سقطت ونهضت

البارت 1

#بارت الاول

﷽

بداية الحكاية

حروف تشكلت بـ عناية كلمات سوف تكتب لأجل غاية و الغاية في هذه المرة هي أساس الحكاية

والأن سوفه نفتح باب حكايتنا وسوفه نكشف الكثير من الأسرار التي لا يعرفها احد من قبل

✦نور✦.......
نرجس(الأم): يلا ماما نور گومي راح تتأخرين عله المدرسه٠
نور: ممممم اي مامه بس اشوي خليني انام٠
نرجس: ولچ گومي يا اشويه منهن عندج امتحان اليوم يله گومي ٠
علي (الأب): وليججججججج گومييي كافي نوم ٠

طفرت من الفراش واني مخروعه شفت بابا فوگ راسي گتله شكو بابا اشصاير

علي: اشصاير مو أمج صار ساعه من تگعد بيج وانتي گاضيتها اشويه اشويه ٠

عرفت بابا متعصب لان ضغط شغل وتعب وبيت بس هوه ما يذب عصبيته بينه
فعرفت اكو شي چبير صاير وبابا ما يحجي لان بعدنه صغار حته لخواني ما يحجي
گلت خليني اهديه ودلع عليه

نور: بابه حبيبي شنو هل وجه الحلو هذه فديتك اني واكيد اليوم راح اجاوب زين بالمتحان
لأن صبحن ابهل وجه الجميل ٠

ابتسم الصراحه فرحت لان هديته اشويه وگال

علي: اي اضحكي عليه ابسوالفج هاي يله حبيبتي گومي لا تتأخري وجيبي كتابچ اراجعلچ ٠

نور: تأمر أمر تاج راسي كم علي عندي ٠
علي: ههههههه والله لوتيه ٠

غمزتله ومشيت وهوه گام يضحك انتبهت على أمي ضايجه هيه دائمن تغار مني
يگول شريچتها مو بنتها احنه صح اربع بنات واربع ولد بس بابا چان يحبني اكثر وحده بينهن
چان عندي أخ خامس بس توفه بحادث وبقوا بس اربع ولد
اختي الچبيره درصاف مزوجه وعدها اثنين بنات وثنين ولد
واختي رهف ألي اصغر من درصاف عمرها 13سنه امبطله من المدرسه
لأن عند أبوي البنيه تتخرج من السادس الابتدائي تبطل وتگعد بالبيت
لأن أبوي من النوع الي يخاف عله بناته ابشكل مو طبيعي يخاف علينه اكثر من خوفه عله نفسه
وهوه يشتغل شغل خطر.

وأني هسه خامس ابتدائي وكلش احب المدرسه مو بس احبها اعشقهاا
واني كلش شاطره دائماً اطلع من الأوائل ويكرموني وتوقع بابا يرضه اكمل دراسه
بس صار العكس تماماً بعد ما نجحت من الخامس الابتدائي وطلعت من الأوائل معدلي چان 99.89 ورحت للسادس
وهاي السنه جنت اخاف منها اهواي مو لان وزاري لا خايفه بابا بعد ما انجح يبطلني
لان چان كلش قافل عله سالفة انو البنيه من تخلص السادس تبطل اهم شي تقره وتكتب.

وهسه بدت السنه الجديده قررت اطلع معدل عالي وجان ابالي اطلع معدل 100 او 99.99
حته يقتنع انو ما يصير ابطل ولازم اكمل دراسه.

نور: يله باباااااا راح اتأخر من اول يوم.

علي: اي اي جاي جبتي اختج وياج؟
نور: اي بابا هاي ياسمين يمي.
علي: تمام باباتي يله اصعدو للسياره.
نور: تمام بابا راح نروح نصعد بس لا تتأخر.