عند نجم
جالس ينتظر لحظه دخولها لحظه دخولها بتكون لحظه إعلانه متزوج خلاص وماهي الا دقايق سمع صوت دق الباب وانفتح الباب ودخلت له بكامل أناقتها بفستانها الوردي عاري الاكتاف مخصر وشعرها الاسود الطويل يوصل لمؤخره ظهرها ومسويته ويفي ميكاجها الخفيف لكن ملامحها كانت عابسه ومع ذلك كانت ملامحها تفتن حتى في عبوسها جلست أمامه وهي منزله راسها والعبره خانقتها كان يتأملها ويتأمل ملامحها الذابله وكأنه مو مستعده للي بتعيشه معاه قرر أنه يكسر الصمت بينهم تحمحم ونطق
نجم:ق......
قاطعته قمر بكل هدوء:ترا الزواج الي بيصير بيننا مؤقت لأكثر كلها كم شهر وتطلقني وكل واحد يروح بطريقه تمام؟
نجم:اتوقع انه ذا الشيء الوحيد الي اتفقنا فيه
قمر حطت رجل على رجل:لا تتوقع تأكد لاني غير هذا مابتفق في شيء ومعك انت خصوصا
نجم:طيب هدي يالغالي شفيك معصب؟
قمر:شف....انفجرت بالبكاء وهي ماصدقت احد يقول كلمه شفيك كانت شايله هموم عليها كثثثييره هموم جامعتها وزواجها المفاجئ وكيف تتعايش معاه وكيف تتزوجه وهي ماتحبه وكيف اهلها غصبوها عليه!!!
نجم توتر وهو مايعرف يتصرف بالمواقف ذي:ه.صبر شفيك طيب وش قلت أنا!؟...اسف اسف والله اسف مدري وش قلت عشان تبكين بس خلاص اسف اسكتي لايدخل اخوك ويهبدني يحسب اني مسوي فيك شي
ماهي الا ثواني وانفجرت قمر بالضحك بوسط دموعها:ياااررببي هههههههههههههههههههه
نجم:بسم الله الرحمن الرحيم انهبلتي؟؟
قمر بضحكه:لا بس تخيلت اخوي محمد يدخل فجأه ويهبدك هههههههههههههههههههه
نجم بصدمه:لا صدق والله مهبوله منتي بعقلك فيك شي انتي بدال ما اخذك شهر عسل اخذك شهر مستشفى مجانين!!!
قمر بغضب: ياخي كل تبن ماصدقت على الله اضحك الاسبوع كله ذا منكده بسببك وبسبب ناصر التبن
نجم:وش دخلني طيب!
قمر:خلاص انكتم اووف مافي مرايه هنا بشوف شكليي!
نجم:ماتغيرتي نفسك ماساح المكياج لاتخافين
قمر:ماثق فيك...التفت له:عندك مرايه؟
نجم:وش ابغى بالمرايه؟،عندي جوالي تبين؟
قمر:ايه افتح على الكام وعطني هو
نجم تأفف:تمام فتح عالكام وبدون مايحس ضغط على تشغيل المقطع
قمر الي اخذت الجوال ومو منتبهه أنه يصور وبدأت تمشيه على وجهها تشوف كل تفاصيل وجهها حتى تشوف اذا خرب شي او ساح من مكياجها وبعد ما خلصت أبعدت الكاميرا ليظهر وجهها بالكامل رسمت بوسه على الهواء مع غمزه
قمر:اووف وربي اني اهبل كيف ياخذك
نجم برفعه حاجب:هي انتي احترمي عمرتس ترا من اول سأكت لتس وربي ترا افصل عليتس!!
قمر:أما تتكلم بال تس
نجم:وش متوقعه؟
قمر:يعني انت مو جداوي؟
نجم بضحكه:جده؟؟!
قمر بابتسامه:اتي ووبحرر
نجم انفجر ضحك من جوابها وهو كان يقصد أنه معقول شكله شكل جداوي لكن الظاهر قمر فهمت غلط
قمر باستغراب:نعم ايش قلت عشان تضحك؟؟
نجم اخذ جواله من يدها:خلاص ياماما مايحتاج اشرح انتي كذا كذا مابتفهمين
قمر كانت بترد لكن قاطعها دخول امها وام نجم
ام نجم: تبارك الرحمن تهبلون ماشاءالله عيني عليكم بارده
ام محمد : تجنوننن ،تعالوا انزفوا عشان الدبل حقتكم
ام نجم : يلا يلا تعالوا
نجم و قمر الي وقفوا مع بعض
ام نجم : نجم امسك يد زوجتك عشان الفستان
توترت قمر من كلام ام نجم ، ونجم الي ماصدق مسك يد قمر وشد عليها و قمر الي تبي تبكي
و مشوا مع بعض لين انزفوا
