بعد مرور ٨ سنين و ٩ شهور
قمر وادهم جابوا
(تيم وتميم ٨ سنين، سائر وساجد ٤سنين)
ميار و عز جابوا
(آدم ٩سنين، تالين ٦سنين، كنان٤سنين)
رنا ومراد جابوا
(هنا ٩سنين،مالك ٧ سنين ،كايلا ٣سنين)
وميار ورنا اتحجبوا وبقوا تلت حوريات
...............................................................
وجي يوم الجمعه عاده عندهم تجمع العائله في بيت محمد
قمر بتعب:خد يا عز هوي علي الحمه انت مش قادره اقف
عز:انتي في الشهر الكام
قمر بضحك: ما بعدش يا جيمي
ادهم بضحك:اهو دخلت علي التاسع من اسبوع ادعلها
قمر:اه ونبي ادعي انها تكون بنت لحسن خلاص مش قادره احمل تاني
عز:ايه الي دخل البنت في الموضوع
قمر:ادهم قال إني هفضل احمل كده لحد ما نجيب بنت
عز:يلا ربنا معاكي لحسن خلاص بقيتي شبه الارنبه
قمر:شكرا
عز:طب مش راضيه تعرفي جنسه ليه
قمر:لا سبتها علي ربنا عشان خلاص تعبت
مراد: ربنا يقومك بالسلامه
قمر:تسلم يا مراد
رنا:يلا باقي الاكل هيبرد ده كله بتشوي الحمه يا عز
عز: خلصت اهو
وبداو ياكلو وخلصوا والبنات جهزو تسالي وخرجوا الجنينه كلهم عشان يقعدوا مع بعض
كايلا:بابي
مراد:ايه يا قلب بابي
كايلا:كنان قالي ما العبس(ما العبش) مع حد غيره وكل ما العب مع حد تاني يضلبني (يضربني)
مراد:عز ابنك كل شويه يضايق كايلا
عز:اهو عندك كلمه راجل لي راجل
مراد:انت يلا بتضربها ليه
كنان:ما هي الي مبتسمعش الكلام وبتلعب مع سائر وساجد
مراد:ما تلعب برحتها
كنان:لا متلعبش مع حد غيري انا لما اكبر هتجوزها ومش هخليك حتي تشوفها
كنان مسك كايلا وجري
مراد:يا ابن ال .....والله عيل محتاج يتربي
عز:انا مخلفتش عيال انا مخلف رجاله
رنا:خلاص يا مراد اطفال مع بعض
ميار :تعالو نلعب
قمر : يعني بقيتي ام ولسه هبله
ميار:انا ام هبله يا ستي تعالي نلعب لعبه القزازه
كلهم :تمام
لفت القزازه اول مره وكان علي مراد وقمر
مراد: مش عارف اسال علي ايه
قمر:اي حاجه
مراد بتفكير:اي اصعب حمل بالنسبه ليكي
قمر:سائر وساجد لأن مكنتش قايله لحد اني حامل لحد الشهر الخامس
عز:عشان مامت ادهم الله يرحمها
قمر:اه
قمر مسك ايد ادهم وابتسمت
ميار:معلش فضول بس هو انتي مقولتيش لحد ليه
قمر بصت علي ادهم :اقول
ادهم:اه عادي
قمر: اكتشفت أن مامت ادهم عندها كانسر ومردش اني اقول لحد بس مقدرتش وقولت لي ادهم بعدها بسنه من العلاج تعبت وتوفت يوم الجنازه تعبت وكشفت وطلعت حامل مكنش الوقت المناسب اني اقول فيه استنيت شهر بس لقيت أن ادهم حالته وحش والبيت وتيم وتميم بردو نسيت خالص وجي بعد اربع شهور تعبت ونزفت جامد ادهم وداني المستشفي واكتشف اني حامل في خمس شهور وزعل طبعا مني بس الخبر دا فوقه ورجع شغله وبقي ياقعد مع الاولاد اكتر ومهتم بحملي وفي يوم روحت لدكتوره بتاعتي ونويت أن لو طلعت بنت إن شاء الله هسميها سميه بس قالت اني حامل في ولدين
مراد:ربنا يرحمها
ادهم بتأثر:يارب
عز:اقراوا الفاتحه
وبعد قرأت الفاتحه قاعدوا يكملوا لعب وبعد شويه قمر حست تعب
قمر:ادهم
ادهم:مالك يا حببتى
قمر:انا بولد بس
ادهم شال قمر بسرعه وطلعوا علي المستشفى
قمر: هتدخل معايا
ادهم:اكيد مش هسيبك لوحدك
قمر :ادهم ....انا بحبك
ادهم:وانا اكتر ....استحملي معلش
وبعد شويه ولدت قمر اجمل بنوته
ودخلت اوضه عاديه
قمر:ايه يا ادهم بنت ولا ولد
ادهم بضحك:اترحمتي طلعت بنوته
قمر: الحمدلله...هات اشوفها
ادهم:شبهك اوي
قمر:الله اكبر .....هنسميها ايه يا ادهم
ادهم بتفكير: ليان
قمر:حلو اوي بس معناه ايه
ادهم: يعني معناه العيش في حياه لينه ورخاء عشان تخلي حياتنا سعيده
قمر:الله جميل اوي
ودخل الكل وباركوا لي ادهم وقمر
..........................................................
بعد اسبوع في السبوع وجم يتصوروا صوره عائليه
قمر وقفت جمب ادهم وفي ايدها ليان ووقف جنبهم باقي اولادهم
قمر:لسه بتحبني بعد ما بقيت ام لي خمس اطفال
ادهم:انا حبيت قمر ولسه قمر ذي ما انتي
قمر:بجد
ادهم بابتسامة وحب: لقد احببت قمرا
وتم التقاط الصوره
...........................................................
الحب مهما يمر بيفضل يكبر والصداقه الي بينهم هتكبر والسعاده هتملى البيت بوصول الطفل الجديد ولو فاكرين خلاص ان القصه انتهت لا احنا لسه في البدايه دول لسه هيكبروا ولسه قدامهم قصه حب بس يا تري كل واحد هيلاقي قمره الجديد ولا مش .......هيلحق ولي القدر راي تاني
.......................................................
هستني رايكم في الكومنتات واعمل فولو ودوس علي النجمه❤️👀
Sohila Ahmed
أنت تقرأ
احببت قمرا للكاتبه سهيله احمد
General Fictionثلاثه يختلفون عن بعضهم عاشقون دائبين في الحب اتظنون انهم عاشقون لنفس الأنثى ام كل واحد يحب واحده اخرى ولكن حدث مالم نتوقعه اكانت هذه اختي💔
