دخلت الغرفه الاشعه عدلوا كعدتي وسدوا الباب وكالوا لا تتحركين وراها بشويه فتحوا الباب طلعوني وكعدوني على نفس الكرسي صاير بالباب مال غرفة الاشعه جنت انتضر الاشعه وانتضر بابا
انتضرت وجاوبولي الاشعه كالو بعد بس الدكتور يشخص
_بابا وين جنت؟
الاب: شبيج منين وكعدتي ادري شبيج ثوله
_ بابا لا تصيح عليه تره الدمعه بطرف عيني.
الاب: شصاير مدكليلي؟
_ بابا هذا الحقير خله البنات يحجن عليه واني رحت ركض وعثرت وفوكاها جابني هنا وهو شايلني وتعارك وضرب ابو الاشعه واخذوا للسجن.
الاب: ليش تعارك ولج؟
_ هاي الي همتك؟ ماكلت شنو سوه وخله البنات يحجن عليه بسببه رجلي هسه مكسوره مدري شبيها.
الاب: بابا ادري بيج اللسانج طويل واني وصيته عليج كتله دير بالك عليها، يله هسه تعاي نروح للدكتور.
_ ما اكدر امشي جيبلي عربانه وادفعني
الاب: يله تمام.
«راح بابا يجيبلي عربانه ما اعرف اسولفله على الغزل مالته وشلون يحجي وياي؟ بس خاف تصير مشكله ويتعارك بابا ويه صديقه بسببي؟ اوففف هسه شسوي؟
والله يستاهل كون مؤبد يارب.»
الدكتور: أنتِ الي قبل شويه زوجج ضرب الاشعاعي؟
الاب: لا دكتور بنتي ما متزوجه.
الدكتور: لا هي قبل نص ساعه دخل وهو شايلها اتذكر زين.
الاب: ها ازهار هو؟
_ اي.
الاب: لعد شنو زوجج؟
_ هو كال هيج للشرطي حتى يبقه وياي بس الشرطي ما قبل واخذه.
الاب: ها دكتور بشر.؟
الدكتور: ما بيها شي هيج رضوض بسيطه
ترتاح اسبوع لازم ما تمشي عليها.
الاب: ان شاء الله دكتور، شكرا.
الدكتور: اهلا وسهلا.
_ ها بابا شوف كتلك ما اريد اروح لو ما رايحه جان هسه كلشي مابيه.
الاب: خلي اوصلج للبيت واروح للمركز اشوف مثنى.
_ ايعع والله متروح خلي يولي بلكت مؤبد.
الاب: والله اذا سمعتج حجيتي عليه مره ثانيه ازوجج ابن عمج.
أنت تقرأ
ستكونين عروسي في الجنة
Romansaطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
