رجعت ل فراشي حتى انام وما قدرت لتذكرت نور المن قالت ما قاعده تفكرين ب فهد
ف اجى هو على بالي
كنت اقول ل نفسي انا كان حلمي اتزوج سعودي شنو الي يخليني هسه ما اوفق
ولد محترم حسب كلام محمد وجهه بشوش
بقيت فكره تاخذني وعشره ترجعني الى ما اذن فجر رحت صليت ونمت
صحيت كلش تعبانه ومو مركزه لان ما نمت بالليل بس رغم هذا
اجى ابالي اكشخ(اترتب) معرف ليش لبست عبايه ملونه ابيض و اسود و الحجاب رتبته اكثر وحذاء مرتب خليت شوي مكياج
وصلت الجامعه
هلا نواره شلونج قلبي
نور: هلا والله ب صِبا
شنو الكشخه اليومم 😉
صِبا لا يروح بالج بعيد بس اليوم حبيت اغير استايلي واطلع حلوه ههههه
نور: وليش عيني
انتي بكل حالاتج اتخبلين
صِبا: شكرا حياتي
نور: واشبيج باين عليج تعبانه مريضه شي؟
صِبا لا بس ما نمت بالليل
نور: هههه اعوذ بالله من ابليس افكار توديني واتجيبني ليش من نمتي وكاشخه اكو احد تفكرين بي
صِبا: نور كافي ترى امشي واعوفج هاا
نور: يلا يلا سكتت بعد ما ااحجي
صِبا : احسن
نور: تجين للسوق اليوم لو لا؟
صِبا: اي بس بابا قال اذا محمد ما يوصلكم لا تروحون بتكسي انا اوصلكم
نور: لا محمد يوصلنا
صبا تمام يلا امشي تاخرنا
ــــــــــــ♡ــــــــــــــــــــ♡ــــــــــــــــــ♡ـــــــــــ
بعد الدوام غيرت ملابسي وكان راسي كلش ياذني لان تعب الجامعه وفقها مو نايمه
اسماء: تعالي ماما اكلي شي
صِبا: تمام ماما جايه
اذن عصر اجى محمد و نور ياخذوني
صِبا: السلام عليكم
محمد و نور: وعليكم السلام ورحمة الله
نور: صِبا تاخرتي صار ساعه ننتضر
صِبا: اسفه كلشي بس كنت نايمه
محمد: شلونج اختي صِبا
صِبا: هلا محمد الحمدلله بخير وانت اخبارك
محمد: الحمدلله
محمد: وين تروحون راح انزلكم واروح عندي كم شغله اكملها ومن تخلصون خابروني اجي اخذكم
نور: براحتك حياتي اي مكان بس اسمه مول وينصرف بي فلوس
الكل: ههههههه
صِبا: على مول (••••) فاتح جديد وكلش حلو وعليه تخفيضات
محمد: ان شاء الله
نزلنا انا ونور عند المول وراح محمد
وقعدنا نتسوق
كلش تونسنا ونسيى كلشي ورحنا لمطعم المول اتعشينا واخذنا فره بالمول واخذ الاغراض مالت ماما
شفنا الساعه 9 بالليل
خابر محمد على نور
محمد: الووووو نوارتي وينكم لصق بيكم المول لو شنو
نور: هههههه يلا تعال اصلا خلصنا من زمان بس قلبي ما ينطيني اطلع
محمد: طبعا بالاخير انتو نسوان شيطلعكم؟
كلنا: ههههه
اجى محمد ورجعنا للبيت وحسيت راح اتمرض
صِبا: اخويه محمد بلا زحمه عادي توقف عند الصيدليه بس اخذ اعلاج؟
محمد: ان شاء الله
نور: بيج شي صبا؟
صِبا : لا قلبي بس تعبانه كلش احس راح اتمرض
نور ومحمد: ما اتشوفين شر
نزلنا عندي الصيدليه انا ونور ومحمد
اخذت علاج
سمعت محمد يقول هلا فهوود شلونك
فهد: الحمدلله محمد انت كيفك
محمد: والله الحمدلله
فهد: عسى ما شر ليه هنا بالصيدليه فيك شي
محمد: لا والله ما فيني شي بس كانت نور صِبا بالمول وصبا تعبانه شويه ف قالت تريد تنزل للصيدليه
فهد: هلا اختي صِبا سلامت ما فيك الا العافيه
.. انا احس لساني انمسك
صِبا: هلا فيك الله يسلمك
فهد: انتي بخير
صِبا : اي الحمدلله بخير بخير
فهد: ان شاء الله
طلعت انا للسياره وكنت اشوفه وهو يطالعني
وكلش توترت وقلبي صار يدق بسرعه كنت اريد ابكي
اجى محمد ونور وطلعنا
نور: شبيج صبا وجهج صار طماطه
صِبا: ما بيى شي بس لان مريضه شوي وتعبانه
نور: اممممم باين (تستهزء)
محمد: صِبا ما اريد ادخل بحياتج بس ترى الولد مؤدب ومحترم
صِبا: ايي
محمد: وترى قتله على الكلام الي صار بينك وبين نور
ويعرف انك عرفتي بحبه لك
احس قلبي دق اكثر
صبا: اشنو قلته؟
محمد: كلشي
صِبا: مثل شنو كلشي محمد
محمد: خبرته حتى لما ابتسمتي لما شفتيه
هنا احس متت من الخوف معرف ليش وصرت ابكي
صِبا: لا محمد لااا ليش
محمد: صِبا شبيج كل عقلج تبجين
ترى ما بيها شي والولد طالبج بالحلال
صِبا: نور وانتي ضرور تحجين كلشي؟
نور: ...... اسفه معرف انه راح تنزعجين منه
لو اعرف ما حكيت
رجعت للبيت واحس نار بداخلي خوف وخجل وغصى بداخلي وتعب ونوم وكلشي
اول ما وصلت البيت بس سلمت على امي وابويه وطلعت فوق مباشرة
السلام عليكم
خالد واسماء: وعليكم السلام ورحمة الله وبركاته
خالد: بيج شي بابا
صِبا: لا بابا بس تعبت شويه واريد انام
اسماء: بجيتي؟
صِبا: لا ما بيا شي بس اريد انام
وطلعت للغرفه
قفلت الباب وكان بنفسي بس ابكي ليش وعلى شنو معرف بكيت الا ما نمت
قعدت بالليل وكنت كلش كلش تعبانه وما بيا حبل اتحرك راسي وجسمي كلو يوجعني
اتذكرت العلاج اخذت بس بلا فائده
بقيت اتغلب من الوجع الا ما صار الفجر صليت وجتني امي للغرفه
اسماء: ماما بيج شي؟
صبا: لا ماما وداعتج ما بيا شي
بس تعبانه واحس نفسي تمرضت
اسماء: حرارتج كلش مرتفعه امشي انزلي شويه يطلع الضو و اوديج للطبيب
صِبا: ما يحتاج ماما البارحه نزلت للصيدليه وجبت علاج واخذت
اسماء: وين العلاج شوفيني ايه
صِبا: هذا هو
اسماء: تروحين للجامعه اليوم
صِبا: لا ماما تعبانه وبطني تأذيني وجسمي كله يوجعني ما بيا حيل اروح
اسماء: اي بنتي لا تروحين ارتاحي اليوم
صِبا: ماما اريد انام تمام بنتي بس البسي شي لان بارده وتعالي بره يمي
رحت برى على الكنبات نمت
اجى بابا
خالد: شبيج صِبا
صِبا: ما بيا شي بابا بس مريضه
خالد: امشي للطبيب
صِبا: ما اروح جبت علاج ما يحتاج
خالد: بنتي لا تعاندين كومي
اسماء: لا تحجي ما يفيد مية مره من الصبح قلتلها وما قبلت
نمت اشويه شفت وقعدت على صوت الموبايل
نوارتي يتصل بك
أنت تقرأ
احببت سعودي ولكن!
Romanceبنت عراقيه يخطبها شخص سعودي خطبه تقليديه وبعد مرورو الوقت يعشقون بعضهم بجنون..... باقي الاحداث تشوفونها بالقصه واذا اكو اخطاء يا ريت تبلغوني حتى اصلحها املاء او لهجه او اي شي 🫶👍🏻
