كي لا تموت مرتين ، لا تعود لمن خذلك 🖤🖤
الرويه: سقطت ونهضت 💔💪🏻
بقلم الكاتبه: د.بيداء راج 🕊
✧✦محمد✧✦
محمد: درررر.
دخلت للغرفه وشفت در مغمى عليها هسه من چان عمرها سبع سنوات
عدها سكر رحت شلتها وخليتها على السرير
وجها أصفر وشفايفها صارن زرگ
رحت جبت جهاز السكر وقسته چان مرتفع ركضت
عله الثلاجه حته اجيب ابرت الانسلين
محمد: وينننننن وين راحت.
ـــ عله شنو تدور؟
درت وجهي جان سعد وراي
ـــ هلا عمي، جاي ادور عله ابرت الانسلين.
ـــ المن؟
ـــ در سكرها مرتفع بس ماكو الابر ما اعرف وين.
راح للغرفه مالته استغربت من تصرفه شنو هل برود العنده، تجاهلت الموضوع
ورجعت ادور عله الابره ماكو ركضت عله الغرفه
دخلت لگيت در عله نفس الحاله حرت شسوي يربي
شفت تلفوني اخذته
شفت الرسائل والمكالمات اهواي خفت گلت اكيد صاير شي
وبعدين تذكرت النتائج تركت كلشي وتصلت عله منصور
ـــ منصور وينك؟
ـــ بالمعمل ليش شكووو احمد بي شي!؟
ـــ لا لا احمد ما بي شي بس در.....
بعدني ما امكمل كلامي ودخل سعد بيده ابرت الانسلين
ـــ محمدددد شبيها در.
ـــ ما بيها شي بس ارتفع سكرها لا تخاف هذا سعد جاي يضرب الابره الها.
ـــ اوه الحمدلله، يلا اني راح اجي اجيبلكم شي وياي؟
ـــ اي، جيب ابر أنسلين لان ماكو.
ـــ تمام.
ـــ تمام يله باي.
ـــ لحضه محمد.
ـــ هاا.
ـــ اجيبلكم عشه وياي.
سعد: اي ولك جيب محد بالبيت حته امك ماكو و در تعبانه.
منصور: ما تزوج انته ونخلص منك شنو مبتلين احنه بيك.
ـــ قصبن ما عليك خاف ما راضي.
گامو يتعاركون هوه صح شغه بس مالي خلگ
محمد: كافي يمعودين، وانته منصور جيب عشه وياك حته اتعشه وروح للمسشفى.
ـــ تمام.
سديت الخط وگعدت يم در من دون اي كلمه سعد طلع من الغرفه
سمعت باب الصاله انفتح عرفته طلع
بس وين ما ادري.
رافع راسي وعيوني بالسگف صافن وجاي اتذكر شلون جانت
حياتنه كلها ضحك وطلعات صحيح نتعارك بس اشوي ونرجع
حسيت اكو شي يمشي عله رجلي!!
نزلت راسي شفت در گعدت
ابتسمت بوجها
ـــ شلون صرتي.
ـــ زينه.
درت وجهي عنها ورجعت رفعت راسي واني صافن
اشويه و در خلت راسها عله صدري
نزلت راسي وبتسمت
ـــ شبيج!؟
ـــ ما بيه شي.
شالت ايدي وخلتها عله راسهه
ـــ محمد سويلي مثل قبل.
ـــ شسويلج؟
ـــ العب بشعري.
من گالت هيج تذكرت احمد چان هوه هم يحب العب
بشعره ضجت وحسيت ابغصه
ورجعت العب بشعرها
حسيتها ارتاحت
عم الهدوء لثواني.......
كسرت در الهدوء وحچت
ـــ محمد.
ـــ هااا.
ـــ تحبني؟
ـــ اعشقچ مو بس احبج.
ـــ اذا صدگ تحبني طلع النتائج وخلينه نشوفها.
ـــ در والله ما اگدر.
ـــ طيب ليش؟
ـــ شنو ليش شلون تردين اشوف نتائج
واحمد مو ياي، شلون ترديني افرح واحمد مريض.
ـــ تدري گلت الـ بابا الي داخل غيبوبه يسمعنه؟ تدري شگال.
ـــ شگال؟
ـــ گال اي يسمعنه ويحس بينه بس ما يگدر يفتح عيونه ولا يحجي ويانه.
أنت تقرأ
سقطت ونهضت
Ficción General#دراما #قوه_واصرار #طموح # طب قصه فيهااا كثير من الاحداث فيهااا الكثير من الخذلان وفيها ايضن قوه واصرار للوصول للحلم نور نورت حياة شخص لا يحب الناس لا يثق بهم
