وقفت العنود وماكانت ملاحظه نظرات محمد الي ماشال عيونه عليها من يوم دخلت وماكانت مهتمه لاحد وانتبهت لابراهيم الي كان واقف بعيد عنها بشوي وماسك كوب القهوه ومبتسم باستهزاء اخذت نفس تهدي نفسها وتقدمت له بكعبها الي صوته عالي بالمكان وريحه عطرها الفايحه من عبايتها ووقفت قدامه وماعطت اي رده فعل لكن ابراهيم ضحك باعلى صوته
ابراهيم:شكلك...... ماقدر يكمل جملته بعد ماحس بكف العنود الي انطبع على خده وهي أعطته كف بكل قوتها لدرجه ان وجه ابراهيم لف للجهه الثانيه!
عصب ابراهيم بشده ورفع يده بحيث يرد الكف لها!لكن بحركه سريعه من محمد الي قرب منهم مسك يد ابراهيم ولفها!وهمس بأذن ابراهيم همس مسموع للعنود
محمد:لاتحاول تمد يدك مره ثانيه لاني مو بس بلويها لا بكسرها وممكن اني ابترها لو تحاول تتمادى مره ثانيه مفهوم!
أما عن ابراهيم ماكان قادر يتكلم أو يرد من الألم وفقط يون!
فكه محمد بعد ماحس أنه بيكسر يده وطاح ابراهيم على الأرض بألم ومسك يدها وناظر لمحمد بنظرات شر!
أما عن محمد ماهتم وطلع لمكتبه بدون أي كلمه ولا حتى التفت!
عند قمر ورفيف بعد انتهاء دوامهم
رفيف:شوفو مين شرفت!!
قمر وهي تمشي بغنج:شرفت اجمل الجميلات طبعا
رفيف:الخااينه!
قمر:ليش شسوويت؟
رفيف:رحتي وخليتيني اتصرف مع سيارتي بسببك تأخرت على الكلاس!
قمر:اايهه هههههههههههههههههههه وشصاار طيب كيف جيتي
رفيف:صحح ماقلت لك تعالي تعالي بس نروح نجلس بكوفي على السريع واعلمك صارت سالفه!
قمر:اممانهه هيا جايهه
في الكوفي
رفيف:بس والله ومشيت للجامعه
قمر:ذي السالفة بالله؟وش الحلو فيها؟؟
رفيف:اهخ ياقمر هو نفسه!
قمر:ميين نفسه؟قد شفتيه قبل كذا!
رفيف:اايه ببيتكمم
قمر:متتى ماقلتي ليي
رفيف:صح نسيت طيب اسمعي بعلمك
نرجع للماضي في يوم العزيمه
بعد مادخلت رفيف للبنات واستلموها طقطقه بسبب شعرها الي طار ولصق بوجهها
اثير:امانه وربي تخيلت شكلك احس يضحك هههههههههههههههههههه
كشرت رفيف بزعل:وربي اروح العب مع رنيم احسن لي منكم!
وخرجت من الغرفه تدور على رنيم ولقتها جالسه بالصاله الخارجه تلعب بالجوال وجلست معاها وقعدو يلعبون حول الربع ساعه
بعد مده من لعبهم
رنيم:احس اني عطشانه
رفيف:روحي هاتي لي ولك مويه
رنيم وقفت وحطت ايدينها على خصرها وهي تميل جسمها بحركه طفوليه:لا والله حجره ورقه مقص والي تخسر تروح
عدلت جلستها رفيف:يلا!
رنيم:حجره ورقه مقصص
رفيف:تعادلنا روحي انتي
رنيم:لاا حبيبتي تجين معي
تأففت رفيف بتملل ووقفت تروح معاها
وفي المطبخ الخارجي
وقفت رفيف هي ورنيم قدام الباب وتجمدت رفيف وهي تشوف الي واقف قدام المغسله يغسل يده بثوبه الابيض شبه ملطخ بالدم بسبب ذبحهم للخروف وشماغه الاحمر وعقاله الي بيطيح اما عن ماجد كان يغسل يده من دم الخروف ولف يجيب المنديل من جنبه ومانتبه لنظرات رفيف الي شافته شنبه شبه الكثيف وملامحه الرجوليه وفجأة افلتت رنيم يدها من رفيف وركضت لعنده وهي تصرخ
رنيم:عموو مماجدد
قبل يلتفت ماجد هربت رفيف عشان مايشوفها ورجعت للبنات وهي مو معاهم ابد!
نرجع في الكوفي عند رفيف وقمر بالحاضر
قمر:اااوف كلل ذا صار ولا علمتني
رفيف:ياخي نسيت مشيها
قمر بغمزه:ايه وبشري طحتي ولا على الحافه
رفيف بعدم وعي:صراحه طحت وبقوه بعد
انفجرت قمر بضحك وهي مصدومه من رد رفيف الغير متوقع وشوي سكتت وهي تستوعب
قمر:لايكون!
رفيف بتعجب:مين؟
قمر:لايكون نفسه الي صفقته كف!
رفيف وسعت عيونها وهي تستوعب الشبه في الصفات الي بينهم بقوه!:صح!امانه تخيلي
قمر: يمكن وربي
رفيف:طيب كيف شكله؟
قمر بعد مارجعت تشرح شكل وجهه لرفيف
تنهدت رفيف براحه:لالا مو هو
قمر:وش عرفك؟
رفيف:انتي قلتي عنده لحيه خفيفه صح؟
قمر:ايه بس شدخل
رفيف:الي شفته مافي لحيه يالله ياالله شفت الشنب
قمر:اوف طيب من ذا الي شفته ياربي
رفيف:ياخي تذكري
قمر:ياخي وربي مو قادره معرف مين هو!
بعد مده رجعو للبيت
