احببت قمرا للكاتبه سهيله احمد

البارت الثالث عشر

ادهم فتح الباب لقى قمر فا دخلت
عز:أهدى والله هفهمك كل حاجه
قمر بانهيار:تفهمنى ايه تفهمنى ان انا اتخطفت بسببك وبقيت مدمنه بسببك كل مصيبه فى حياتى بسببك انت وانا الغبيه إلى قالت انك سندى بعد ابويا حرام عليك والله حرام افرض لما قربت منى حبيتك كنت هتعمل ايه ها كنت هتعمل ايه انطق كنت تفهمنى وانا مش هعترض انت اخويا وهى اكتر من اختى عشان كده كانت بتسال انت ايه بالنسبه ليا انطق رد ولا لما قربت منى فى الجنينه كان ايه
عز بلغبطه في الكلام:انا مكنش قصدى بس شفت داليا جاى مكنش فى نيتى انى اقرب منك بس ....انتى كان عندك حق تفكيرى غلط عشان ابعد ميار عشان حبتها وخفت عليها
قمر:وانا مش بتخاف عليا عشان ميحصلش ليها حاجه تيجى عليا يعنى لو كانت رنا مكانى كنت هتعمل كده لا أصل دى اختك ودى حببتك وانا مجرد بنت عمك اليتيمه إلى مفيش حد يسأل عليها وملهاش حد يجيب حقها
عز:مكنتش عايز كل ده يحصل بس اللواء قال إنها لازم تحس ان فى غيرها عشان تقرب منى ومجاش فى بالي غيرك
قمر:انت بتنيها اكتر اسكت خلاص الى حصل حصل متبررش غلطتك
جت تمشى افتكرت الهديه راحت لى ادهم
قمر:اتفضل يا ادهم شكرا انك كنت حنين عليا اكتر من الناس القريبه ليا ومتقلقش عليا خلاص هبقى كويسه انا مستغنيه عن مساعدتك ليا شكرا
ومشيت قمر
ادهم:حرام عليك ما صدقت أنها حست بيا انا بقالى سنين بحبها وبخاف اقول لتطلع بتحبك انت ويوم ما عرفت افتكرت انى بشفق عليها
ومشى ورا قمر
قمر عند شط البحر بتعيط على كل إلى حبتهم وكانو فى حياتها ذى ميار وعز وآخرهم ادهم إلى ابتدأت تحبه
جى ورها ادهم وقعد جنبها
ادهم :ممكن تربعى رجلك
قمر باستغراب:ايه
ادهم :ربعى رجلك
عملت إلى قلها عليه وحط رأسه على رجلها
ادهم:ينفع اتكلم من غير ما تقطعينى
قمر :اتكلم سمعاك بس قبل ما تتكلم انا عرفه ان إلى جوالك شفقه عليا وعلى حالتى و......
قطعها ادهم
ادهم: كل ده غلط انا بحبك من زمان بس كنت بخاف اقولك تكونى بتحبى صاحبى وكان افضل ليا أنى اشوفك فرحانه وابتسامتك علطول موجوده حتى لو انتى بعيده عنى
قمر باستغراب:ازاى
ادهم قام ومسح دموعها
ادهم:لما اشوف ضحكتك هحكيلك على كل حاجه
قمر بابتسامة:اهو
ادهم :شطوره
قمر:يلا احكى
نام على رجلها تانى
ادهم:انا كنت عيل عندى ٣سنين عملنا حادثه مات فيها ابويا وامى ودونى دار أيتام واتبنونى ناس طيبين اوى ماما سميه وبابا مدحت كانت ماما سميه مش بتخلف وبابا مدحت رفض أن هو يتجوز بعد مناقشات بنهم قالو هيتبنو طفل وكنت أنا إلى اتبنوه
ونزلت دمعه من عين ادهم مسحتها قمر
قمر بدموع:لو مش قادر تكمل خلاص متضغطش على نفسك
ادهم :لا انا عايز اتكلم
بعد سنه وانا معاهم دخلونى حضانه عشان مبقاش لوحدى وانا راجع لقتهم جابو ليا كلب لسه مولود عشان الدكتور قال انى كان عندى اكتئاب عشان لوحدى مع انهم مش خلينى محتاج حاجه وكانوا حنينين عليا اوى الكلب كل ما اكبر يكبر معايا كان صحبى لحد ما اتعرفت على مراد وعز فى الجامعه بسبب خناقه وضربت معاهم فا اتصحبنا حتى لما دخلنا تدريب شرطه كنا مع بعض وفى يوم الكلب تعب اوى فا جبت لى دكتور قال إنه لازم يسافر فا وكلت الدكتور أنه يسافر معاه لأن كنت مشغول اوى فى فتح الشركه مع مراد وعز وكل يوم بطمن عليه بس من سنتين انقطعت أخبارهم مش عارف مات ولا حصل فيه اى ومش عارف أوصله
قمر :هو سافر فين ودكتور مين ده
ادهم: ألمانيا ودكتور اسمه محمد حسن
قمر: كمل
ادهم: بس وبعد سنتين كمان مات بابا مدحت والحزن كان مالى البيت لحد ما مراد وعز خرجونى من حاله الاكتئاب إلى كنت فيها انا وماما سميه
وفضلنا انا وهى مبنخرجش لحد ما عز عزمنى عنده على الغدا وكان احلى يوم فى حياتى عشان شفتك بالفستان الابيض كنتى شبه الحوريه
قمر :وانا كنت معجبه بيك بس كنت سعتها صغيره مش فاهمه يعنى ايه اعجب بحد أو انى احبه
ادهم:كان عندك كام سنه
قمر:كان عندك انت كام سنه
ادهم:٢٤
قمر :نقص منه ٨سنين فرق بينا
ادهم :١٦سنه بس كنتى قمر اسم على مسمى ..ومن ساعتها وانا مرقبك
قمر بضحك:كنت بترقبنى
ادهم:اه والله انا عندى شقه محدش يعرف عنها حاجه فيها اوضه كبيره فيها كل صورك من ساعت ما شفتك وكل حلاتك سواء بقا فرح أو حزن أو عيد ميلادك أو فرح كنت بصورك دايما من غير ما تخدى بالك وكنت بكلم ماما سميه عليكى علطول
قمر:طب توعدنى لما نرجع اشوف الشقه وماما سميه
ادهم:ده انتى هتحبيها اوى
قمر:طبعا مش ماماتك
ادهم:اي رايك
قمر:فى اى
ادهم:فى اعترافى ليكى
قمر:بص انا عايزه شويه وقت بس ممكن
ادهم:طبعا
قمر: متزعلش بس محتاجه شويه وقت
ادهم:متفهمك...... استنى بقا أما اشوف الهديه إلى جبتيها
فتحها لقى ساعه و اسوره عليها حرفه بالاسود ولونها بيضاء
ادهم:حلوه اوى .....ولبسها
قمر :طب بص
شاف اسوره سوده وحرفها بالابيض
ادهم:تحفه متقلعيهاش وانا مش هقلعها
قمر: عنيا ...طب يلا ندخل
ادهم:يلا
دخلو جوا شافت ميار بتعيط فى حضن عز ولما شافت قمر جريت عليها وحضنتها
ميار:انا اسفه عارفه انى ندله ومستحقش انى اكون صحبتك بس انا اسفه والله اسفه انا مكنتش اعرف انها توصل لى كده وكنت عايزه احكيلك كل حاجه بس كنت خايفه من رد فعلك سمحينى ونبى
وفجاه
............................................................
هستني رايكم في الكومنتات واعمل فولو ودوس علي النجمه❤️👀
Sohila Ahmed