وقف عز ببرود: هو انا مش قولت انى مبحبش حد يعلى صوته
قمر بدموع: انا ما اسمحش ان انتى تتكلمي عليا بالطريقه دي وانت فهمتي غلط على فكره و..
عز باعتراض: انتى مش مضطره تبرري لحد
اتعصبت داليا ودخلت الفيلا وفجاه شافت ميار خارجه من الاوضه وخرج ادهم بعدها اتعصبت
داليا : يا سلام وانتم كمان مقضينها راحت لي محمد
والله ما اعرفش ان حضرتك فاتح ڤيلتك للعشاق واحد الاقيه في الجنينه وحاضن قمر والتانيين شيفاهم خارجين من الاوضه والله اعلم بقى رنا ومراد بيعملوا ايه
مراد : انا ما اسمحلكيش انك تغلطي فينا انتى فاهمه انا عامل احترام بس لصاحبي
عز: داليا اسكتي
داليا: وان مسكتش هتعمل ايه
عز: انتي بتهدديني
داليا بدلع وقربت عليه: لا طبعا طب اعمل ايه شفتك مقرب من واحده تانيه لو كنت في مكاني كنت هتعمل ايه
عزببرود : يلا عشان انا جعان
ده كله قمر عماله تعيط ما قدرتش تقعد فطلعت اوضتها رنا وميار لسه هيقوموا يصالحوها
عز: خليكوا قاعدين ما حدش يقوم انا هطلع لها
طلع عز اوضه قمر وخبط
عز: ممكن ادخل
قمر: اتفضل
عز: اللي مطلعك ده حتى شميت ريحه الاكل اللي انتى عملتيه تحفه
قمر وهي بتمسح دموعها: انا مش جعانه كلوا انتم بالهناء والشفاء
عز: طب اديني قاعد ومش هنزل غير لما تنزلي
قمر: مش عايزه اعمل لك مشاكل مع خطيبتك
عز بجديه: ده بيتك مش بيتها وقدامي دلوقتي بدل انزلك بطريقتي
قمر: مش هقدر انزل كل انت بالهناء والشفاء
عز: طيب انا هتصرف
فجاه عز قام وشال قمر : تحبي تنزلي كده
قمر : لا لا خلاص نزلني وانا همشي
عز بضحك: ناس ما بتجيش غير بالعين الحمراء
قمر ضحكت ونزلت مع عز
فجاه وهم في نص الاكل قال
عز: بما ان الجامعه هتبدا بعد اسبوعين فا ايه رايكم اننا نسافر في اي حته
جميله: فكره حلوه يا ابني في نفس الوقت نريح اعصابنا
داليا بدلع: يا ريت يا بيبي نروح الساحل
عز: لا قمر هى الى هتقرر نروح فين
قمر بتوتر: عادي مش هتفرق معايا اللي انتم حابينه
عز:قولى نفسك تروحى فين
قمر: ممكن شرم هواها حلو
عز: خلاص حضرو نفسكم ان كلنا هنسافر شرم بعد بكره
قمر بصت لعز وبصت على ميار فهم عز على طول اللي هي عايزاه
عز : وانتى معانا طبعا يا ميار
ميار بخجل: لا دي رحله عائليه يعني اطلعوا انتم مش مشكله
عز: ما بقولش كلامي مرتين هتيجي هنا ونمشي سوا من هنا
ميار بفرحه: شكرا يا عز
عز غمز لميار من غير ما حد ياخد باله
واخيرا انتهى اليوم الصعب ده وكل واحد دخل ينام في اوضته
فجاه في نص الليل قلقت قمر وقالت تنزل تعمل كوبايه لبن دافيه
هي في المطبخ سمعت صوت حركه بتلف قمر تشوف مين ولسه هتصوت لقيت حد حاطه ايده على بقها وقال: بس هتفضحينا هيقولوا بخطفك
قمر: عز خضتني
عز بمرح: بتعملي ايه في الوقت المتاخر ده
قمر: مفيش قلقت وقلت اما اعمل كوبايه لبن دافيه..... وانت
عز: انا بقى قلت انزل اشرب ميه
قمر بخجل من منظر عز الى ما خدتش بالها من ان عز عاري الصدر
قمر : طب تصبح على خير بقى انا طالعه
فخد باله فحب ينغشها
عز بيقرب: هتطلعي دلوقتي ما تخليكي شويه
قمر : لا انا عايزه انام تصبح على خير بقى.
وطلعت جري على اوضتها
عز بيمسح على شعره: امتى المهمه دى تخلص بقا يارب.
................................................................
هستني رايكم في الكومنتات واعمل فولو ودوس علي النجمه❤️👀
Sohila Ahmed
أنت تقرأ
احببت قمرا للكاتبه سهيله احمد
General Fictionثلاثه يختلفون عن بعضهم عاشقون دائبين في الحب اتظنون انهم عاشقون لنفس الأنثى ام كل واحد يحب واحده اخرى ولكن حدث مالم نتوقعه اكانت هذه اختي💔
