طلع نهار جديد علي ابطالنا
قمر صحيت علي صوت الموبيل
قمر بنوم:سلام عليكم
ادهم:عليكم السلام.... صباح الفل
قمر بابتسامة: صباح الخير
ادهم:عامله يا حببتي
قمر: الحمدلله بخير وانت
ادهم:اهو مستني
قمر:مستني ايه
ادهم:اليوم الي هصحي فيه الاقيكي في بيتي وبتحضريلي الفطار كده في المطبخ وادخل اخضك
قمر بضحك: نيتك شر اوي
ادهم بابتسامة:ايه عندك ايه انهارده
قمر:هروح اوضب هدومك وحاجات كده في المطبخ وبعد كده الحنه
ادهم: طيب وانا عايزك تيجي معايا اجيب خزين الاكل
قمر:اهم حاجه اندومي كتير وجبن اكتر
ادهم بضحك:دا اكيد .. انتي بتحبي الجبن كتير اوي
قمر: اوي اي حاجه عليها جبن كده وسيحه بتبقي جامده
ادهم:طيب هننزل ونقي الي تحبيه
قمر:تمام ....سمعت ان في حفله للرجاله بليل
ادهم:اه حفله صحابي عملينها لتوديع العزوبيه
قمر: هتبقي مليطه
ادهم بضحك:حصل
قمر:لو حصل حاجه انا هعرف وبعدين عندنا فرح بعدها ولازم تصحي بدري
ادهم:عنيا
قمر:بقولك خلي مامتك تيجيب هدومها عشان الحق ارتبها
ادهم بتسال:هدوم امي
قمر:طبعا مش هي هتعيش معانا
ادهم: كنت عايز اكلمك في الموضوع ده بس قولت بعد الجواز
قمر:انت فاكر اني هعترض أن مامتك تعيش معانا
ادهم:مش حكايه اعتراض بس
قمر:ادهم دي مامتك وانت ابنها الوحيد لو مش هتعيش معاك هتعيش مع مين لوحدها افرض تعبت افرض احتاجت حاجه مين يبقي جنبها وبعدين مامتك مش بعتبرها حماتي دي امي ذي ما هي امك
ادهم بإعجاب:انتي كتير عليا اوي
قمر :مش كتير ولا حاجه دي اصول لو مامتي كانت عايشه لوحدها مكنتش هتعمل كده
ادهم:طبعا كنت هعمل كد
قمر : طيب يبقي خلاص
ادهم : بحبك اوى يا قمري
قمر:وانت اكتر يا دومي ...يلا هقوم البس عشان اجيلك
قفلت قمر كلمت البنات عشان يروحوا معاها على الشقه وهي عدت على ادهم
دخلت قمر البيت بمرح
قمر: صباح الفل يا سمسم
سميه: صباح الخير يا حببتى
قمر: عامله ايه
سميه: الحمدلله
قمر: دايما يارب....ايه فين شنطك عشان البواب يخرجها في العربيه
سميه باحراج: والله محرجه ان انا هاجي اقعد معاكم
قمر: محرجه من ايه ده بيت ابنك يعني ذي بيتك بالظبط
سميه:حببتي تسلميلي
قمر: الله يسلمك
سميه: انا هودي الشنط لما تقول ان انكم راجعين
قمر:مش هضغط عليكي برحتك ....فين ادهم
سميه:في الاوضه بقاله ساعه
قمر:تسمحيلي اطلعله
سميه:ده جوزك يا بت وده بيتك اعملي الي انتي عايزاه
قمر: هروح اخضه اشمعنا انا
طلعت قمر الاوضه فتحت الباب ملقتش حد بتتجول في الاوضه جاي تلف خبطت في ادهم
قمر حطت ايدها على وشها: في حد يخرج كده
ادهم كان بالبنطلون وعاري الصدر
ادهم:انتي داخله اوضتي على فكره
قمر:خلاص اهو هخرج
ادهم بيعترض طريقها:انتي فاكره دخول الحمام ذي خروجه
قمر: ابعد ٥او١٠متر عشان النفس كده
ادهم:ولو مبعتش
قمر: هصوت والم عليك الناس
ادهم:امي عارفه كل قاذوراتي وبعدين علي رايي مراد هو انا شاقطك
قمر:وبعدين عايزه اخرج
ادهم:لما البس ابقي اخرجي....أو اقولك اختاري انتي ولبسيني
قمر:البس مين هو انت رايح الحضانه
ادهم:انتي الي جبتيه لنفسك
رجعها لورا لحد ما لزقت في الحيطه
ادهم:كنتي بتقولي ايه
قمر : ولا حاجه كنت بكح
ادهم:صالحيني
قمر:ازاي بقا عايزه اخرج
ادهم شاور علي خده
قمر بتوتر:هااا
ادهم: بوسه
قمر: لا البسك احسن
ادهم:مش بمزاجك خلاص يلا والا هخليكي تنامي هنا
قمر:طب لف جامد واوعي تتحرك
ادهم:هو انتي بتديني حقنه عضل
قمر: إذا كان عجبك
ادهم:طيب اهو
طبعه قبله رقيقه علي الخد
ادهم:مش حلوه كده لا مش بنفس
قمر:بالله عليك خلاص
ادهم:عادي انا هاقعد كده لصبح
قمر:طيب يارب نخلص
جات تبوس في خده لف وشه (طلع قليل الادب)
وبعدها قمر جريت علي تحت وقالت لي سميه انها هتستني في العربيه وادهم طول الطريق ميت ضحك وهي وشها محمر
راحوا البيت رصت الحاجه وخلصوا الشقه و راح كل واحد عشان يجهز لحفلته
عند البنات كل واحده بتجهز للحنه اخذوا بالهم ان قمر سرحانه
رنا:بت يا ميار هي قمر مالها
ميار:مش عارفه بس عامله ذي الافلام التركيه
رنا:طب تعالي نشوف
رنا :بت يا قمر
قمر:هاا
ميار: مش هتقومي تجهزي هدوم الحنه
قمر:جاهزه متقلقيش
رنا:بت انتي مش عجباني
قمر بتوتر:ليه يعني
ميار:مش مرتحالك
رنا: حصل ايه
قمر:لا لا مفيش حاجه
ميار:خلاص هرن علي ادهم واعرف
قمر بتسرع:لا لا
رنا:يبقي تقولي
وحكت قمر الي حصل والبنات ميتين ضحك
قمر :انا غلطانه اني حكيت
ميار بضحك:بقا كل ده عشان كده يخربيتك كنت مفكره أن عمل حاجه اكبر
قمر:بطلي قله ادب والا والله اسيبك الاوضه وأخرج
رنا بضحك: خلاص خلاص نتكلم جد ..ايه الي مضايق
قمر :المشكله اني مش مضيفه ومش عارفه ايه الشعور ده حاسه اني مخضوضه
ميار:طيب متفكريش فيه وحاولي تعدي الموقف الي مفهوش حاجه اصلا
قمر:انا غلطانه يلا اطلعوا بره
قمر خرجت البنات بره وبتجهز لحفله الحنه عشان اصحابها لما يجوا
وادهم قرر يروح لي قمر قبل الحفله وجاب لها شيكولاته وفعلا عدي عليها ودخل البيت لقي جميله وسميه تحت
ادهم:مساء الخير
جميله:مساء النور اذيك يا عريس
ادهم: الحمدلله امال فين العروسه
جميله : فوق مع البنات مستنيين صحابها لحد ما يجوا
ادهم:طيب انا هطلع ومتقلقوش هخبط وهولقها تخرج بره الاوضه
جميله:طول عمرك بتفهم في الاصول
سميه:تربيتي
استاذن ادهم منهم وطلع لقي الباب مفتوح حته صغيره ولقي قمر واقفه علي السرير وبترقص ولبسه هدوم اسكندرنيه
وهو بيتفرج بإعجاب
لحد ما فاق وقرر أنه يقولها تخرج رن عليها وهي لبست إسدال ونزلتله
ادهم :انتي حاطه الطرحه دي ليه ده انا حافظه
قمر بخجل:هو كده وبعدين مش انت قولت عندك حفله
ادهم :قولت اعدي عليكي قبل ما اروح وجبتلك دي ( كانت شوكولاته)
قمر:شكرا
ادهم : العفو ....تعالي اصالحك
قمر :شكرا انا كده تمام
ادهم:تعالي بس انتي مش حاسه انك زعلانه
قمر:لا والله حسا انا كده ذي الفل
ادهم استني شويه وقلها تشوف الي وراها
فطبع القبله على خدها ومشي
وهي طلعت فوق للبنات واصحابها جم وابتدوا الحفله
وعند الرجاله متجمعين في بيت ادهم
الحفله وكل واحد اطمن على الثاني وروحوا بيتهم وانتهى اليوم بسلامه
..........................................................
هستني رايكم في الكومنتات واعمل فولو ودوس علي النجمه❤️👀
Sohila Ahmed
أنت تقرأ
احببت قمرا للكاتبه سهيله احمد
Ficción Generalثلاثه يختلفون عن بعضهم عاشقون دائبين في الحب اتظنون انهم عاشقون لنفس الأنثى ام كل واحد يحب واحده اخرى ولكن حدث مالم نتوقعه اكانت هذه اختي💔
