ام ناصر: يمى اجينا نخطبج اتوافقين
ونحن ابنا ما شاء الله عليه دارس واصل ومثقف والاهم من هذا هو يحبج ورايدج
صِبا: اولا شي هلا بيكم والله خاله نفس ما كلتي ابنج ما شاء الله عليه مثقف و واعي
بس خاله والله هسه مو بنيتي زواج ابد وتعرفين انتي اني طالبه وملتهيا بدراستي وشايله من راسي فكرت الزواج نهائيا
ام ناصر: والله اعرف يا بنيتي بس ناصر موافق على كلشي تطلبينا و نحن هم اهلج كملي دراستج وتوضفي محد يوكف بطريقج والي تريدي يجي الى عندج بس وافقي انتي
صِبا: والله خاله اعرفكم خوش ناس وما بيكم اقصور وابنج خاله الف وحده تتمنى والكل يريدو بس والله يا خاله مو مستعدى هسه ابدا والزواج مسؤليه وعائله وزوج واطفال وهسه
ام ناصر: الف وحده تتمنى ابني بس هو يريدج انتي وما انريد جواب هسه فكري بعد واخذي قرارج وردي خبر واذا وافقتي ما راح تتندمين
صِبا: الله كريم خاله بس ما اضن رائي يتغير
وهو كلشي قسمه ونصيب
كامت ام ناصر وبناتها راحو ورحت درست وكملت درسي ونمت
كعدت بالليل وكنت افكر بكلامها هم ناس كلش محترمين بس ما كنت مرتاحه
رحت للجامعه ثاني يوم وكنت نشيطا لان شبعت نوم وكنت كاشخها ومتضبطه
رحت للجامعه وحجيت ل نور كلشي
نور: وشنو راح اتقررين
صِبا: معرف والله بس كلش مو مرتاحه
نور: قلبي صِبا فكري ولا تتسرعين
صِبا: اكلج ما راح اوفق
نور: والله قلبي راحتج انتي ما اضغط عليج وانتي تعرفينهم اكثر مني وتعرفين مصلحتج وين
صِبا: الله كريم
نور: ونعم بالله
رجعت للبيت ونمت صحتني امي المغرب
سالوني امي و ابويه عن قراري وان ناصر ونعم منه وانه شاريني وانه رجال ينرفع فيه الراس
كلتلهم اني مو موافقه ابد وما ارتاحيت لهل خطبه ابد
خالد: اذا مو موافقه اخابر الرجال واعطيه خبر
اتصل ابويه على ناصر
...........................
خالد: السلام عليكم وليدي ناصر شلونك
ناصر: ناصر وعليكم السلام ورحمة الله هلا بعمي... ها بشر يعمي شقررتو و عمو اني راح اخليها بعيوني وما انقص عليها شي اخذها من هالشارب
خالد: يا ابني ونعم منك واعرفك انك رجال وكد كلمتك بس يا يوليدي صِبا مو موافقه وتقول انها مو مرتاحه
ناصر: يا عم فكرو مره ثانيه وترى صِبا ابيع الدنيا على مودها والي تامر بي حاضر بس خليها توافق
خالد: يا ناصر صدكني اني اتمنى هالقسمه ولكن ما اريد اضغط عليها
ناصر وكان صوته متغير: ميخالف عمو بس فكرو مره ثانيه ما يصير شي
خالد: الله كريم
ناصر: ونعم بالله العظيم الله يقدم الي بي الخير
خالد: مع السلامه يوليدي سلملنا على العيله
ناصىر: الله يسلمك عمو يوصل ان شاء الله
..
بعد ما سد الموبايل دحك عليه ابويه وكال ها
صِبا: ياب حباب لحد يسئلني مره ثانيه ترى قراري ما اغيره
خالد: الله كريم ي بنيتي
اسماء باجر او بعد باجر خابريها وكليلها ترى البنت مو موافقه
اسماء: ان شاء الله الله كريم
عمي خابر ابويه وقال له ما تجي علينا نتعلل
ابويه اي اجي
صِبا اسماء تجون؟
وكلنا رحنا لبيت عمي وتعللنا هناك ورجعو ابويه وامي وبقيت اني مع البنات لان كان خميس
صباح يوم الاحد رحت للجامعه ولكيت نور منتضرتني
نور: هلا صِبا تاخرتي؟
صِبا: اي اخذتني نومه وابويه هم كعدنا متاخرين خير اكو شي؟
نور: اي اكو
صِبا: نور احجي خوفتيني.
نور: ماكو شي يخوف خير ان شاء الله
صبا: ان شاء الله
نور امشي هسه نروح للمحاضره وبعدين نحجي
صِبا: تمام نور بس ترى ضل بالي
نور: صدكيني ماكو شي يخوف
عجبتكم اكمل لو اوكف
أنت تقرأ
احببت سعودي ولكن!
Romanceبنت عراقيه يخطبها شخص سعودي خطبه تقليديه وبعد مرورو الوقت يعشقون بعضهم بجنون..... باقي الاحداث تشوفونها بالقصه واذا اكو اخطاء يا ريت تبلغوني حتى اصلحها املاء او لهجه او اي شي 🫶👍🏻
