_ الي مو عاجبة ليضل يلغي يتفضل يطلع بره وخلي يشوف المحاضره على اليوتيوب
كلامي صح ام الاحمر؟!
_ اسمي ازهار مو ام الاحمر.
واني هيج فارغ اتذكر اسمج؟
_ واجبك كأستاذ خصوصي تذكر اسمي.
حلو! منو كال؟ اكدر اعرف؟
_ مدافعتلك فلوس حتى دكلي ام الاحمر او حتى تطردني لان حجيت ويه صديقتي.
قصدج دافعتلي فلوس حتى اسمع سوالفج عني ودكولين الصديقتج منو تزوج هذا الطنطل؟!
_ عزاا سمعت؟!
ياا ليش عيني عزا؟ اي سمعت وهسه تفضلي برا.
_ ما اطلع اني دافعتلك فلوس ما مدرسني مجاني.
حلوو يعني تردين تعانديني؟
_ منو كلك احب العناد؟
لا واضح متحبي، اذا أنتِ عنوديه فأحب اكلج اني راسي يابس.
_ معلومه متهمني.
والله اني اشوف تحتفضين بيها لان بعدين تستافدين منها.
_ هه.
ممكن اعرف شنو الي يضحك؟!
_اممم هيج بس ما احب افشلك كدام طالباتك فلذلك راح اطلع.
ها يعني تسوين فضل عليه؟
_ امم تكدر دكول اي هه.
شوفي ورقه مدري زهره مدري شسمج مو اني الي يسوون فضل عليه فهمتي؟!
_ هه حلوه هاي الحركه مال مسوي نفسك ناسي اسمي استاذ.
شسمج كتيلي؟
_ اممم بكيفك هو اصلا مراح تنسه اسمي يله باييي.
«طلعت وسديت الباب بقوه
عساس شنو ميهمني كلامك واني بس اريد ابجي اهئ اهئ اهئ والله كله الي صار بسبب صديقت امي بسيطه اتصل على امي واسولفلها شنو سوه بيه هذا العار اني اترزل بسيطه »
_الووو.
الام: الوو ها ماما.
_ يعني كتلج ما اريد ادخل خصوصي كيمياء كتلج اقراها بالبيت حالها حال بقيه المواد بس كله من وره صديقتج دخليها يمه وخوش استاذ وكامت تصبغ بهذا الطنطل.
الام: دقيقه يمه شبيج تره أنتِ ضعيفه بالكيمياء وهاي ثالث سنه الج بالسادس وتردين طب عام غير المصلحتج وقابل المره ضربتني على ايدي هي اقترحت عليه وكالت خوش استاذ.
_ معليه والله ما اريده تعالي اخذيني هسه بعد ما ادخل محاضراته تخيلي طردني من اول محاضره وفوك هذا كله يكلي شسمج ورقه؟ شنو شايفني خضره💔 .
الام: هههههه ورقه يله شبيها الورقه مصدر الغذاء للنبات.
_ اهئ اهئ يمهه ليش تضحكين أنتِ هم صرتي ضدي؟
أنت تقرأ
ستكونين عروسي في الجنة
Romanceطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
