«اني كاعده بالاخير وهو يشرح يباوع عليه
جانت عيونه تبتسم اي كدرت اشوف ابتسامه عيونه واني عيوني بيها دمعه بس الكرامه؟!
ما كدرت ابجي
دنكت راسي عساس اكتب بالدفتر»
باوعي عليه
عليه وبس وعوفي الدفتر
مراح امسح السبوره.
_ اني متعوده اكتب ويه الاساتذه.
اي هاي ويه بقيه الاساتذه اما اني لا
اريدج تباعيلي.
_ ما افتهم هيج.
عادي، بعد احسن اذا ما فهمتي.
_ شنو بعد احسن؟
ههه انتبهي هسه واذا ما فاهمه شي وره المحاضره اشرحه.
_ شكرا، اذا ما فاهمه اكو يوتيوب.
لعد اني هنا شنو؟
_ يعجبني اقره على اليوتيوب عندك مانع.
كتلج مانع ماعندي تلكين بالصيدليه.
_« شهل انحطاط؟»
انتَ ليش تفهم قصدي غلط؟
يعجبني هيج افهم.
طالبه: استاذ عفيه كمل شرح ورانه بعد محاضرات.
سماوه: تمام بس كولوا الام اللسان لتحجي.
طالبه: عفيه ازهار كافي كلام.
سماوه: سمعتي زهرتي؟
«رافع حاجب ويبتسم
اني متأكده مو صاحي مريض هذا والله،
وبعدين هو الي حجه وياي اني شعليه؟»
_وره نص ساعه خلصت المحاضره الكشره.
سماوه: يله عيني طالبات خلصت المحاضره
اخذوا راحتكم.
«واخيرا»
ازهار ابقي.
_ ليش؟
اني اوصلج للبيت، هسه خلي اعيدلج الشرح كله.
_ كتلك ما فاهمه حتى تعيدلي؟
يعجبني اعيد.
_ شكرا،
فاهمه اريد اروح تره مو بس كيمياء.
عادي اذا تردين كلها اشرحها الج المواد.
_ كتلك شكرا.
شدعوه هيج معصبه؟
_ يله باي.
براحتج.
« طلعت وسمعت البنات يسولفن عليه
: عزاا ولج شفتي شلون تحجي وياه ولا عبالك استاذ وهو شلون منطيها مجال.
. اي عيني لا والمحاضره كلها شلون يباوع عليها عبالك بس هي بالقاعه.
: تخيلي نص بنات المعهد مكرشات عليه
خطيه خسرنه😂😂.
. ولج وهو صدك صاك يخبل طول وعضلات واسمراني وعيون حاده غير يموت نوب لابس اسود والله لو ما مرتبطه واحب ابو صماخ جان كرشت عليه وطكيته بسحر اجيبه يسوه والله حلو.
أنت تقرأ
ستكونين عروسي في الجنة
Roman d'amourطالبه سادس تدخل خصوصي كيمياء بالاجبار من اهلها هل راح يندمون الاهل على قرارهم؟ وهل راح تحقق حلمها الي عادت علموده ثلاث سنوات بالسادس؟ قصه رومنسية 🤍 بطلها مثنى و ازهار 🌝🫶🏻
