احببت سعودي ولكن!

part 1

الشخصيات الرئيسيه بالقصه

♕البطل.... فهد (سعودي)
طويل عيونه وساع عسلي وهو اسمر ويحب يضحك دائما روحه حلوه ومرح وحيانا يكون عصبي
العمر 27
عائلته 
ام فهد (نوف) العمر 50
ابو فهد (عبدالله) العمر 62
اخو فهد (بدر) العمر 25متزوج وزوجته ( مريم)  عمرها 24
خوات فهد (ريما) و(جواهر) توام العمر 20

ــــــــــــ♡ــــــــــــــــــــ♡ــــــــــــــــــ♡ـــــــــ
♕البطله..... صِبا (عراقيه)
قصيره عيونها حلوه ومسحوبه ولونها عسلي فاااتح بشرتها بيضا ودمها عسل وضحتها كلش حلوه شعرها كلش حلو وطويل
العمر 21 متاخره عن الدراسه بسبب الاوضاع الي بالبلد

عائلتها

ام صِبا (اسماء)  العمر45
ابو صِبا (خالد) العمر 50
اخو صِبا (احمد )  العمر 26
عم صبا (صالح) العمر 55 يعشق صبا وبناته  وكلشي يطلبنه حاظر وتم وكان صديق لهن مو اب وعم
زوجت صالح:  هند العمر 50 قلبها طيب جدا وحنونه
بنات عمها (غفران23، اميرة21، منار20)
اولاد عمها طلال25 و زيد 24

الاصدقاء
صديقة صبا (نور)  العمر 20  متزوجه متاخره بالدراسه
صديق فهد (محمد) زوج نور 24

باقي الشخصيات تتعرفون عليها بالقصه
ــــــــــــ♡ــــــــــــــــــــ♡ــــــــــــــــــ♡ـــــــــ
رجعت من الجامعه للبيت جاء ابويه ياخذني
(خالد ابو صبا)

خالد : ها بنتي شسويتي اول يوم بالجامعه...

صِبا: هلا بابا  كلش حلوه اصلا اول يوم كنت خايفه بس بابا حسيت كلشي ما فهمت اليوم
خالد: الله كريم بعد اول يوم قولي يا الله

صِبا: ونعم بالله الله كريم

رجعت للبيت اكلت ونمت لان كنت كلش تعبانه
صحتني امي(اسماء) قدام المغرب

اسماء: كافي نايمه الدنيا مغرب كومي كافي

صِبا:  اي بس شويه

اسماء:  كعد احجي معاج كومي

صبا:  اي كمت
كعدنا تعشينها ورحت ل بيت عمي مع ابويه وامي

عمي احمد:  ها صِبا بشري شلون الجامعه
صِبا هلا عمو:  كلش حلوه

احمد: اي حياتي بس انتبهي من الناس لا تثقين باحد وما اوصيك بنتي بنتي

صِبا: هذا هو عمي ان شاء الله ما يصير الا الي يرضيكم.

احمد:  ان شاء الله بنتي

تونسنى انا وبنات عمي ( غفران واميره و منار)
كانت عفران اقرب وحده مني.

وبعدها ابويه قال يلا بنتي نمشي كافي وراي شغل الصبح

رجعنا للبيت ونمنه  كعدت اصبح اترتبت 
طلعت  للجامعه
ابويه راح للدوام
وامي بقت بالبيت

وصلت الجامعه كنت قاعده وحدي لان صديقاتي كل وحده صارت قسم خاص انا طبيبه جلديه و دنيا هندسه  وهند طبيبه نساء
واجت بنت قعدت يمي كانت البنت وجهه فيه قبول ما شاء الله
نور:  السلام عليكم
صِبا: وعليكم السلام ورحمة الله
نور:  ممكن اقعد
صِبا:  اكيد قلبي اتفضلي
نور:  شفتك قاعده وحدك قلت اجي معاج لان حتى انا وحدي
صِبا:  هلا  بيج حياتي المكان مكانج
.
.
.
واخذتنا السوالف وكعدنا نحجي
تعرفت عليه كانت كلش حبابه ومؤدبه
وعرفت انها متزوجه وزوجها معها بنفس القسم ولكن بغير مرحله كان مرحله رابعه وانا وهي مرحله اولى اسمه محمد وكلش هادئه البنت
رجعت للبيت وكان نفس الروتين اكل وشرب ونوم اكل وشرب ونوم..... 
...

بعد مرور اكثر من شهرين على الجامعه ودوامي والروتين المعتاد
وتطورت علاقتي ب نور  وصرنا نطلع ونروح سوى ونرجع سوى
نور:  صِبا ما تجين نطلع نتونس وين نطلع معرف اشوف
صِبا: والله معرف يمكن ابويه ميخليني اروح اخذ اذنو واني اخابرج
نور:  تمام قلبي
رجعت للبيت وكنت كلش تعبانه وشفت عدنا ناس اقاربنا من بعيد بس معرفهم كلش
صِبا:  هلا ماما شاكو اليوم ليش جايين
اسماء:  روحي ماما بدلي وتغدي غداج بالثلاجه وتعالي
صِبا:  تمام
رحت بدلت و طلعت يم الضيوف
اسماء:  صِبا ما اتغدين
صِبا: ما اكل ماما اكلت مع نور بالجامعه
قعدنا اني والبنات نحجي سوى اتونسنى كلش
سئلوني عن اخباري وعن الدراسه
اسماء:  يمى تعرفين ليش اجو؟ 
صِبا:  لا ماما خير ان شاء الله
ام ناصر:  يمى اجينا نخطبك توافقين؟ 

التكمله في الجزء الثاني لان احس صارت طويله....  اكمل ولا لا؟