_ لا ما اريد اكلت اندومي.
أنت تقرأ
ستكونين عروسي في الجنة
Roman d'amourطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
