سماوه: يلا حبيبي اكعدي وصلنه.
_ وين؟
سماوه: وين شنو غير للبيت.
_ بعدني نعسانه.
سماوه: اي نامي جوه.
_ مابيه اكوم تعبانه كلش.
سماوه: اي ولا يهمج بس سوي نفسج نايمه واني راح اشيلج واصعدج.
_ لا لا راح اكوم
سماوه: شبيج ادري ضاربج طلقه؟
_ سماوه حبيبي اني اكوم.
سماوه: شنو؟
_ اني اكوم.
سماوه: لا الي قبلها شنو گلتي؟
_ شگلت؟
سماوه: باع الثول يالله ولج اني اسئلج شنو گلتي؟
_ هاي شبيك شگلت والله نسيت.
سماوه: انسي يبعد روحي.
_ لا احجي بربك شنو گلت؟
سماوه: خرب حضك سماوه يعني كلامج وتنسي شبيج حبيبي؟
_ اكلك تره بس اني اسميك سماوه حتى انتَ ما يحقلك تسمي نفسك اوڪِ؟
سماوه: اي حبيبي متفقين.
_ اي عفيه.
«نزلنه من السياره ودخلنه للبيت
لگينه ابو سماوه وعلي كاعدين بالصاله
اما حيدر وزوجته طالعين
وفاطمه يم يسر الحقيره النذله»
_السلام عليكم.
ابو سماوه: عليكم السلام ولو ما عليج سلام.
_ ليش عمو شنو مسويه؟
سماوه: بابا مو وقتها.
_ لا ليش مو وقتها احجي عمو شنو مسويه؟
سماوه: ازهار اصعدي فوگ وشوفي اختج وين خلي اروح تره تعرفين ورانه كومه شغل.
_ اي اعرف بس گلي شنو مسويه حتى اذا غلطانه اعتذر واذا مو غلطانه اخذ حقي.
ابو سماوه: ليش هيج مسويه ابنت اخوي؟
يصير هيج تضربيها وتكسرين خشمها؟
يصير برئيج مو عيب أنتِ جبيره وتفتهمين شلون هيج تسوين بيها وبمكان عام؟
_ ها هنا الحجي والله عمي سامحني غلطت
المفروض اكسر راسها مو خشمها.
سماوه: ازهار اصعدي فوگ.
_ ليش اصعد خلي اوضح خطأي.
سماوه: ازهار كلامي ما اعيده اصعدي فوگ.
أنت تقرأ
ستكونين عروسي في الجنة
Romanceطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
