اكره-ان-اشمت-بأحد لكن-يعجبني-الزمان حين-يدور
الروايه: سقطت ونهضت 💔💪
بقلم الكاتبه: د. بيداء راج ✨🕊
...................................................
نور.......
اخذو رهف للمستشفى
ماقبلوا اروح وياهم بس أمي ومهند وزوجها راحوا
بقينه عله نفس الگعده
صارت بالتسعه وماكو اي خبر عنهم
گومنه موسى
علمود نصلي محد بي حيل يتحرك بس لازم نصلي وندعيلها تگوم بالسلامه
الكل گام صلاه وبعد الصلاه
أجه موسى وگام يقره قرءان
احنه اصواتنه كلنه حلوه طلعنه عله أبوي
استمر بالتلاوه للساعه 12 باليل
اتصل علينه مهند
رد عله موسى وجها صار اصفر
اني گلت اكيد اكو شي صار شي عله اختي
ـــ موسى شكو صار شي عله رهف، رهف بيها شي.
ـــ لا رهف زينه.
ـــ لعد شبيك.
ـــ رهف صار عدها أجهاض.
در صاف: لاااااا الله لا ينطيك يا رعد الله ياخذ عمرك يارب ولكم رهف وجعفر صارلهم سنتين ينتظرون الطفل وبسبب هذه النذل مات
الله ينتقم منك.
احس رجليه گامت ما تگدر تشيلني
گعدت بالگاع
وحس عيوني غوشت
والگاع گامت تفتر بيه فقدت وعيي
فتحت عيوني
الضوه كلش قوي جمعت قوتي وگعدت
هاي غرفتي شصار
حاولت اگوم ونفتح الباب دخل مهند شمرت نفسي عليه وگمت أبجي.
ـــ ليش ليش كل هذه يصير بينه شسوينه احنه.
ـــ أهدي يروح أخوج ميخالف كل هذه أختبار من رب العالمين، هسه انتي شلون صرتي.
ـــ والنعم بالله، الحمدلله بخير هسه عوفك مني رهف شلونها.
ـــ زينه الحمدلله موجوده جوه تتغده.
ـــ شنو!! بس موسى گال صار عدها أجهاض.
ـــ اي صح هسه أمي جبرتها عله الأكل مو زين عليها
نزفت هواي، يلا گومي ننزل جوه أمي تريد تحچي ويانه بشي مهم.
نزلنه اني ومهند جوه لگينه الكل موجود بالصاله
رحت على رهف وتحمدتلها بالسلامه
الكل گعد وأمي گامت وجابت رساله
ـــ يمه شنو هذه.
ـــ رساله من عمچ رعد.
ـــ لا تگولينننننن عمججججج لا تگولين هذه مو عمي
مو عمييييي.
مهند: نوررر شبيچ أهدي لا يصير بيچ شي.
ـــ خلي يصير بيه اي شي بس لا تگول عله هذه النذل عمچ.
ضمني الصدره وگعدت أبچي
الكل بچه وياي بس أمي چانوجهه بارد
ما أهتمت ولا انطت اي ردت فعل
أنت تقرأ
سقطت ونهضت
General Fiction#دراما #قوه_واصرار #طموح # طب قصه فيهااا كثير من الاحداث فيهااا الكثير من الخذلان وفيها ايضن قوه واصرار للوصول للحلم نور نورت حياة شخص لا يحب الناس لا يثق بهم
