عند قمر
اتجهت قمر وهي تدور بعيونها على احد من أهلها الى ما حصلت محمد جالس بالأرض وعيونه عالسقف اتجهت له وهي تبكي
قمر ببكاء:محمد تكفى طمني على جدتي شصار عليها تكفى قول انها بخير
رفع محمد نظره وامتلت عيونه بالدموع:عظمم الله اجرك ياقمر
طاحت قمر بالأرض بدون استيعاب واغمى عليها وصحيت بعد 15 دقيقه في احد الغرف رفعت نظرها للي قدامها وشافت محمد واقف يتكلم مع الدكتور وبعد ما انتهى رجع لها
محمد:صحيتي؟
قمر:ايه بس فين ابويه؟
محمد:راح يدفن جدتي
سكتت قمر باستيعاب ووجهت نظرها للسقف بتأمل وماحست الا ودموعها تطيح على خدها وهي ساكته
استغرب محمد أو خاف من سكوتها المفاجئ لان قمر أكثر وحده متعلقه بجدتهم بس سكت وماسألها
نرجع للحاضر
نزل نجم مع أمه متجهين لبيتهم وفتح لهم الباب ابوهم ودخل وهو يسمع أبوه يسأل امه
خالد:وش فيك يا ام نجم ماقد دخلتي البيت ساكته وهادئه!؟
نوره:مافيني شي أن السكر ارتفع عندي ولازم امي اهدي شوي
اتجه نجم لغرفته متجاهل السوالف الي تنحكي بين امه وأبوه وهو يفكر باليوم الغريب الي مر عليه
في بيت ابو محمد
قمر الي ماصدقت الموضوع كيف ان جدتها ماتت! مر اول يوم عزاء وكان الكل منهار و ثاني يوم جات وحده ام قمر مشبهه عليها بس طنشت الموضوع مالها خلق تفكر الي فيها مكفيها و ثالث يوم كانت قمر في وضع مايسمح تداوم ابد ولا هي بخير مو بس قمر كل اهل قمر …
عند قمر و رفيف
قمر الي بحضن رفيف منهاره : رفيف ماني مصدقه جدتي خلاص ماتت أنا كيف بعيش
وكانت رفيف تواسي قمر و هي تبكي و يبكون مع بعض
بعد اسبوعين من موت الجده....
في المغرب عند بيت اهل محمد
كانت قمر و رفيف في الغرفه يسولفون فجأه دخلت جميله
جميله: اسمعوا بنات
قمر :هلا
ام محمد : ابيكم بعد المغرب كاشخين و تجون تحت عشان فيه وحده اسمها ام ناصر داقه علي تقول بجي بعد المغرب عندي موضوع ضروري معك
قمر:ام ناصر مين ما اعرفها ولا قد تكلمتي معي عنها!
ام محمد : حتى أنا ما اعرف من ذي بس تقول لي انها تعرف جدتك الله يرحمها المهم ابيكم تكشخون و تجون تحت
سكتت قمر بتفكير وحيره ولاحظت رفيف قمر
رفيف:ابشري..
طلعت جميله وخلت قمر في حيره من ذي وغريبه تبي تجي عشان موضوع ضروري وش الموضوع ذا قطع حبل أفكارها رفيف الي عطت قمر كف
قمر :وجع ايش تبغي!
رفيف و هي ميته ضحك: لي ساعه اتكلم معك شفيك تفكرين بوش؟
قمر : تتوقعي مين ذي ام ناصر ؟ بعدين انتي وش كنتي تبغي؟
رفيف: ما اعرف يمكن تعرف جدتك الله يرحمها وتبغى تقول لكم شي عنها
قمر :يمكن،وش كنتي تبغي ؟
رفيف بضحكه: كنت اقولك مامتك تحسبني بنتها تقول اكشخوا
قمر: ماما أصلا تحبك اكتر مني المهم قومي نكشخ لام ناصر
رفيف : تمام
قاموا البنات يكشخون ما كثرو مكياج بس خفيف يعني و لبسها ناعم و مرتب
رفيف : باخذ التيشرت منك حبيتها
قمر : حبيبتي أنا مابعد لبستها عشان تأخذينها
رفيف بغمزه: باخذها بعدين مو لازم تلبسيها حلالي و حلالك واحد
ضحكت قمر بشده على رفيف
نزلوا البنات و جلسوا يسولفون شوي مع جميله شوي رن الجرس قاموا البنات و جميله يفتحون الباب
ام محمد : هلا نورتينا حياكي داخل
ام ناصر : الله يحيك
دخلوا للصاله و جلست قمر تصب القهوه و
رفيف تعطي الحلا ام ناصر
ام ناصر ناظرت قمر :من انتي؟
قمر :قمر
ام ناصر بابتسامه:اها ياحلوك تهبلين
قمر ابتسمت و جلسوا يسولفون شوي نطقت ام محمد وهي تسألها السؤال الي تبي تسألها ياها من زمان
ام محمد :إلا اقول نوال ايش كنتي بتقولي لي ؟
ام ناصر ابتسمت : اي ابشري بس ياقمر صبي لي قهوه
قامت قمر و صبت قهوه لها و جلست
نرجع بزمان شوي..
