#دراما #قوه_واصرار #طموح # طب
قصه فيهااا كثير من الاحداث فيهااا الكثير من الخذلان وفيها ايضن قوه واصرار للوصول للحلم نور نورت حياة شخص لا يحب الناس لا يثق بهم
در: بابا مشتاقتلك. ـــ واني هم يروحي ابوج. ـــ تدرون الگعده بس عوزها احمد وماما ونرجع مثل قبل. ـــ امج فوگ جاي تبدل ملابسها، وبلنسبه لـ احمد فنشاءالله يصحه ويرجعنه بقرب وقت.
گمزت در من مكانها من كال بقرب وقت وگامت تصفگ وفرحانه ـــ صدگ بابا احمد راح يرجع.. يايييييي صحيح هوه يضوجني ويعصبني يوميه بس احبه اكثر من روحي.
نزلت دمعت ابويه لا اراديا وگامت در تمسح بدمعاته حسيت نفسي ختنگت راح انفجر گمت وطلعت للحديقه واني اباوع للحديقه اشوف ابكل شبر احمد لان اني واحمد زرعناها.
بقيت اباوع عليها وسترجع ذكرياتي رمحت شي احمر تقدمت وشفت الوردات الي زرعناهن اني واحمد بأول يوم متحانات زرعنه ما يقارب ثمان وردات كل واحد زرع ثمانيه حسبتهن جانن 16 ورده كل الوردات مزروعات من بين الورد الاحمر مزروعه ورده بيضه چان بياضها ساطع من واحد يشوفها يحس بالامل مسحت وجهي ودخلت جوه شفت الكل گاعد والسفره ممدوده گعدت اكل وياهم الكل ساكت محد يحجي
كسر الصمت ابوي وهوه يحجي ـــ محمد. ـــ ها يابه. ـــ من نخلص العشه تفتح النتائج تمام. ـــ حاضر.
رجع الصمت خلصنه وگاموا منصور وناصر يساعدون امي و در خلصوا و در جابت الچاي قدمته النه والكل گعد
أبو محمد: يلا وليدي افتح النتائج. محمد: حاضر يابه.
رحت فتحت النتائج واول ما فتحتها رحت لنتيجت احمد نسيت حته نفسي دخلت وشفته اول اسم "أحمد ياسين علي " شفتهن فتحت اعيوني والدمع صار يتسابق عله خدي
ـــ هاا وليدي بشر، شوف اذا راسبين ميخالف تعيدون السنه عله الرغم اني ادري بيكم شطار وما ترسبون بس ميخالف لان الاسأله چانت كلش صعبه
محمد: لا يابه ما راسب. ـــ لعد ليش هيج وجهك اصفر!!؟ ـــ احمد. ـــ شبيه؟ ـــ طلع معدل 99.25 ويه الاضافه مال الدور الاول يصير 100.25.
نزلت راسي وحس ابخنگه تمنيت لو احمد موجود ويشوف نتيجته جان راح يخلي كل المنطقه ترگص وتهوس وياه بس هسه هوه وين بالمستشفى ضاع كل تعبه لا يا ربي ما اريد اخسر اخوي ادري اكو حكمه من هذه الشي ادري انته ما تسوي شي اذا ما بي خير النه
مسحت وجهي وگلت الحمدلله وشكر على كل حال.
رفعت راسي وشوف در تصفگ وفرحانه در: شفت بابا احمد طلع اشطر مني. ـــ اكيد غير خلفت ياسين انتم هههه، محمد يله طلع نتيجتك. ـــ لا يابه خليها تولي. ـــ شنوووو خليها تولي هاااا طلعها لا بالستكان عله راسك. ـــ تمام تمام راح اطلعها.
شفته عصبي ما ردت اعصبه بالزايد لا يرتفع ضغطه هوه احنه ما شاء الله عائله كلها مريضه.
طلعت نتيجتي الي ما چنت متوقعها
أبو محمد: ها ولگ بشر.؟ ـــ يابه م.............
...........................
يتبع........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
