سقطت ونهضت

البارت 6

.لا تعجلن بوعد ثم تخلفهُ  فيثمر المطل بعد الود أحقادا.....

الروايه: سقطت ونهضت 💔💪
للكاتبه: د. بيداء راج

..........

✦محمد✦.  .  .

محمد: يابه معدلي 100.
ابو محمد: شنوووووو تشاقه مو.
ـــ لا والله ما شاقه هاك شوف.

اخذ ابوي الموبايل وشاف المعدل الكل انصدم لان اني مو مثل احمد،  احمد اشطر مني بهواي
اصلاً احمد اغلب المواضيع هوه يشرحها الي

گمت منهم والكل چان فرحان
اني ما انكر چنت فرحان بس فرحتي ما تكمل اله بأحمد

دخلت الغرفتي وخذت ملابس وخليتهن بجنطه
وطلعت سألني ابوي وين رايج گتله للمستشفى
سألني عله الجنطه گتله
من اطلع من المستشفى اروح للنجف ازور ووفي نذري ونذر احمد همين ودعي اله بالشفاء

تقرب ابوي وشبكني حسيت بحنانه وعطفه علينه وحسيت بكلامه اكو فخر

در رادت تروح وياي بس ما اخذتها لان ابات بالنجف وما ارجع اله بعد يومين
فما گدرت اخذها

طلعت من البيت وقبل ما اطلع اخذت الورده البيضه ونتجهت للمستشفى شفت سمير وسلمت عليه
وگتله بنتيجتي اني واحمد كلش فرح
وقبل لا ادخل طلعت نتيجت سمير
چان ناجح ومعدله زين

سمير: محمد.
ـــ هاا.
ـــ راح تدخل طب مو.
ـــ لا يمعود اريد احقق حلمي.
ـــ صدگ والله لنك كفووووو، بس خاف ما يقبلونك؟
ـــ مو بكيفهم غصبن عليهم راح اصير الضابط محمد ياسين ههههه.
ـــ تعال ابوسك سيدي.
ـــ لك وخررررر.
ـــ ههههه يله ندخل.

دخلت وحچيت ويه احمد وخليت والورده بالگلاص الماي حته ما تذبل
من باوعت عله وجه احمد شفت وجها صاير احسن
الاثار رايحات

طلعت من المستشفى ونتجهت للنجف
الطريق كله واني بالي وتفكيري كله يم أحمد
غفيت واني بالسياره
صحيت عله صوت شاب فتحت عيني بتعب

ـــ صح النوم وصلنه.
ـــ هااا.
ـــ شبيك خويه شو شكلك تعبان.

صارت عيوني بعيونه چانت عيونه ازرگ يميل للرمادي كلش حلوات
وبتسامته وجهه النوراني حسيته من حافظي القرءان
ابتسمت ابوجها وگتله ماكو شي

اشو هذه خله ايده عله صدري وتله ايات قرءانيه
چان صوته كلش حلو
قره عله صدري ايه الكرسي وسورة الخلاص وختمها
بأية النور.....

ـــ ۞ ٱللَّهُ نُورُ ٱلسَّمَٰوَٰتِ وَٱلۡأَرۡضِۚ مَثَلُ نُورِهِۦ كَمِشۡكَوٰةٖ فِيهَا مِصۡبَاحٌۖ ٱلۡمِصۡبَاحُ فِي زُجَاجَةٍۖ ٱلزُّجَاجَةُ كَأَنَّهَا كَوۡكَبٞ دُرِّيّٞ يُوقَدُ مِن شَجَرَةٖ مُّبَٰرَكَةٖ زَيۡتُونَةٖ لَّا شَرۡقِيَّةٖ وَلَا غَرۡبِيَّةٖ يَكَادُ زَيۡتُهَا يُضِيٓءُ وَلَوۡ لَمۡ تَمۡسَسۡهُ نَارٞۚ نُّورٌ عَلَىٰ نُورٖۚ يَهۡدِي ٱللَّهُ لِنُورِهِۦ مَن يَشَآءُۚ وَيَضۡرِبُ ٱللَّهُ ٱلۡأَمۡثَٰلَ لِلنَّاسِۗ وَٱللَّهُ بِكُلِّ شَيۡءٍ عَلِيمٞ ٣٥