شخصيات الرواية:
ابو محمد(عبدالله) :عمره54 يحب عياله و زوجته و تزوج هو و جميله عن حب..
ام محمد (جميله ) :عمرها 50 تحب عيالها بس عصبيه عليهم و تزوجت ابو محمد عن حب
محمد: عمره 26 يشتغل محامي يحب يتهاوش مع قمر و يحب الشاهي بشكللل
قمر :عمرها23 تدرس طب جميله على امها تحب صديقتها رفيف وهي و رفيف من الطفوله مع بعض و يدرسون مع بعض و الكل يحسدهم على صداقتهم تحب القهوه سوداء
رفيف :عمرها22صديقة قمر تدرس طب تحب القهوه تعشق الرياكشنات
ابو نجم(خالد) :عمره56 عصبي بس حنون مع اهله مره و تزوج زواج تقليدي
ام نجم(نوره):عمرها 51 حنونه مع ولدها مره كانت تبي بنت عشان تسميها نجمه بس ربي مارزقها ف سمت ولدها نجم ...
نجم: عمره 24 يدرس مكافحة المخدرات يحب القهوه بشكل و يحب صديقه ماجد سوا من المتوسط
ماجد:صديق نجم عمره24 يشتغل في شركة ابوه
يحب القهوه
باقي الشخصيات تعرفونها بالرواية
في يوم مشمس جميل وفي إحدى شوارع مدينة جده او كما يقال لها عروس البحر الاحمر وفي إحدى البيوت الشعبيه تتواجد بطلتنا الي كانت مروقه لابعد حد حاطه السماعه في اذنها تسمع صوت مغنيها المفضل"ابو نوره"يردد في اذنها وكانت تردد معه وهي تمشط شعرها ومسكت الفرشه عساس مايك وشهقت بفزع من اليد الي ضربتها على رأسها وقفت الاغنيه وهي تلتفت لرفيف المعصبه وهي تهاوشها
رفيف:لي ساعه ادق بوري الناس تجمعت حولي تحسب فيني بلا والميتين قامو من الازعاج وانتي للان مانزلتي صارلي أكتر من ساعه مستنيتك تحت!!
قمر:وانا اشدراني؟؟ ماتشوفيني حاطه سماعات كان مفروض تدقين علي عالاقل!
رفيف وهي تحط انظارها على ساعتها الي تدل لها انهم متأخرين عالجامعه: ياالله ياقمر تأخرنا كالعاده ياخي حلم حياتي اروح الجامعه بدري! دايم اتأخر بسببك هذا اول يوم لنا في السنه الثلاثه متى ناويه تتعدلي؟؟؟
قمر:لا ماعليك بس اليوم وباقي الايام صدقيني بنروح عالموعد راح أرتب نومي أن شاءالله
رفيف وهي تقلد إحدى الرياكشنات: بس بس بس هالكلام هذا قوليه حق وحده مدمغه مو وحده تعرفج عدل!
قمر بضحك:متى ناويه تبطلي تقليد رياكشنات!
رفيف:لما تبطلي تتأخري!
ضحكت وهي تلبس عبايتها وتحط نظرها عالساعه المتعلقه بالجدار:ووي رفيف الله ياخذ عدوك تأخرنا الدكتور ماحيدخلنا من اول يوم ننطرد!
وركضت تنزل للسياره وراحت رفيف تمشي خلفها وهي تنطق:وانا ايش دخلني! كله منك ننطرد ونتفشل كمان
في طريقهم للجامعه رفيف الي كانت مسرعه وقمر الي ولا همها وتقلب في جوالها ولا كأنها تأخرت في اول أيامها في السنه الثالثه لها في الجامعه وهي تقول
قمر:هديها شويه حبيبتي رفيف ترا الدكتور ماحيطير!
شهقت بفزع بعد ماتوقفت رفيف بقوه في نص الشارع وهي معصبه مره منها وزادت عصبيتها بعد ماشافت برودها
رفيف:حبيبتي تراك متأخره!! المحاضره بدأت لها اكثر من نص ساعه تقريبا! وانتي تقولي هديها؟!! هذي اخر مره أمر عليك فيها والله اوريك بكره خلي محمد يوديك انا مو جايتك!
وانتهت رفيف لصوت بوري السياره الي خلفها وهو يتكلم متعصب:مازانت لك الجلسه الا بنص الشارع!!! رفيف وهي تمشي بالسياره إلى ما وصلت للجامعه
