ليس اليتيم من مات والده إن اليتيم يتيم العلم والأدب.
الروايه: "سقطت ونهضت 💔💪"
للكاتبه: د. بيداء راج ✨🕊
ـــــــــــــــــــــــــــــــــــــــــــــــــــــــــــــــــــ
✪محمد✪
سديت الخط ورجعت للحضره دعيت لـ أحمد
وصليت ركعتين لوجه الله تعالى
من النجف للمسشفى
اول ما وصلت لگيت عائلتي كلها يم غرفت أحمد
هنانه گمت ما احس برجلي احس الدم جمد
انشلت رجليه من الخوف
أجه عليه سمير يركض هوه ومنصور فرحانين
منصور: ولك محمد أحمد گعد گعد.
ـــ شنو!!؟ تحچي صدگ.؟
منصور: اي والله فتح عيونه وحرك ايده، والدكتور گال صحته ممتازه.
ـــ گول والله.
منصور: والله والله.
نزلت وسجدت سجدت شكر
عله سلامة أحمد بعد معانات طالت 11 شهر 15 يوم
ربي استجاب دعائي ورجعلي أحمد
الحمدلله وشكر
رحت وسلمت عله أهلي ودخلت لغرفت أحمد لگيته فاتح عيونه بشكل نعسانات
والدكتور يفحص بي
رحت وگمت ابوس بوجهه بوسات هشوائيه
ـــ دكتور شلونه شلون صار.
الدكتور: الحمدلله بخير اطمن.
ـــ يا الله يا الله.
الدكتور: هههه الحمدلله عله سلامته.
ـــ الله يسلمك دكتور.
راح الدكتور واني گعدت احچي ويه أحمد
ما يگدر يحجي بس يفتح ويغمض بعيونه بتعب
حچيتله عن كلشي صار بغيابه
اشويه ودخلت علينه الممرضه
الممرضه: لو سمحت ممكن تطلع بره لان المريض لازم يرتاح باچر تگدر تشوفه.
ـــ بس خمس دقايق.
الممرضه: شتسوي بيهن تره المريض ما يگدر يحاچيك ولا يحرك جسمه بشكل طبيعي.
ـــ شنووو بس ليش، بي شي!!؟
الممرضه: لا لا لا تخاف ما بي شي
بس لان صار هواي ما متحرك شي طبيعي يصير هيچ وانشالله بعد شهر شهرين
يگدر يحچي ويحرك جسمه.
ـــ انشالله.
ضربت الممرضه احمد ابره ونام
واني طلعت الدنيه ما توسعني من الفرحه
رحنه للبيت
وكل واحد راح لغرفته يرتاح
اني رحت لغرفتي ودخلت للحمام سبحت
ورحت صليت صلاة العشه ونمت لان ميت تعب
أنت تقرأ
سقطت ونهضت
Ficción General#دراما #قوه_واصرار #طموح # طب قصه فيهااا كثير من الاحداث فيهااا الكثير من الخذلان وفيها ايضن قوه واصرار للوصول للحلم نور نورت حياة شخص لا يحب الناس لا يثق بهم
