كمت ونضفت المكان
اني اعلمك سماوه شلون تعوفني وحدي
اتصل اصالحه لهذا الخبل ما اتحمل زعله
والله كل شي بي حلو بس ليش ينكر؟
ليش ما يصدگني؟
ياريت بيتهم بي كامرات.
فاطمه: السلام عليكم شلونج ازهار.
_ هلا فاطمه الحمدلله تمام أنتِ شلونج؟
فاطمه: الحمدلله، اكلج مثنى اتصل عليه
وگال تجين وياي البيت عمي.
_ ليش؟
فاطمه: ما اعرف هو اتصل وگال ازهار وحدها بالبيت اخذيها وياج
لان وقت عشه وما تعرف تطبخ وتخاف تبقى وحدها.
_ صدك هو اتصل وهيج گال؟
فاطمه: اي والله.
«يابعد روحي سماوتي شحبك»
_ما اروح مو يسر هناك شعندي رايحه.
فاطمه: ازهار عوفي هاي السوالف وتعاي وياي.
_ لا حبيبتي روحي أنتِ هو اصلا اليوم ارجع للمستشفى
فأريد اجهز الغراض.
فاطمه: شيخلصني من مثنى اذا عفتج.
_ليش؟
فاطمه: ليش شنو على اساس ما تعرفين
المهم يلا تعاي وشويه ونرجع اني وياج
ونجهز الغراض سويه.
_ ومثنى يجي؟
فاطمه: اي يجي واذا نحبين اتصلي عليه واسئلي.
_ لا اني شعليه بيه حتى اذا ما اجه بس هيج سؤال.
فاطمه: لو اعرف ليش تكابرون؟
شنو مسوين غلط اشو يحبج وتحبي بعد شكو؟؟
_ لا يمعوده يا حب.
فاطمه: ازهار العيون بعمرها ما جذبت.
_ يعني شنو؟
فاطمه: يعني من تلتقون ترسم گلوب بعيونكك وكل هذا وتكابرون المهم هسه يلا روحي البسي عباتج وتعاي.
_شنو عباه شنو؟
فاطمه: لعد شتلبسين؟ تره مثنى گال خلي تلبس عباه.
_ شنو غير ابدل واجي؟
فاطمه: والله يا عيني هذا مثنى هيج گال
لان تعرفين هناك ولد عمي.
_ وشعليه اني بيهم؟
فاطمه: باعي أنتِ ما تعرفين عائلتنه
احنه ماعدنه زلم تكعد وحد والنسوان وحد
لا كلنه عائله وحده بس شنو النسوان كلها تلبس عبايات هيج فهمتي؟
_ اي فهمت بس هذا ستايلي يعني ليش اغيره؟
فاطمه: لازم تتماشين ويانه مو صح؟
أنت تقرأ
ستكونين عروسي في الجنة
Romanceطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
