عند نجم و ماجد
ماجد :وجع سنه ليه تطول هاه؟
نجم: سولفت مع راشد شوي
ماجد :لا والله وانا جالس انتظر حضرتك هنا
نجم ببرود: ايه عادي ماصار فيك شي!
ماجد عصب من طريقه نجم البارده ومشى الشركه ووقف عند الشركه ونزل نجم ياخذ سيارته المركونه أمام باب الشركه ومشى
بطريق نجم
نجم لمح جواله يدق ومسكه يرد: سمي
ام نجم :وينك ؟
نجم:راجع للبيت سمي؟
ام نجم :خلاص تعال خذني من بيت ام محمد
نجم ببتسامه اول مانذكر بيت ام محمد:ابشري
عند قمر الي نزلت من سياره رفيف على وصول نجم نزلت من سياره رفيف ولمحها نجم الي كان في سيارته يراقب الشارع وعدل جلسته وهو يضحك ضحكه خفيفه وينزل من سيارته ويتجه باتجاهها
وعلى ثغره ابتسامه خفيفه أما عن قمر الي كانت خايفه من تهديد نجم وهي بطبعها تخاف من اي شيء بس تبين أنها قويه وكانت تمشي وسرحانه بالطريق ولمحت نجم الي جاي باتجاهها تجمدت مكانها للحظه وبعدها مشت بسرعه للبيت وهي ماستوعبت
قمر في نفسها:يمه شكله جاي ينفذ تهديده يااربيي وليش جاي لبيتنا!!
كانت تمشي بسرعه ومو منتبهه لام نجم الي كانت تناديها
ام نجم بتعجب:قممر!ياقمر!وش صار عليها ذي؟؟!ليه ماترد!
قمر دخلت من دون ماترد على ام نجم الي كانت مستغربه وضعها والي باين عليها الخوف!
عند نجم الي رجع السياره لما لمح امه نازله وركبت معاه
نوره بتعجب:وشبلاها البنت؟! والتفتت لنجم برفعه حاجب: لايكون مسوي للبنت شي!
نجم بصدمه:اناااا يمهه افاا ماهقيت انك تشوفيني كذا!
نوره:حاسه ان وراك بلا!
نجم:لالا يمه ما وراي الا كل خير!
عند قمر
دخلت غرفتها مسرعه وقفلت الباب وجلست على سريرها تاخذ نفس
قمر بتنهد:اوف ياقمر وش الي يخوف!!مستحيل يسوي لك شي اساسا ومايقدر! وقطع كلامه صوت امها من ورا الباب
جميله:قمر حبيبي فيك شي؟؟
قمر: لاياقلبي مافيني حاجه
تنهدت جميله وهي ماتعرف كيف تفاتح قمر بموضوع ناصر الي مو عارفين كيف يتخلصون منه!
عند نجم
دخل للبيت وهو يفكر كيف تجرأ وكان بيروح لها؟قاطع أفكاره صوت امه الي تناديه
نجم:هلا يمه؟
نوره:نجم وانا امك ابرسلك اغراض وأبيك تجيبها
نجم: ابشري يمه بس من عازمته؟
نوره:خالتك ام العنود وام محمد
نجم:يمه توك كنتي عند أم محمد!
نوره:ايه يا امي بس هذي العزيمه مو اليوم
نجم:أجل وشوله اروح الحين؟
نوره بغضب:وانا قلت لك روح الحين؟؟قلت لك جيبها بس!
نجم:ابد ابشري أن شاءالله بكره اجيبها
نوره:تمام ارسلتها لك
نجم:أجل يلا انا بروح غرفتي تأمريني شي؟
نوره:سلامتك
راح نجم لغرفته وبدل ملابسه ومسك جواله يدق على ماجد واول ماسمع صوت ماجد رد عليه
نجم:ممجود كيفك؟؟
ماجد:هلا وش بغيت؟
نجم: والله الصدق شرايك نكشت انا وانت والعيال؟
ماجد:مع اني زعلان منك بس ماقول لا
نجم: ابد ماعليك بجيب ورده واراضيك
ماجد:ياشيخ تقلع
قفل منه نجم وهو ميت ضحك على ماجد وزعله
