شهقت رفيف بصدمه بعد الي قالته قمر
اثير:امانههه مينن ذاا؟؟
قمر:وشدراني طلع بوجهي فجأه
ريهام:اشرحي لنا شكله طيب!
اجوان:اووف تخيلت الموقف احس يضحكك
رفيف:منجدك صفقتيه؟؟
شهقت قمر وهي تستوعب وماهي إلا ثواني وهي تنفجر بالضحك
اثير:وش فيها ذي؟؟مهبوله!
قمر:تذكرت وجهه بعد الكف كان كذا قالتها وهي تقلد وجه نجم المعصب والمنصدم في ذاك الوقت وانفجرت كل البنات بالضحك البنات يضحكون على تقليد قمر وقمر تضحك على وجه نجم
رفيف بضحكه:اخخ تكفينن وجهك عيديها تكفين باخذك ملصقق
كشرت قمر بوجهها:وانتي كل شي عندك ملصق؟!
اثير:اووف ودي اعرف من هو ياخي
ريهام:للمره الالف قمر اشرحي شكله!
قمر وقفت وهي تتنهد وبدأت تشرح شكله وتحرك يدينها بحركات عشوائيه
اجوان:شفيها ذي دخلت فيك دوده؟
قمر:هه ماتضحكين المهم خلوني اكمل طوييل اشك أنه نازل من هجوم العمالقه وابيض على اسمر يعني نص نص
قاطعتها رفيف وهي تقول:اسمها حنطي يافالحه
قمر:مالك دخل خليني اكمل المهم وعلى قولتها حنطي ومعضل بس مو مره وكان لابس ثوب ابيض وغتره حمراء
ريهام:حبيبتي مابيفيددنا ثوبه وغترته كلهم هنا بثوب وغتره!
اجوان وهي تتذكر:بنات!
توجهت أنظار البنات لها
اثير:شفيك؟
اجوان:اتذكر إنه لما دخلت لمحت المجلس حقت الرجال بس حرفيا كلهم طقم فناجيل ثوب ابيض وغتره بيضاء!مافي احد غترته حمراء
اثير:صح حتى انا بعدين لاتنسون عايلتنا أحسها ماتعرف الا الغتره البيضاء!
ريهام:شرايكم نسأل رنيم؟؟
قمر:عاد انا لاتخلوني امسك رنيم اقسم بالله لاجلدها
اجوان:شرايكم اسأل اخوي؟
رفيف:انتي عندك اخ؟
اجوان:اايه!
رفيف:أجل قومي ناديه!
اجوان:ماقدر!
رفيف:ليه؟؟
اجوان:وانا جايه رجلي التوت من الكعب وللان تعورني مقدر اقوم!
ريهام:اوف والحين مين يناديه!
في نفس اللحظه البنات وجهو أنظارهم لرفيف الي كانت تسوي نفسها تفكر معهم
تقدمت اثير وجلست قدام رفيف:رفووف هيا عاد
رفيف بصرامه:لاا انسوووو
قمر:يلا رفيف اصغرنا انتي!!
رفيف:ماله دخل ماني قايمه يعني ماني قايمه
ماهي الا دقايق ونزلت رفيف من الغرف وهي تتسحب للحوش بحيث توصل للعيال الي يلعبون بالشارع وصلت لعند باب الشارع وفتحت شوي وهي ماتبين الا راسه الي مطلعته وتلتفت ماتشوف اخو اجوان الي وصفته لها تنهدت بتملل ونادت واحد منهم وجا لعندها
رفيف وهي تنزل لمستواه:تعرف وين حمد ياحلو؟
الولد:راح المطبخ الي في الحوش!
رفيف:تمام يلا روح كمل لعب
الولد طلع لسانه وهو يحارشها:مالك دخل
رفيف بصدمه:ورع عيب!
ركض الولد للشارع وهو يهرب منها وهي اتجهت للمطبخ وهي متنرفزه منه،وصلت للمطبخ ودخل وهي تشوفه ماسك سكين الذبيحه وكان بيمشي ركضت عندها
رفيف:حممد
رجع حمد للمطبخ وهو يناظرها باستغراب
رفيف نزلت لمستواه:انت حمد صح؟
حمد طالعها بعيونه الطفوليه:ايه انا ليش؟
رفيف:انت اخو اجوان؟
عند ماجد
طلع من مجلس الرجال وهو بتحلطم بصوت شبه مسموع:هذا الناقص يخلوني انا اروح اشوف الورع ليه تأخر عليهم قال ليه عشان انت اصغر واحد يماجد روح شوفه وبعدين هو ليه تأخر سكت وهو قدام باب المطبخ ويشوفها تكلم حمد بصوت مسموع له
رفيف:انت اخوها ولا لا؟؟
حمد:ايه أناا!
رفيف:طيب اختك ارسلتني اسألك سؤال تمام
حمد:طيب وش؟
رفيف:كم واحد هنا لابس غتره حمراء؟
حمد:اء فهد ومطلق ونايف واثنين ماعرفهم ليه؟
رفيف:طيب وش اسم الي ماتعرفهم!
حمد:مددري ماعرفههم
تنهدت رفيف بنفاد صبر وتملل: غبي ماتعرف شي
حمد:نعم؟؟
رفيف ناظرته:غغغبيي وش بتسويي سحب شعرها وهو يقول
حمد:انا مو غبي انتي الغبيه
شهقت رفيف:حيوان شععري! ومسكت يده وعضتها وفكها وهو يطالع فيها بصدمه
كل هذا صار قدام عيون ماجد الي كان هايم في رفيف ويطالع وجهها ويحاول يدقق في اصغر التفاصيل وفستانها الوردي الخفيف الي كان شبه قصير ومخصر وشعرها الي شبه قصير ولافته من أطرافه حس انها بتلف وتشوفه راح وانتظر خروجها من المطبخ ثم تقدم لحمد الي كان معصب وماسك سكين الذبيحه
ماجد:ولد ليه تأخرت
حمد:مالك دخل!
ماجد:اقول هيه انتبه للسانك تراني اكبر منك
حمد طلع لسانه وحذف السكين بالأرض وهرب
أنصدم ماجد من حركته ودنق عشان ياخذ السكين وأخذه ورجع للرجال
عند البنات
دخلت عليهم رفيف وشعرها منثور على وجهها ومعصبه جلست بمكانها وبجانبها قمر
اجوان:ها بشري مين؟
رفيف:عمى أن شاءالله ماعرفت يقول مايعرف اسمه وفالاخير شد شعري الحيوان
اجوان:مو معقوله ماحد الا واحد الي لابس غتره حمراء اكيد فيه غيره
رفيف:ايه قال اسمه فهد ومطلق ونايف واثنين مايعرف اسمهم
اجوان:خلاص واحد من الثلاثه اكيد
هزت راسها قمر بالرفض:لالا انا اعرف فهد ومطلق ونايف مو هم هذا واحد قد شفته ياخي بس ماتذكر وين
اثير:الله يقلعك انتي وذاكرتك التبن هذي
ريهام:حدكك الا قموري عاد!
رفيف:بلا مسرع خذيتيها مني!؟
قمر:اقول وش شايفيني تشوكلت؟
ضحكت اجوان وهي تأشر على اثير ووجهو نظرهم لاثير الي كانت بتقوم عشان تطلع الا أنها طاحت على وجهها
ضحكت قمر:ااخخخ تستااهلينن
رفيف وقفت ضحك:شكل الي رقمك قعد يدعي عليك وكملت تضحك وانتهت اجواءهم بالضحك والوناسه وخلصت العزيمه وكل شخص راح لبيته
في سياره نجم بعد ماوصل امه وراح يوصل ماجد
كان كل واحد غرقان في هواجيسه وصوت عبادي عالي في السياره ونجم يردد معه «قالو بتلقى غيرها واترك هواها اليوم!!قلت العفو ياحاسدين مابدل قمر بنجوم...!» رفع يده ماجد وهو يقفل المسجل ناظره نجم بعصبيه من حركته
نجم:سلامات بالحبيب توني اندمج؟؟
ماجد:وش جوكم ياشيخ عبادي الفجر!
نجم:وش عليك عاد احسن من جوك كئيب ماغير تهوجس!
تنهد ماجد:جنب جنب بقولك سالفه
استغرب نجم وجنب السياره ووقفها ولف جسمه ناحيه ماجد وصار مقابل ماجد
نجم:ولد وش سالفتك؟
ماجد تنهد:شفت لما رحت انادي هذاك الورع الي كان بيجيب سكين الذبيحه؟
نجم:ايه وشصار؟
ماجد:ياولد دخلت المطبخ قبل اتكلم شفت وحده لا اله الا الله ياولد حلوهه! قسم بالله اني تنحت فيها ماقدرت اتحرك ولا انزل كلمه وحده!مدري تخدرت معد عرفت حتى اتكلم
نجم بصدمه:شافتك؟؟
ماجد:لا هربت قبل تشوفني
ضرب نجم راس ماجد
نجم:حمار انت تخيل شافتك بعدين حرام البنت كبيره!
ماجد:ياخي وش اسوي والله وقتها ماحسيت بنفسي بس قعدت اطالعها
رجع نجم ظهره للكرسي وهو يتذكر الي صار معه لما شاف قمر واستوعب وخاف انها تكون نفسها الي قابلها هو قابلها ماجد رجع عدل جلسته وطالع بماجد
نجم:ولد!
ماجد: نعم؟
نجم بتهور:وش كانت لابسه؟
توسعت عيون ماجد وتنصدم من وقاحه نجم وضربه على مؤخره رقبته
ماجد:ياحيوان وتوك تقول عيب وحرام!
نجم:لالا ماقصد الي في بالك يا وصخ اقصد يعني وش لون فستانها؟؟
ماجد خزه:ليه تسأل؟
نجم: جاوب وذاك الحين قلت لك ليه اسأل
ماجد:وردي ليه؟
نجم تنهد براحه ورجع ناظر ماجد وهو يصرفه ما وده يقوله السالفه الحين
نجم:خلاص اسحب
ماجد:ولد قل ليه تسأل!
نجم:ياخي خلاص قلنا!
ماجد:وورع!
نجم:ياليلل اقول انزل انزل هنا انقلع شف لك احد ثاني يوصلك
ماجد:تطردني؟افا!
نجم:اسكت ومابطردك
ماجد:سكتنا خلاص!
وصل نجم ماجد بيته ورجع للبيت وانسدح فوق سريره وهو يفكر في البنت الي شافها
