احببت قمرا للكاتبه سهيله احمد

البارت التاسع عشر

طلع نهار مليان احداث
قمر صحيت اتوضت وصلت فرضها ولبست بنطلون boy friend جينز وبلوزه بيضاء بكم وفجاه الباب خبط
قمر :اتفضل
عز دخل
عز: صباح الفل
قمر باستغراب: صباح الخير
عز:يلا اجهزي عشان هنفطر كلنا مع بعض ونروح الفندق سوا
قمر:تمام
نزلت قمر وقعدت على السفره
قمر : صباح الخير
كلهم: صباح النور
عز:افطري عشان عايزك في موضوع
قمر:خير موضوع ايه
عز:قولت لما تخلصي اكل
محمد بيوشوش عز
محمد:خليها بعد الفرح
عز:اختي ولازم تعرف وبعدين لينا قاعده مع بعض
محمد:مهما كنت عايز ايه انا ابوك غصب عنك لاني انا الي ربيت انا الي سهرت وامك الي هي جميله كبرتك وربتك وخليتك شحط اطول منها
عز: تمام
قمر معرفتش تاكل اصلا متوتره من تعامل عز ليها
جميله:مبتكليش ليه يا حببتى
قمر: لا انا شبعت ...خلصت اكل يا عز
عز:طيب عشان انا عارف انك مش عارفه تأكلي اصلا فا هكلمك ونرجع نفطر تاني
قمر:تمام يلا
دخلوا غرفه المكتب وعز قفل الباب وقاعدو علي كرسيين قدام بعض
عز مسك ايد قمر :مهما كان الي هقوله عايزك تسمحينى واني لسه عارف الموضوع ده امبارح ومكنتش هستحمل اخبيه عليكي
قمر بتوتر:انت خوفتني
عز :قمر انا اخوكي
قمر بصدمه:هااا
عز شرح كل حاجه لقمر
قمر انهارت من العياط ...قام عز وحضنها لاول مره وهي لما صدقت أنها لقت اخ وسند ليها حقيقي مش ذى ما كانت بتقول ذي اخوها
وفجاه دخل عليهم ادهم وانصدم من المنظر وقفل الباب وخرج
عز:لازم اروح للحيوان ده عشان ميفهمش غلط
قمر :لا انا هروحله وبعدين متقولش عليه حيوان
عز :مش وقته نحنه ياختي وبعدين مفيش الكلام ده لما يجيي يطلب ايدك مني وانا افكر اقبل ولا لا
قمر:انت هتعمل اخ من اولها
عز حضنها:وإذا كان عجبك
قمر بشعور امان :عجبني هو انا اطول
خرج عز ورا ادهم الي كان في الجنينه
عز :حمار ومتسرع طول عمرك
ادهم بعصبية:اه طبعا هتقولي جايه تقع فا لحقتها ووقعت في حضني صح
عز بضحك:فلم عربي قديم جدا
ادهم:انا همشي
عز:استني وبعدين يا مخ الجموسه انا الي قايلك انك تيجي
ادهم ببرود:وبعدين
عز :انا هقولك بس اهدي واتعود علي الوضع لاني هحضنها دائما سوا ادامك أو من وراك
ادهم :ليه اختك وانا معرفش
عز:اه قمر تبقي اختي وانا مش ابن محمد ولا جميله
ادهم بصدمه :هااا
وبعد شرح الموقف دخلو عشان يكملو فطار وعز حكي لي رنا ومراد وميار
رنا بحزن :يعني انت كده مش اخويا ومينفعش احضنك ولا حتي انام معاك لما ابقي خايفه
مراد :بتنامي مع مين يا روح خالتك
عز:اتلم... متقلقيش يا حببتي انتي اختي بس في الرضاعه لاني كنت بيبي مكملتش يومين
رنا بفرحه:طب الحمدلله
ضرب مراد رجل رنا من تحت الطربيزه
رنا :اه
عز:ايه مالك
رنا :لا مفيش
عز بشك:ماشي كملوا اكل عشان انهارده يوم متعب وأدعوا أنه يعدي علي خير وكلكم تخلوا بلكم من نفسكم مراد هيبقي مع ماما وبابا وادهم انت وواحد معاك مع البنات
جميله باستغراب:ده كله ليه
عز:هتعرفي بعدين يلا
وانطلقو بالعربيات الي الفندق وكل واحد ابتدي يجهز والعروسه واهلها بردو
قمر لبست dress اسود طويل مفتوح من الرجل لحد تحت الركبه بكم واحد من الشيفون وجزمه سوده
رنا لبست dress اخضر زيتوني نفس تفصيله قمر وجزمه من نفس لون الفستان
ميار نفس فستان رنا وقمر بس بالون الاحمر الناري وجزمه من نفس لون الفستان
خبط ادهم ودخل
ادهم بتصفير:ايه الحلاوه دي
قمر بخجل :حلو
أدهم:طبعا بس مش مفتوح اوڤر من الرجل
قمر :طب اعمل ايه
ادهم بحنيه:متلبسوش تاني
قمر:ماشي
ادهم:نفسي اعرف ليه بتلبسو ذى بعض
رنا :احنا بنحب كده
ادهم:طيب نتكلم جد شويه
كلهم:اتفضل
ادهم:كل واحده يبقي معاها سلاح احطياتي
قمر بخوف:ليه
ادهم باطمئنان وحب:عادي للامان مش اكتر وانا معاكي اهو
ميار بخوف :طب احنا مبنعرفش نمسكوا اصلا
ادهم:طب انا هوريكم
وعلمهم ازاي يضربوا بيه
ادهم : كده تمام يلا عشان نروح نشوف عز
راحوا اوضه عز لقوه خارج منها هو ومراد
ادهم:رايح فين
عز:مش عارف داليا عايزاني اروح وقالت اني اجبكم معايا
ادهم باستغراب:مقلتش ليه
عز:لا
قمر بخوف:عز احنا خايفين
عز حب يطمنهم فحضنهم كلهم :مفيش حاجه هتحصلكم طول ما انا عايش
ادهم:انت استحلتها اوي
مراد:اوي اتنين اخواته وواحده حبيته
عز :خطبتي إن شاء الله انهارده
ميار:ازاي
عز :لا دي مفاجاه يلا نروح لي داليا
وداخلو عند داليا وانبهروا بجمالها وفستانها
ضربت ميار رجل عز
عز:اه في ايه
ميار بغيره :عينك
عز بضحك:حاضر
داليا طلبت من كل الي بيسعدوها في الاوضه أنهم يخرجوا
عز:في ايه
داليا :انا عارفه كل حاجه
عز :يعني ايه
داليا :عارفه انك المفروض انهارده تقبض عليا انا وزياد وكامل الي انتم فكرينه ابويا
كلهم بصدمه:ايه
داليا:يوم ما اتخنقت قمر مع عز وانا سمعت كل حاجه وعرفت المهمه بتعتك
عز:وايه حوار كامل الي فكرينه ابوكي
داليا:كامل ده راجل زياد كان بيلعب معاه قمار وكان عليه شيكات كتير ليه واحنا كنا ساكنين في حاره معفنه جي يوم وقالي أنه مديون كتير لكامل وانا رحت معاه عشان اتوسله أنه ميعملش حاجه لي زياد مع اني الي كنت بصرف وبشتغل فا لما كامل شفني عجبته وقرر أنه يكلم زياد أنه يبعني ليه ويديله مبلغ حلو وكمان يقطع كل الشيكات ويشتغل معاه زياد وافق بس انا مردتش فعرض عليا الجواز بس في السر وبعد ضغط كتير وضرب وتعذيب من زياد وفقت وكنت في نظر المجتمع اني بنته وزياد اخويا وكنا مسافرين بره ولما عز حب يتعرف عليا بسبب المهمه حب الفكره وقالي اني اكمل معاه ولما عز عرض عليا أنه يخطبني كامل وافق وطلقني عشان يكمل الفكره الي في دماغه اني اتجوز عز ويعرف منه كل المعلومات عشان يساعدهم في الصفقات المشبوهه الي بيعملوها
عز:وبعدين عايزه ايه يعني
داليا:مش عايزه حاجه انا الي هسعدك تقبض عليهم خد دول شويه ملفات غير الي ختهم من الڤله عندي هيسعدوك اكتر
عز باستغراب:عرفتي منين
داليا بابتسامه:شفتك لما كنت بتحط المنوم في العصير فا مثلت اني بنام عشان اشوفك هتعمل ايه وبعدين شكيت فيك ولما سمعت الخناقه الي بينك وبين قمر اتاكدت وقررت اسعدك
عز:طيب متخفيش انا هقولهم انك سعتيني وتكوني شاهد ملك
داليا بابتسامه :مش فارقه عادي
ميار:علي قد ما كنت بكرهك علي قد ما احترمتك وحبيتك
داليا:شكرا ومبروك
ميار:علي ايه
داليا بصت علي عز :انتو شبه بعض ربنا يكملكم علي خير
قمر:انتي تعبتي اوي في حياتك
داليا بدموع: الحمدلله
قمر حضنتها:خلاص متعيطيش
داليا: مسمحانى
قمر:مسمحاكي
عز:طيب يلا عشان الناس ابتدأت تيجي ظبطي نفسك وانا هروح الاوضه اسلح نفسي
داليا:حاضر
عز:متخفيش انا معاكي وهتخرجي منها
داليا بابتسامه: ان شاء الله
والي ميعرفوش أنه كان في حد سامع كل حرف
عز في اوضته بيجهز نفسه الباب خبط ودخل جارسون
عز:نعم
الجارسون:مدير الفندق باعت لحضرتك عصير وشكولاته وبيقولك مبروك
عز: الله يبارك فيك شكرا
واخد عز واحده من الشكولاته: الواحد ياخد طاقه عشان يعرف يكمل اليوم ده
عند داليا دخل كامل عليها
كامل :عروستي الحلوه
داليا:نعم
كامل :معلش يا بنات اخرجوا عشان عايزه بنتي في كلمتين وهي كده قمر مش محتاجه حاجه فا امشوا بقا
وخرجو البنات
داليا:صدقت نفسك انك ابويا ولا ايه
كامل :ومصدقش ليه
داليا:هاا نعم عايز ايه
فجاه كامل مسك شعر داليا
كامل بعصبيه:بقا بتسلميني ليهم ده انا لميتك من الشارع يا معفنه
داليا بوجع :اه شعري سبني انت بتتكلم عن ايه
كامل :عامله نفسك مش فاهمه علي الورق الي ادتيه لعز
وضرب داليا لحد ما كانت هيغمي عليها
كامل:لازم تاخدي جزاك
طلع سلاحه وضرب داليا رصاصتين في بطنها
وداليا ماتت وفجاه دخل شخص الاوضه
فلاش باك
وفي مكان تاني في اوضه البنات
قمر:انا خايفه اوي مش مطمنه
رنا:وحياه امك انا خايفه لوحدي
ميار: انا حاسه بشكه في قلبي ......انا هروح عند عز
قمر:وانا هروح عند داليا صعبت عليا اوي
رنا :هي جت عليا انا هروح عند مراد
وكل واحده مشيت
فعلا عزيزي المشاهد الي دخلت علي كامل هي قمر
باك
قمر جت تخرج لحقها كامل في الممر وخرج من جيبه حقنه مخدر وادها لقمر وجسمها ارتخي
وجيه عليه زياد
زياد :انت عملت ايه
كامل :خد دي العربيه وهدخل اخد مسدسي من جوا
زيار بحزن:انت قتلتها
كامل :ده عقاب الخاين
زياد:انا غلطان اني قولتلك الي سمعته
كامل:لو مكنتش قولت كنت هتبقي جنبها
وفعلا زياد اخد قمر وكامل استعد للهرب
وفي اوضته مراد دخلت رنا
رنا:ايه الشياكه دي
مراد:ايه الي جابك
رنا:يعني انا بقولك اي الشياكه دي وانت تقولي ايه الي جابك
ادهم:هو مش بيهزر انا قولت محدش يخرج من الاوضه صح
رنا:مش انا الوحيد الي خرجت
مراد وادهم:نعمممم
رنا بتوتر:ايه
وفجاه سمعوا صوت صويت من جاي من اوضه عز
جريوا وانصدموا من الي شافوه عز بقا بيجيب حاجات بيضه من بقه ووشه مزرق وميار قاعده عماله تعيط
ادهم :عز ....عز ...مراد جيب الإسعاف بسرعه
مراد :حاضر
ادهم بخضه :قمر فين .. انطقوا قمر فين
رنا بعياط:راحت عند داليا
ادهم خرج لرجاله الأمن بره :اتنين ينزلوا يامنوا جميله ومحمد واتنين مع مراد وانتوا تعالوا ورايا
راح ادهم اوضه داليا لقاها طبعا مقتوله
ادهم:ينهارد اسود ...... تعالوا معايا
راح اوضه الكاميرات وشاف كامل وهو بيخدر قمر وزياد لما اخدها وتابعهم عرف أنهم اخدوا عربيه تبع الفندق وراح الرسبشن عرف انها رايحه طائرة خصوصيه لكامل وزياد
ادهم:ايه الي خلاهم ياخد عربيه تبع الفندق
مدير الفندق:عشان محدش يقدر يروح هناك غير الي تبع الفندق
ادهم: طب والسواق فين
فرد امن :للاسف يفندم لقيناه مغمي عليه في الجراش
ادهم :عايز عربيه دلوقتي حالا
جري وراهم بالعربيه بسرعه شديده وبقا ورا عربيه كامل وفضل يزود في السرعه لحد ما بقا جنبه وابتدت قمر تفوق وتصوت
كامل :اسكتي يا بت وانت زود السرعه شويه
زياد:دي اعلي حاجه
كامل بعصبيه :مفيش منك فايده
ضربه بالنار ورماه من العربيه
وضرب كوتش العربيه بتاعت الأمن بالنار ومفيش غير ادهم
قدر ادهم أنه يعتقل طريق كامل وكسر عليه بالعربيه
ادهم وهو نازل من العربيه كامل ضربه بالنار في رجله
كامل :انت خلاص خسرت وبص علي قمر 
كامل: وانا هاخد القطه بتعتك اتسلي بيها في الغربه مع انها مش نوعي المفضل
ادهم بتعب وبيحاول أنه يقوم:ده علي جثتي
كامل : ماهي علي جثتك فعلا
ادهم:قمررر خدي العربيه واجري
قمر بعياط:لا مش هقدر اسيبك
ادهم بوجع:اسمعي الكلام
كامل بضحك:مش هتعرف عشان المفتاح معايا
بيصوب المسدس ناحيه ادهم:مع السلام
وفاجاه سمع ادهم ضرب نار بس مامتش فتح عينه لقي كامل بيقع وقمر وراه ماسكه المسدس
ادهم بدوخه:قمر
قمر رمت المسدس وجريت عليه:اجمد انا جنبك قوم يلا
ادهم شبه اغماء:انا بحبك
قمر بعياط:وانا والله بحبك بس قوم معايا
ادهم فقد الوعي جي رجال الأمن والاسعاف اخدت ادهم وقمر
في المستشفى
مراد واقف هو ورنا وميار لقوا قمر داخله وادهم نام على السرير بيدخلوا العمليات
جريوا عليها
مراد:ايه الي حصل
قمر بعياط:كامل ضربه .....بالنار في رجله وانتوا بتعملوا ايه
ميار ورنا حضنوا قمر
قمر:في ايه...... فين عز....فين عز يا مراد
مراد بحزن :عز اتسمم
قمر:اه يارب قومهم بسلامه يارب انا مليش غيرهم
وبعد شويه خرج دكتور من اوضه العمليات جريوا عليه
قمر :ايه هو كويس صح
الدكتور: الحمدلله قدرنا نوقف النزيف والباقي على ربنا
قمر:طب وعز
الدكتور: عملنا له تحاليل وطلع في ماده سامه في جسمه هنعمل له تنقيه للدم واحتمال نحتاج حد فيكم نفس فصيله دمه يتبرع له
قمر:انا أخته اقدر اتبرعله
الدكتور: هنحتاج نعمل كذا تحليل كده عشان اطمن على حضرتك قبل ما ننقل الدم للمريض
قمر:تمام انا جاهزه
وبعد مرور يومين ادهم بقا كويس وعز لسه ما فقش وقمر كل يوم تتبرع ليه بالدم وفي يوم الحمدلله الدكتور خرج بلغهم أنه فاق بس مش احسن حاجه
قمر:طب ممكن ندخله
الدكتور:ممكن بس من فضلكم متخلهوش يتكلم كتير
وفعلا دخلوا جريت عليه قمر وحضته
عز بابتسامة:براحه عليا
قمر : وحشتيني اوي
عز بتعب:انتي اكتر يا حببتي
قمر:خلاص متتكلمش كتير
عز:هو ايه الي حصل
ادهم دخل عليهم وهو ساند علي عكاز
ادهم: حمدالله على السلامه يا برو
عز:ايه الي حصلك انت كمان
ادهم:عادي حاجه بسيطه طلقه في الرجل
عز:اه سهله اوي ...وكامل الكلب ايه الي حصله
ادهم:لا وراك رجاله
عز:تسلموا يا وحوش
ادهم:لا هي بنت بس ب 100 راجل
عز باستغراب:مين
ادهم:قمر
عز:بجد
مراد:وهي الي اتبرعت ليك بالدم
عز:لا انا عايز اعرف كل حاجه
وحكوا  له على كل حاجه
عز:مش حبيبت اخوها دي
رنا:وانا
عز:قلب اخوها .....هي فين ميار
مراد: اخوتها منعوها أنها تيجي وبقت تتطمن عليك كل ساعه من البنات
عز:كل حاجه هتتحل بس لما نخرج من هنا
مراد:انا عايز اتجوز بقا
عز:انت في ايه ولا ايه
ادهم:حس علي دمك واحد مسموم وواحد مضروب بنار مين في حيل يتجوز
عز: انا اتسميت مش قلبت سوسن انا .....وبعدين لسه عليك شويه
ادهم:ربنا يهون عليا الايام
ادهم همس في ودن قمر:انا تعبان متوصليني علي اوضتي ينوبك فيا ثواب
عز:انت لو ممشتش انا الي هوصلك بس علي عزرائيل
قمر بلهفه:بعد الشر
عز:غورو كلكم بره
......................................................
هستني رايكم في الكومنتات واعمل فولو ودوس علي النجمه❤️👀
Sohila Ahmed