سقطت ونهضت

البارت 5

لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ

الروايه: سقطت ونهضت 💔💪🏻
للكاتبه: د. بيداء راج 🕊

✧«نور»✧

دخل أبوي وسلم عله المديره
المديره گالت كلشي لأبوي نزلت راسي اعرف الي سويته غلط والمفروض ما اسويه
بس چانت ردت فعلي هاي ما تحكمت بعصابي

اعتذر أبوي من المديره عله تصرفي
وطبعاً المدرسه تحاسبت عله تصرفها ونفصلنه ثنينه
اسبوع
اني ما اهتميت لان انفصلت لأن المدرسه هم انفصلت
ارتاحيت

شسوي الخباثه تمشي بدمي
اعرف ابوي ما راح يسكت وراه يرزلني رزاله معدله
اخذني ابوي وصعدت للسياره
گلت اكيد راح يرزني غمضت عيني واني منتضره الرزاله بس تفاجئة من ما حجه شي

انتبهت عله وجها چان لام شفايفه ليجوه وحاصر ضحكته، فرحت لان ما راح يرزلني
بس شيخلصنه من مامه
وصلنه ونزلت من السياره ودخلت لغرفتي من دون ما احد يحس عليه
وبابه رجع للدوام

نزعت ملابسي وبدلت بتراك اسود ما اعرف ليش بس احب الون الاسود والوردي
رفعت شعري ذيل حصان وربطته بقراصه ورديه
طلع كلش حلو

شوي وندگ الباب ودخل مهند
مهند: عادي ادخل.
نور: انته دخلت وخلصت.
ـــ يعني اروح.
ـــ لا ابق،ادري بابا حچالك كلشي.
ـــ اي حچالي، عادي تره چانت ردت فعل بس لا تعيدينها تمام.
ـــ تمام.

عم الهدوء لثواني
ـــ مهند.
ـــ هاا.
ـــ مختنگه.
ـــ شنوووو شبيج يروحي اخذچ للمستشفى؟
ـــ لا لا ما بيه شي لا تخاف.
ـــ چا ليش مختنگه.
ـــ عادي انام بحضنك وحچيلي سالفه مثل قبل.
ـــ قصدج قصه.
ـــ لا سالفه صارت وياك.
ـــ ههه تمام راح احچيلج بس انتي هم احجيلي.
ـــ اوكي.

راح هوه وتمدد عله السرير وفتح ايديه
رحت نمت عله صدره

مرت الايام وبلشت الامتحانات الوزاريه
چنت كلش متوتره
يمكن لان اول مره امتحن وزاري
وحته مو بالمدرسه مالتي

گعدت ولبست بنطرون اسود وهاينك اسود
وفوگعن جاكيت
طويل لون تفاحي طلعت يگول تركيه هههه
رفعت نص شعري ليفوگ وسويته ذيل حصان
والنص الباقي
عفته مفتوح چان كلش حلو
واني شعري طويل واسود وعيوني عسليات يميل للخضار
كلش احب اعيوني ومعجبه بيهن

اكثر شي احبه بيه شعري الاسود الثخين والطويل
وعيوني التشبه عيل البزونه

رحت للمتحان اني ونور الهدى
بلشو تفتيش وزعوا
الدفاتر الامتحان كتبت اسمي ورقمي الامتحاني
وزعوا الاسأله
چان عدنه امتحان اسلاميه
الاسلاميه الوحيده لو حته مااقراها انجح لان كلش سهله وحفظها بسرعه
چانت الاسأله سهله حليتها بسرعه وطلعت
طلعت واني ضايجه بالرغم اني حاله زين بس من اتذكر اني بس هاي السنه كلش اضوج
واتمنه لو اكمل
بس خذت قرار راح اجيب معدل عالي حته لو ابطل اهم شي افتخر بنفسي
بين الناس وگلهم جبت معدل عالي

خلصت الأمتحانات وجه وقت النتائج
چنت عبالي راح يوزعون بالمدرسه گبل بس طلعت ينشرون بالتلفون
اني ما عندي مبايل فما اعرف هاي السوالف...

نرجس: نور ماماتي گومي يله كافي نوم.
گعدت عله صوت امي وهيه تگعدني باوعت عليها وبتسمت الها

نور: اي مامه گايمه.
نرجس: اي حبيبتي عفيه.

رحت غسلت وجهي وبدلت ونزلت
لگيتها كلها گاعده بالصاله

نور: صباح الخير.
الكل: صباح النور.
ـــ شكو شو كلها گاعده شنو عدكم اجتماع.
مهند: هههه اي عدنه اجتماع حته نكتلج.
رحت وگعدت بنص بابه ومهند.
ـــ ليش شمسويه!!؟
ـــ ما مسويه شي بس منتضرين النتائج.

طفرت من مكاني وفاتحه عيوني
ادري بنفسي زفتت باخر امتحان

ـــ شنووووو؟
ـــ وسم ها ولج بس لا مصخمتها.
ـــ ها لا لا.
ـــ اي خلينه نشوف.
 

طلعوا النتائج وطلعت معدل 100 يالله حسيت ابصدمه وفرح
احساس غريب دموعي صارت تنزل وحدها
واني اشوف اهلي فرحانين
من جها
ومن جها ثانيه اشوف احلامي الي جاي تتهدم

مسحت دموعي وفرحت وياهم
الكل صار يباركلي
وابوي سوالي حفله كلش چبيره
سعاده لا توصف
من حققت الي اريده

مرت الايام
وبلشت امتحانات السادس الاعدادي
وبأخر امتحان چان وجه مهند و موسى اصفر رحت ركض وگتلهم شبيكم

مهند: اكو واحد من............

يتبع.......

ادري البارت قصير
بس ما جاي اشوف تفاعل عله الروايه
اتمنه تصوتون وتشاركونه تعليقاتكم الحلوه ✨🕊

بس سؤال....

"هل صليت على محمد وآل محمد اليوم"