« هسه المشكله خاف اتصل وتصير سالفه
وهم لازم اشرحلها
وبعدين اگص ايدي اذا وحده مهتمه النه،
هسه بابا شبيك دوزع الورث عليهن شجاك
اوكِ ازهار تشجعي واتصلي
دخيلك ربي گلبي راح يوكف
نوب حتى رقمها راح
هذا لكيته (عمتي رباب)
.....
_ الوو(بصوت خايف ومتردد)
عمتي: الو منو؟
_ هلاو عمه شلونج؟
عمتي: هلو منو وياي؟
_ اني ازهار شنو عمه حاذفه رقمي؟
عمتي: لا هلا ولا مرحبا خخير؟
_ هيج ترحبين ابنت اخوج؟
عمتي: منين اجه اخوي؟
_ شوفي عمه اعرف ابوي غلط بحقج وبحق
عماتي بس والله عمه لا اني ولا اخواني ولا حتى امي النه علاقه بالعكس احنا نحبجن ونحترمجن يشهد ربي.
عمتي: شوفي اني لا عمتج ولا اعرفج ولا تعرفيني خوش؟
_ عمه جايتج بطلب فدوه اروحلج لا ترديني.
عمتي: أنتِ تفهمين شجاي احجي؟
_ اي افهم والله افهم
بس عمه والله احنا واكعين بمشاكل
مو مشكله
ومحتاجه مساعدتج فدوه.
عمتي: ما اريد اتشمت بس تستاهلون،
هي مو قحط فلوس الورث بس تصرف ابوج
وشلون هيج نكر وما فكر بأخواته
للاسف ردانه سند
اني هم احتاجيت ابوج وما وكفلي
على اي اساس هسه تردين اوكف وياكم
مشاكلكم هاي حوبتي وحوبه اخواتي.
_ يعني هسه أنتِ تشمتين؟
عمتي: لا مو شماته وهسه يلا كافي لا اريد احجي وياج ولا اريد اساعدج بشي.
_ عمه(لا اراديا نزلت دموعي)
اجيتج وما توقعت ترديني أنتِ تدرين اني الجبيره
وكل المشاكل هاي اني حرت بيها
والله عمه يشهد ربي تعبت
الف فكره براسي
عمه فدوه الگلبج بس اوكفي وياي والله ما عندي احد.
« لزم ايدي سماوه وگال بصوت تعبان وناصي: اني وياج،
باوعت عليه والدموع ماليه عيني بلحضه
نسيت كل اللي سواه
بلحضه نسيت كل العصبيه وكل الحقد اللي حقدته عليه
نسيت كل شي واني اباوع بعيونه
اخذ الموبايل من ايدي وسد الخط
وگال: اني يمج ابد لا تتوسلين بأحد حتى يساعدج لو مهما كان هل شخص قريب
وابد لا تطلبين مساعده
اني يمج كل شي يصير نحله سويه
اني ما حبيتج حتى اخلي دمعتج تنزل
ولا حبيتج حتى اخونج واسوي علاقات
ولا حبيتج حتى اعوفج اصلا
مستعد ابقه كل عمري وياج وانتِ ما تحبيني وانتِ ما ترديني
مو كرامه ما عندي بس احبج
صدكيني ازهار اذا بيوم لكيت احد يحبج بكدي خوش
بكدي مو اكثر من حبي اني مستعد اتنازل عن حبي
ومستعد اني بيدي
احط ايدج بأيده
وعد مني
ووعد الحر دين خوش يأنفاسي؟
أنت تقرأ
ستكونين عروسي في الجنة
Romanceطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
