احببت قمرا للكاتبه سهيله احمد

البارت الاول

بتصحي البطله  الصبح نشطيه قامت وصلت ركعتين الصبح  ولبست dress اسود عند الركبه باكمام من الشيفون وكوتشي ابيض وربطت شعرها ديل حصان  ونزلت على السلالم رايحه لى المطبخ وتدخل بمرح على الداده سعاد
قمر : صباح الخير يا سوسو عامله ايه.
سعاد: الحمد لله يا بنتي انا كويسه.
قمر: دايما يا رب... هو انا ممكن احضر النهارده بدالك اصل انا صاحيه مبسوطه اوي ونفسي اعمل الفطار بنفسي.
دادا سعاد: براحتك يا بنتي ربنا يفرحك دايما يارب.
قمر: تسلمي لي يا سوسو..... معلش هروح اصحي خم النوم اللي فوق دي واجي على طول.
طلعت قمر لى اوضه رنا فتحت الباب بهدوء وجت عنده ودنها وصوتت : رناااااااااا
رنا مفزوعه: ايه في ايه هو البيت بيولع ولا ايه
قمر بضحك : مش قادره شكلك يفطس من الضحكه
رنا: طب والله العظيم لاردهالك يا قمر تعالي هنا يا بت والله لموتك النهارده.
جريت قمر عند الباب وهي بتضحك : اسفه والله يا رنا يا حبيبتي بس انتي مش هتصحي غير كده هنزل بقى احضر الفطار وخمس دقائق وتبقي ورايا ها ما ترجعيش نامي تاني.
نزلت قمر لي المطبخ وحضرت الفطار وحضرت السفره
قمر: دادا قولي لعز وبابا محمد ان الفطار جاهز وانا هطلع لماما جميله.
دخلت قمر اوضه مرات عمها جميله: يلا يا جوجو الفطار جاهز انا عملت لك شويه فطار يستاهل بوقك .
جميله: حبيبتي تسلم ايدك.
قمر: خدت الدواء بتاعك النهارده يا ماما.
جميله: اه يا حبيبتي خدته.
قمر: بالشفاء ان شاء الله يا جوجو يلا بقى لاحسن رنا تخلص الفطار كله.
نزلت  قمر وجميله
قمر : صباح الخير يا بابا .. صباح الخير يا عز.
محمد: صباح النور يا قمر يا بنتي.... عز بنت عمك بتصبح عليك رد عليها.
قال عز: اه اه صباح النور يا قمر.
زعلت قمر من رد عز البارد وقعدت جنب رنا
جميله: تسلم ايدك يا قمر يا بنتي الفطار جميل.
رنا وهي تاكل: لا عادي انا ممكن اعمل احلى من كده
قمر: طب ابلعي الاول وبعد كده ابقي اتكلمي.
جميله: هتعمليه وانت نايمه صح.
فضحكوا ما عدا عز كان مشغول.
رن جرس الباب
محمد : مين اللي على الباب يا دادا
سعاد: دى الست داليا
قمر ورنا: يادي القرف اللي على الصبح.
فضحك محمد وجميله وابتسم عز من غير ما حد يشوفه.
داليا : Good morning يا جماعه
وهي بتحضن عز : صباح الخير يا بيبى.
رنا وقمر بصوا بقرف علي  داليا التي كانت لابسه فستان قصير وحاطه كتير من مستحضرات التجميل
قام عز: عن اذنكم يا جماعه عندي اجتماع مهم ولازم الحقه.
جميله: حبيبى انت ما اكلتش حاجه كل كويس بعد كدا ابقى امشى.
قام عز قبل راس امه وايدها: لا يا حبيبتي انا شبعت تسلم ايدك يا قمر هستاذن انا بقى
قمر :  الله يسلمك يا عز.
نظره داليا بحقد لي قمر
داليا : انا عربيتي عطلانه ينفع توصلني في سكتك يا حببيبى.
رنا: امال انتي جيتي ازاي يا داليا.
داليا بقرف: زياد وصلني بعربيته وراح مشوار مش  هيعرف يجي ياخدني.
عز: انا مش فاضي وعندي اجتماع مهم ومستعجل عليه عم عبدو السواق هيوصلك لحد بيتك.... سلام يا جماعه.
مشي عز  رنا وقمر بصوا بابتسامه لداليا الي كانت  بتطلع نار من ودانها بسبب تجاهل عز ليها
ومشيت داليا
وقالت قمر بابتسامه: انا هقوم اعمل قهوه ليكم عن اذنكم.
وقامت رنا راحت اوضتها
جميله: والله ما عارفه عز ابنك خطب داليا دي ازاي وازاي وافقتوا على كده اخلاقها مش شبه اخلاقنا انت شفت لابسه ايه.
محمد: دي رغبه عز وانتى عارفه ان ابنك مش صغير ان انا افرض عليه قراراتي اني اقول له يخطب مين وما يخطبش مين.
جميله: مالها قمر تربيتي وكمان مؤدبه جدا
محمد: كل شيء باوانه ما تستعجليش على رزقك وعلى قمر فانها بنت جميله جدا مش عشان بنت اخويا الله يرحمه لكن بجد بحسها كانها بنتي بالظبط ونفسي انها تكون من نصيبه.
جميله:  يا رب تكون من نصيبه.
خلصت قمر القهوه وقالت لي جميله ومحمد: احلى قهوه لاحلى ماما وبابا في الدنيا.
جميله ومحمد: تسلم ايديك يا حبيبتي.
محمد: ها يا بنتي هتبتدي الترم الثاني امتى.
قمر: بعد اسبوعين ان شاء الله يا بابا.
محمد: على خير ان شاء الله يا قمر وزي ما وعدتك هديه كبيره قوي عندي اول ما تتخرجي.
قالت قمر بدموع: تسلم يا بابا مش عايزه حاجه كفايه اللي انت بتعمله معايا بعد ما بابا وماما ماتوا 
جميله حصنت قمر: ما تقوليش كده يا حبيبتي ربنا اللي يعلم معزتك عندنا قد ايه.
جت رنا بمزاح: كده يا جوجو تدي قمر حضن وما تدينيش انا رنا حبيبتك لا خلاص انا سحلانه... وانت يا بابا سايب مراتك كده تتحضن كدا عادى.
اخذت جميله رنا في حضنها:اه لو تبطلى الهبل الى فيكى دى وتعقلى دى منظر واحدا عندها٢٤سنه يارب.
رنا بمزاح: موعدكيش الصراحه يا جوجو.
محمد : انا كدا هتاخر استاذكم بقى عشان هروح الشغل.
قالت جميله: خد بالك من نفسك يا حبيبى... لا اله الا الله.
محمد:حاضر يا حببتى... محمد رسول الله مع السلامه.
رنا وقمر  بمزاح: تيرارارار تيرارا 🎻
جميله: امشى من وشى منك ليها بدل ما اضربكم باابو ورده ها.
قمر : الا ابو ورده خلاص احنا مشيين اهو.
جميله بضحك: ناس ما بتجيش غير بالعين الحمراء.
................................................................
                   فى مقر شركه(AmA) 
دخل عز بهيبته الي الشركه وكله قام وقف
عز لي السكرتيره : اول ما يجي مراد وادهم خليهم يجولي حالا.
السكرتيره بخوف: حاضر يا فندم عن اذنك.
عز: هو انا قولتلك امشى خلى حد يعمل لى فنجان قهوه.
السكرتيره: حاضر يا فندم حاجه تانيه.
عز: لا روحى على مكتبك واعملى الى قولت لك عليه.
دخل ادهم بكل مرح لى مكتب عز : صباح الفل يا عزوزى.
عز: هو انت مش هتبطل طريقتك دى بقا.
ادهم: شكلك اصطبحت على وش داليا .
عز بضحك: تصدق انك اول مره تقول حاجه عدله.
ادهم: عيب عليك انا مبقولش حاجه غلط.
عز: طب بطل بقا عندنا اجتماع بعد 5 دقايق.
ادهم: اشطاا
دخل مراد المكتب
مراد: صباح الخير يا رجاله.
ادهم وعز: صباح النور
مراد: يلا على الاجتماع.
عز وادهم : يلا
.................................................................
                           فى كافيه
قاعده  داليا مع اخوها زياد
داليا: انا قرفت بقا الفتره الاخيره بقا يعملنى بكل برود...
..... ما تركز معايا يا زفت انت.
زياد: نعم عايزه ايه ما بقالك يومين بتهرى فى نفس الموضوع.
داليا بقرف: بتهرى هقول ايه بيئة.
زياد: سبنالك التعليم يا بتاعه الغات
داليا: اسمعنى بقا انا مش عارفه ازاى ارجع اخليه يعمل الى انا عيزاه...... والبت قمر دى معصبانى اوى.
زياد: هى عملتك حاجه دى بنت ذى لهتطت القشطة 🤤
داليا: هى مش حلوه اوى يعنى 🤥
زياد بضحك: احنا هنكذب ولا ايه يا دودو
داليا: يعنى حلوه شويه.
زياد: هنكذب تانى.
داليا: اه حلوه استريحت كدا ودا الى مخوفنى.
زياد: انتى عرفه عز مش بتاع مظاهر هو لو بيحبها عشان البت كيوت وعسل ومودبه.
داليا: حيلك حيلك ايه دا كله
زياد: البت تستاهل الصراحه.
داليا: ينفع نبطل كلام عن ست الحسن والجمال وتقولى طريقه عشان نسرع الجوازه شويه
زياد: انا هقولك😈
..............................................................
هستني رايكم في الكومنتات واعمل فولو ودوس علي النجمه❤️👀

                   
Sohila ahmed