احببت قمرا للكاتبه سهيله احمد

البارت الثامن عشر

جميله قاعده هى ومحمد
محمد بعصبية:انتى ازاى تخبى موضوع ذى ده
جميله بدموع؛مكنتش اعرف انه ابنها هى
محمد:والعمل هنقولهم ازاى ها فهمينى .....واخويا كمان  لولا أنه مات كنت هقتله بايدى
جميله:طب هنعمل اى إلى حصل حصل
محمد:مفيش حل غير أننا نقول بس بعد الفرح الحمدلله أنهم ما تجوزوش كانت هتبقى كارثه
جميله بأسف :انا اسفه والله معرفش بس لازم نقول لي عز الاول
محمد  :خلاص سبينى افكر هنقوله ازاى
.....................................
عند قمر وادهم
ادهم وقف العربيه
ادهم:اى يلا
قمر بتوتر:اه يلا
ادهم مسك أيدها الاتنين :متوتره من ايه انا معاكى
قمر بابتسامة:خلاص مش متوتره يلا ندخل
دخلوا إلى سميه
ادهم: عامله ايه يا ماما
سميه بحب: الحمدلله يا حبيبى
خدت بالها من قمر إلى كانت وراء ادهم
سميه بإعجاب:دى قمر صح
ادهم بابتسامة:صح
سميه حضنتها:بسم الله مشاء الله قمر وهى قمر فعلا
قمر بخجل: تسلمي يا طنط
سميه:لا طنط ايه قوليلي ماما ذى ادهم انتى خلاص بقيتى بنتي
قمر بابتسامة:حاضر يا ماما
سميه:حضرلك الخير والهناء يلا يا حبايبى الاكل جهز
وقعدت سميه فى مقدمة السفره وعلى اليمين قمر والشمال ادهم وحست بسعاده أن خلاص ربنا ريح قلب ابنها ورزقه ببنت الحلال
وبعد شويه
سميه:خدى دى يا قمر يلا ودى كمان
قمر باكل مالى بقها:والله يا ماما مش قادره خلاص معدتى هتفرقع
سميه:لا كولى كده واتغذى
ادهم:اه جبتلك إلى هتاكلك يا قمر
قمر:فرحان فيا صح
ادهم بضحك:اه عشان كنتى بتغلبينى فى الاكل
قمر:انا
ادهم :اه افكرك
سميه :خلاص بطلو نقار فى بعض انا هقوم اجبلكم الحلو تعالى معايا يا قمر
ادهم باصطناع الزعل:هتسبونى لوحدى
قمر :احسن تساهل
سميه :روح شوف بتعمل ايه يلا
ادهم بصدمه:انتو اتفقتو عليا من اولها
فى المطبخ واقفه سميه لسه هتقطع الكيك
قمر:لا يا ماما خليكى انا هعملها
سميه:مش عايزه اتعبك
قمر بحب:تعبك راحه
سميه:عارفه انا دخلتك معايا المطبخ ليه
قمر باستغراب:ليه
سميه:عايزه اقولك كلمتين وتسمعيهم الاخر
قمر :اتفضلى
سميه :انا ابنى مفيش اطيب واحن منه مش عشان هو ابنى لا هو كده فعلا بس غيرته عاليه جدا ووقت ما يكون متعصب بيحب يكون لوحده و والله بيحبك اوى وكان نفسي فى اليوم إلى نقعد فيه على سفره واحده واشوفه فرحان ومبسوط
سميه بعياط:هو اه مش ابنى من بطنى بس والله انا لو كان عندي ابن مش هحبه ذى ما انا بحبه هو سندى وضهرى بعد ما مدحت مات هو الحاجه الحلوه إلى فى حياتى وبحب اشوفه فرحان وبيضحك
قمر بدموع:والله هو محظوظ أنه عنده ام زيك والله هشيلو فى عينى وانتى فوق راسي
سميه بابتسامة:طب خلاص احنا قلبنها عياط كده ليه يلا أضحكى عايزه اشوفكم علطول فرحانين
قمر بابتسامة: حاضر
دخل عليهم ادهم
ادهم:انتو بتعملوا ايه ده كله ....ايه ده انتو بتعيطوا ليه
وحضن أمه وباس رأسها:ايه بتعيطى ليه يا حببتى
من تخمينى أن امى قالت كلام عني صح
قمر:كانت بتشكر فيك
ادهم:طب يلا اضحكوا كده يلا نخرج نقعد مع بعض شويه
وفعلا خرجوا والقعده كانت عباره عن ضحك ودفئ
ادهم:تعالى نقعد فى الجنينه شويه يا قمر
سميه بغمزه:الله يسهله
قمر بضحك:ماما كول اوى
ادهم باصطناع التناكه:مش امي
سميه :طب يا روح امك
ادهم بضحك: طب سلام عليكم
دخلوا إلى الجنينه
ادهم:مبسوطه
قمر بابتسامة:اوى بجد انا حسيت بدفئ وامان
ادهم: ولسه لما يتقفل علينا باب واحد
قمر بخجل: إن شاء الله
ادهم :ها نتجوز امتى تيجي نتجوز مع عز ومراد
قمر:لا انا مش عايزه اتجوز غير لما اخلص السنه دي ونكون اخدنا وقتنا كمان فى تحضير الشقه واجيب حاجتي ومنتسرعش
ادهم:على راحتك انا كده كده جاهز وعلى موضوع الشقه فا انا مش هجيب شقه
قمر باستغراب:امال
ادهم:انا هجيب بيت كبيره عايز ولادي إن شاء الله يتجوزو معانا فى نفس البيت كل واحد ليه دور لوحده
قمر :فكره حلوه اوي اتخيل معايا كده انت قاعد على سفره وعلى اليمين ماما سميه وعلى الشمال انا باقي السفره عيال وانا بطني قدامى
قمر فطست من الضحك :مستحيل لا لا لا
ادهم بضحك:اي إلى لا
قمر:مش عايزه اكون ارنبه لا كده كتير هو اخرنا تلاته بس
ادهم: زي ما قولت قبل كده لو جبتي ولد تفضلي تحملي لحد ما نجيب بنت والعكس تمام
قمر: ان شاء الله
وبعد شويه كتير
قمر بنعاس:انا عايزه اروح
ادهم:انتي خلصانه خالص
قمر:اه والله هموت وانام ورانا حاجات كتير بكره
ادهم:اه على رأيك يلا
قمر:هى ماما نامت
ادهم:لا تعالي سلمي عليها
قمر سلمت على سميه وبعد كتير من الاحضان ركبت قمر وادهم العربيه
قمر :متشغلش اغاني ونبي لحسن حاسه ان راسي هتفرقع
ادهم:طب اجبلك مسكن
قمر:لا انا هشرب كوبايه لبن وهنام وهبقي كويسه
ادهم:طيب هبقي ارن عليكي بكره اطمن عشان تنامي برحتك
قمر بابتسامة:تسلم نردهالك فى الافراح
ادهم بضحك :لا نامي احسن انتى ابتديتي تخرفي
وبعد شويه وصل ادهم
ادهم بابتسامة:ملاك يا حببتي وانتي نايمه ......طب اصحيها واشلها ولا اعمل ايه
وبعد تفكير :لا انا هشلها واطلعها فوق
جي يشلها لقي حد نده عليه
عز:ادهم
ادهم: مساء الفل
عز بضحك:مساء النور .....نامت ولا شربتها حاجه
ادهم بضحك:انا اقدر
عز:طب سبها انا هطلعها اوضتها
ادهم حس بغيره كبيره
عز بتفهم:عارف انك غيران بس دي بنت عمي وفي مقام اختي وبعدين لما تدخل البيت وتتقدم يبقي ليك حكم عليها
ادهم: والله لو عليا كنت عملت فرحي معاكم بس حكم القوي
عز بضحك:هي مسيطره من دلوقتى شاطره تربيتي
ادهم :اسكت انت وعلى إلى ميار بتعملوا فيك من ورانا
عز:هتكون بتعمل ايه يعني
ادهم بضحك:مظبطاك
عز:طب يلا اتكل انت عشان زمان البت تلجت
ادهم:براحه عليها تعمل الي هي عايزاه
وشال عز قمر وطلعها اوضتها
وقلعها الجزمه وغطاها كويس وباس رأسها وخرج
لقي جميله بتنادي عليه
عز:ايه يا امي الي مصحيكي لحد دلوقتي
جميله:ارق عادي يعني..وانت...
عز:كنت بطمن أن قمر رجعت
جميله:ليه هي كانت فين
عز:موضوع كبير وهبقي احكيلك عليه بعدين
جميله بتوتر:أنا وابوك عايزينك فى موضوع
عز:خير موضوع ايه
جميله:تعالي بس الاوضه وهفهمك
ودخل عز الاوضه وسلم علي أبوه وقعد
عز:قلقتوني فى ايه
محمد:قبل اي حاجه انا مكنتش اعرف حاجه عن الموضوع ده غير لما قرات جواب من مرات عمك
عز:خير يا جماعه احكوا
جميله بدموع:بس والله العظيم انت ابني وعمري ما حبيت حد زيك
عز بتوتر:انا مش فاهم حاجه ادخلوا فى الموضوع علطول
جميله :انا هقولك
فلاش باك من ٣٠سنه
جميله بعياط:مش حامل بردو يا محمد
محمد:ربنا لسه ماردش يا جميله كل شئ باوانه
جميله:مزهقتش مني وانا بقالي ٣سنين مبخلفش
محمد:احنا رحنا لاكتر من دكتور وقال انك سليمه ومفيش حاجه ودي اراده ربنا
وبعد يومين رنت ام قمر علي جميله عشان هما صحاب
جميله: ازيك يا حببتي عامله ايه
فيروز: الحمدلله بقولك هو انتي عملتي الاختبار
جميله بحزن:اه طلع سلبي
فيروز : إن شاء الله ربنا هيكرمك
جميله: الحمدلله.....ايه مش ناويه ترجعي انتي قربتي علي السنه اهو موحشتكيش ولا ايه
فيروز بتوتر:انا عايزاكي فى موضوع
جميله:قولي يا حببتي مالك
فيروز:لا هو موضوع عادي
جميله:قولي
فيروز:فى واحده صاحبتي كانت حامل وجوزها متوفي وهي بتولد ماتت وابنها لسه مولود بقاله يومين وكنت بفكر أنه يعني تتبنيه ينوب فيكم ثواب لحد ما ربنا يرزقكم
جميله:وانتي متخيله ان محمد هيوافق
فيروز :قوليله وشوفي هيوافق ولا لا
جميله:طيب هحاول
بالك
جميله بدموع:وفعلا كلمت ابوك وافق بالعافيه
عز ؛والولد ده يبقي انا صح
محمد:احنا مكناش عايزين نقولك بس الجواب ده هو الي اجبرنا نتكلم
اخد عز وانصدم من الكلام اللي فيه
عز بخنقه:يعني ايه
جميله:والله مكنتش اعرف انك ابنها هي مش صحبتها
عز بغضب:سبكم من الجواب فهموني انتو يعني ايه انا عايز افهم
جميله:فيروز اتعرفت على اخو محمد وهو كان شب متهور وبيغلط كتير ومبيعجبنيش تصرفاته وفي يوم فيروز جت عندي واتعرفت عليه واتصحب عليها وبيخرجو كتير وفى يوم قالت له انها مسافره امريكا عشان شغلها واتهور وسافر بعدها بيومين ولما كانو بيتعشوا هو زود الشرب شويه ومقدرش يمشي لوحده هي بصفي نيه  وصلته لحد جناحه بس هو غدر بيها واكتشفت بعد شهرين أنها حامل وجهتو وقالت له أنه لازم يتجوزها بس هو رفض ومرداش ورجع مصر تاني وهي فضلت تفكر هتعمل ايه جربت أنها تنزله بس المحوله فشلت وولدتك و جت بيك واول ما شلتك حبيتك واهتميت بيك وبعد ٥سنين
عمر الي هو عمك حب يرجع لى فيروز احلوت في عينه من تاني بعد ما بقت ناجحه وجرب يقرب منها  لاكن رفضت وهو اتعصب والعند كان مليه واتقدم لها وهددها أنه هيقول لي أهلها وقالها كمان أن مفيش حد هيعبرها وأنه الوحيد الى تقدر تتجوزه وهي خافت فا وفقت وانا حملت فى رنا اتجوزها وبعد بسنتين خلفوا قمر
عز بخنقه اكبر:طب ولما اتجوز لي معترفش بيا
جميله:فيروز حولت كتير بس هو رفض وأنه اصلا حاول يسقطها وهي حامل اكتر من مره وكان بيعاملها خدامه عنده وكان بيضرب قمر كل يوم وهي طفله وكانت بتعيط وكان ساعتها بيزود الضرب اكتر وجلها حاله نفسيه وجت قعدت معايا سنه لحد ما فيروز وعمر ماتو
عز : وانا جيت وزوت عليها
جميله بعياط:بس والله معرفش ولا كان أبوك يعرف
عز :قصدك عمي
محمد:لا انا ابوك غصب عنك وهي امك الام إلى ربت وسهرت عليك
جميله:وفيروز كانت شبه قمر طيبه وهو ضحك عليها وكانت بتجيلك علطول وساعات كانت بتطلب أنك تبات معاها
عز:وانا الي كنت حاسس بحاجه غلط اني بحبها وكنت بخون نفسي عشان ادهم بيحبها وطلعت اختي فى الاخر
جميله:متقولش لي قمر دلوقتى
عز:ده ليه
محمد:خليها بعد الفرح
عز: اختي ولازم تعرف انا هقولها بكره
ومشي عز ودخل الاوضه بتاعت الرياضه الخاصه بيه ولعب رياضه كتير وكان لاول مره عز يعيط وفضل سهران لي الصبح معرفش ينام
.......................................................
هستني رايكم في الكومنتات واعمل فولو ودوس علي النجمه❤️👀
Sohila Ahmed